PHEONIX

പരാജയം സമ്പൂര്‍ണ്ണം!

2012-01-28T15:29:00.000+04:00

4-0 തോല്‍വി വഴങ്ങി ഇന്ത്യന്‍ ടെസ്റ്റ്‌ ക്രിക്കറ്റ് ടീം നാണം കെട്ടു. വിരാട് കോഹ്ലി എന്ന പയ്യന്‍ ഉണ്ടായിരുന്നില്ലെങ്കില്‍ നാലാം ദിവസം തന്നെ ഇന്ത്യ കളി അവസാനിപ്പിക്കുമായിരുന്നു. ഫോളോ ഓണിനു നിര്‍ബന്ധിക്കുന്നതിന് പകരം തങ്ങളുടെ ബൌളര്‍മാര്‍ക്ക് വിശ്രമം അനുവദിച്ച മൈക്കല്‍ ക്ലാര്‍ക്കിനെയും നമുക്ക് സ്തുതിക്കാം. അല്ലെങ്കില്‍ ഒരു ഇന്നിങ്ങ്സ് പരാജയം നേരത്തെ സംഭവിച്ചേനെ. (പണ്ട് സ്റ്റീവ് വോ ഇന്ത്യയെ ഫോളോ ഓണ്‍ ചെയ്യാന്‍ വിട്ടതിനു കൊല്‍ക്കത്തയില്‍ കനത്ത വില നല്‍കിയത് അവരെ ഇപ്പോഴും വേട്ടയാടുന്നുണ്ട്‌. അതില്‍പിന്നെ എതിരാളികളെ കംഗാരുക്കള്‍ ഫോളോ ഓണിനു വിട്ടിട്ടില്ല എന്നാണറിവ്).

ഒരു പൊളിച്ചു പണിക്ക് (അഴിച്ചു പണിയല്ല) സമയമായിരിക്കുന്നു. ക്രിക്കറ്റിലെ ദൈവങ്ങള്‍ എന്ന് വിളിക്കുന്ന പ്രതിരൂപങ്ങളെ കൈവിട്ട് പുതു തലമുറയെ ടീമിലേക്ക് പ്രവേശിപ്പിക്കാന്‍ സമയമായി. സച്ചിന്‍, ദ്രാവിഡ്, ലക്ഷ്മണ്‍, ഗംഭീര്‍, ധോണി ഗംഭീര്‍ പിന്നെ സെവാഗ് തുടങ്ങിയവരെല്ലാം തിണ്ണമിടുക്ക് കാട്ടാന്‍ നാട്ടില്‍ ഫോമിലാവും എന്നല്ലാതെ വിദേശത്ത ഒരു വേഗതയുള്ള പിച്ചില്‍ ചെന്നാല്‍ മുട്ട് വിറച്ചു ഔട്ട്‌ ആകുന്ന കാഴ്ചകളാണ് സമീപ കാലത്ത് കാണുന്നത്. അടിയന്തിര പ്രാധാന്യത്തോടെ ചില നടപടികള്‍ തുടങ്ങി വെച്ചാലെ ഇന്ത്യന്‍ ക്രിക്കറ്റിനെ രക്ഷിക്കാന്‍ കഴിയൂ.

ഐ.പി.എല്ലില്‍ നിന്നാണ് തുടങ്ങേണ്ടത്. കുട്ടിക്രിക്കറ്റ് വന്ന കാലം മുതലാണ്‌ ഇന്ത്യന്‍ ക്രിക്കറ്റിന്റെ ശനിദശ തുടങ്ങിയത് എന്ന് വേണമെങ്കില്‍ പറയാം. ഒരു ദിവസം 90 ഓവറുകള്‍ ടെസ്റ്റില്‍ കളിക്കേണ്ട സ്ഥാനത്ത് മണിക്കൂറുകള്‍ക്കുള്ളില്‍ ഇരുപത് ഓവറുകളില്‍ കളിയും കഴിഞ്ഞു കൈ നിറയെ പണവുമായി മടങ്ങാന്‍ പറ്റിയാല്‍ പിന്നെ ആരാണ് ടെസ്റിന് വേണ്ടി മേലനങ്ങുക? ഇന്ത്യന്‍ ടീമിലെ ഒട്ടുമിക്ക താരങ്ങളും ഐ.പി.എല്ലിനായി മാനസിക തയ്യാറെടുപ്പുകള്‍ തുടങ്ങി കഴിഞ്ഞു എന്ന് വേണം കരുതാന്‍. എതിര്‍ ടീമിന്റെ ഇരുപത് വിക്കറ്റുകള്‍ വീഴ്ത്താന്‍ പഞ്ച ദിന മത്സരങ്ങളില്‍ ഇന്ത്യക്ക് കഴിയുന്നില്ല. ബൌളര്‍മാരെല്ലാം ലക്ഷ്യബോധമില്ലാതെ എറിയുന്നു.

അടുത്ത ഘട്ടം നടപടി ക്രിക്കറ്റ് സെലക്ഷന്‍ കമ്മറ്റിയില്‍ നിന്നാണ് തുടങ്ങേണ്ടത്. ശ്രീകാന്തിനെ ആദ്യം മാറ്റണം. എവിടെ പര്യടനത്തിനു പോയാലും തന്റെ സ്വന്തക്കാരായ ചില താരങ്ങളെ ടീമില്‍ തിരുകി വെക്കുവാന്‍ ടിയാന്‍ പ്രത്യേകം ശ്രദ്ധിക്കുന്നു. ഈ തോല്‍വിയിലും അക്കാര്യം പ്രത്യേകം ശ്രദ്ധിക്കണം.

വയസ്സന്‍ താരങ്ങള്‍ക്ക് ഒരു സ്വയം വിരമിക്കല്‍ പദ്ധതി ഏര്‍പ്പെടുത്തണം. ടെസ്റ്റിലും ഏകദിനത്തിലും ടീം തെരഞ്ഞെടുക്കുമ്പോള്‍ ഐ.പി.എല്‍ ഒരിക്കലും അടിസ്ഥാനമാക്കരുത്. സീനിയര്‍ താരങ്ങളെ കമന്ററി പോലുള്ള മേഖലകളിലേക്ക് (ഉദാ. രവി ശാസ്ത്രി, സഞ്ജയ്‌ മഞ്ജരേക്കാര്‍..) തിരിച്ചു വിട്ടു പുനരധിവസിപ്പിക്കണം. കൂടാതെ മുഴുവന്‍ സമയ രാഷ്ട്രീയക്കാര്‍ ബി.സി.സി.ഐ.യിലേക്ക് മത്സരിച്ചു ജയിക്കുന്ന പ്രവണത അവസാനിപ്പിക്കണം.

ഇത്രയെങ്കിലും ക്രിക്കറ്റിനെ കുറച്ചു ഇഷ്ടപ്പെടുന്ന ഞാന്‍ പറയാന്‍ ആഗ്രഹിക്കുന്നു. അതിവിടെ കുറിച്ച് കൊള്ളുന്നു.

തളര്‍ത്തുന്ന ചിന്തകള്‍.

2012-01-18T12:22:00.001+04:00

രാവിലെ എഴരക്ക്‌ വണ്ടി വരും, ഓഫീസിലേക്ക് ഞങ്ങളെ എടുക്കാന്‍. ഡ്രസ്സ്‌ ചെയ്ത് സോക്സ്‌ കാലില്‍ തിരുകി കയട്ടുന്നതിനിടയില്‍ മൊബൈല്‍ ചിലക്കുന്നു. രാവിലെ ഡ്യൂട്ടി കഴിഞ്ഞു വന്ന ചങ്ങാതിയെ ഉണര്‍ത്താതെ പെട്ടെന്ന് തന്നെ എടുത്തു. അളിയന്റെ നമ്പര്‍! ആള്‍ രാവിലെ തന്നെ വിളിക്കാറില്ല. പിന്നെന്തേ?!

അല്‍പ്പം പരിഭ്രമത്തോടെ ഫോണെടുത്തു. സലാം പറഞ്ഞതിന് ശേഷം "എന്താ അളിയാ? രാവിലെ" "നമ്മുടെ .....ഇക്ക മരണപ്പെട്ടു". ഇന്ന് രാവിലെ. (ഇന്നാ ലില്ലാഹി ...)കാന്‍സര്‍ വന്നു കുറെ നാളായി കിടപ്പിലായിരുന്നു. അളിയന്റെ അളിയന്‍ ........എന്നയാളുടെ വാപ്പയയിരുന്നു പ്രസ്തുത വ്യക്തി. എന്നോട് ഒരു പ്രത്യേക സ്നേഹം എന്നുമുണ്ടായിരുന്നു. കഴിഞ്ഞ തവണ ഞാന്‍ ലീവിന് പോയപ്പോള്‍ കാണാന്‍ പോയിരുന്നു. അന്ന് ചികിത്സയും കീമോയും കഴിഞ്ഞു കിട്ടിയ ഇടവേളയായിരുന്നു. ഒരുപാട് നേരം ആ വീടിന്റെ കൊലയില്‍ സംസാരിച്ചിരുന്നു. എന്റെ ജീവിതത്തിലെ പ്രതിസന്ധികളില്‍ ഒരുപാട് പിന്തുണച്ചിട്ടുള്ള ആളാണ്‌. സംസാരിച്ചു തിരികെ പോരുന്ന നേരം സലാം പറഞ്ഞു കൈകൊടുത്ത സമയത്ത് അതില്‍ തടഞ്ഞ നോട്ടിനെ അദ്ദേഹം തിരസ്കരിച്ചത് തെല്ലു ജാള്യത എന്നിലുണ്ടാക്കി. ഒരുപാട് നിര്‍ബന്ധിച്ചപ്പോള്‍ അദ്ദേഹം അത് വാങ്ങി. വണ്ടിയെടുത് പോന്നു കുറച്ചകലെ മാറി വഴിയിലോതുക്കി, മനസ്സിനെ ഒന്ന് നിയന്ത്രിക്കാന്‍ വേണ്ടി. അടുത്ത വര്‍ഷവും ലീവിന് പോകുമ്പോള്‍ കാണാന്‍ യോഗമുണ്ടാവാന്‍ പ്രാര്‍ത്ഥിച്ചു. പക്ഷെ ഇനി.... സത്യങ്ങള്‍ ഉള്‍ക്കൊണ്ടല്ലേ പറ്റൂ.

ഓഫീസില്‍ വന്നു സ്ഥിരം വായിക്കുന്ന പത്രത്തിന്റെ ചരമ കോളം കണ്ണോടിച്ചു. പെട്ടെന്ന് ഒരു പേരും സ്ഥലപ്പേരും കണ്ണിലുടക്കി. എന്റെ അമ്മാവന്റെ വീടിനടുത്തുള്ള ഒരു വ്യക്തി. അദ്ദേഹവും നമ്മളെ വിട്ടുപിരിഞ്ഞിരിക്കുന്നു. സീറ്റിലേക്ക് അമര്‍ന്നിരുന്നു ഒന്നാലോചിച്ചു. മരണം എല്ലാവരുടെയും പിന്നാലെയുണ്ട്. ഒരിക്കല്‍ അത് നമ്മളെ തേടിയെത്തും.

കളികളുടെ ശൈശവവും ബാല്യവുംകഴിഞ്ഞു കൌതുകത്തിന്റെ കൌമാരവും സാഹസികതയുടെ യൌവനവും
ഉത്തരവാദിത്തത്തിന്റെ മധ്യവയസ്സും തിരസ്കരണത്തിന്റെ വാര്‍ദ്ധക്യവും എല്ലാം മരണത്തിനു ഒന്നുപോലെ. എപ്പോള്‍ വേണമെങ്കിലും ഈ അവസ്ഥകളിലോന്നില്‍ അത് നമ്മളെ തേടിയെത്തും. ദിനംപ്രതി കാണുന്ന പത്രവര്തകളില്‍ എത്രയെത്ര മരണങ്ങള്‍. ചിലത് പകുതി വായിക്കുമ്പോഴേക്കും കണ്ണില്‍ രൂപം കൊള്ളുന്ന കണ്ണുനീര്‍ കാഴ്ചയെ മങ്ങിപ്പിക്കുംപോള്‍ അവിടെ നിര്‍ത്തും.

ചിലപ്പോളൊക്കെ ഓര്‍ക്കാറുണ്ട്. മരിക്കാതിരിക്കാനാവില്ലേ എന്ന്. ഒരിക്കല്‍ അത് ഒരാളോട് പങ്കു വെച്ചപ്പോള്‍ കിട്ടിയ മറുപടി പിന്നെ അതുപോലെ ചിന്തിപ്പിച്ചിട്ടില്ല. ചെറുപ്പം മുതല്‍ പഠിച്ച മരണാനന്തര കാര്യങ്ങള്‍ വീണ്ടും ഓര്‍മ്മയിലേക്ക് വന്നു. ഖബര്‍, ‍അന്ത്യ വിചാരണ, ശിക്ഷ ...എന്നിങ്ങനെ.. സത്യത്തില്‍ ഉള്ളതാണോ ഇതെല്ലാം? ആര്‍ക്കറിയാം. വിശ്വാസി അതൊന്നും ചോദ്യം ചെയ്യാന്‍ പാടില്ല എന്ന് മനസ്സ് പറഞ്ഞു. ചിന്തകള്‍ ആകെ തളര്‍ത്തുന്നു.

കാലം നീങ്ങും, ഇനിയുമൊരുപാട്, മരണം അതിനിയും സംഭവിക്കും ഒരുനാള്‍ നമ്മളെയും തേടി വരും. കാത്തിരിക്കുക....ഭയപ്പെട്ടിട്ടു കാര്യമില്ല. രക്ഷപെടാന്‍ പറ്റില്ല അത് തന്നെ കാര്യം.

മൂന്നാറിലേക്ക് - 1

2012-01-12T21:20:00.000+04:00

കഴിഞ്ഞ വര്‍ഷത്തെ വെക്കേഷനില്‍ പോകാന്‍ പ്ലാന്‍ ചെയ്യുകയും പിന്നീട് പല സ്വകാര്യ കാരണങ്ങള്‍ കൊണ്ടു വേണ്ടെന്നു വച്ച മൂന്നാര്‍ യാത്ര ഇത്തവണ നടത്തണം എന്നുറപ്പിച്ചു തന്നെയാണ് നാട്ടിലെത്തിയത്. നാല് ദിവസത്തോളം വീട്ടില്‍ നിന്നും പുറത്തിറങ്ങാന്‍ പറ്റാത്ത തരത്തിലുള്ള മഴ. സുലൈമാനിയും നല്ല കപ്പ പുഴുങ്ങിയതും കഴിച്ചു മഴ ആസ്വദിച്ചു വരാന്തയില്‍ ഇരിക്കുമ്പോള്‍ ഓര്‍ത്തു, ഈ സമയത്ത് തന്നെ വന്നത് വെറുതെയായില്ല! ചെയ്തു തീര്‍ക്കുവാനുള്ള കാര്യങ്ങള്‍ക്ക് അവധി കൊടുത്തു മഴ ആസ്വദിച്ചു പരമാവധി. കുറച്ചു ദിവസങ്ങള്‍ കഴിഞ്ഞപോള്‍ മഴ തീര്‍ത്തും വിട്ടുനിന്നു. ഇനി യാത്രക്ക് സമയമായി - മനസ്സ് മന്ത്രിച്ചു. മൂന്നാര്‍ എന്നും മനസ്സിനെ വല്ലാതെ വശീകരിക്കുന്ന ഒരു പ്രതിഭാസമാണ്. വ്യക്തിപരമായ കടമകള്‍ ഒട്ടുമിക്കതും പൂര്ത്തീകരിച്ചതിനു ശേഷം യാത്ര ദിവസം തീരുമാനിച്ചു. സെപ്തംബര്‍ 25 ഞായര്‍. ശനിയാഴ്ച തന്നെ സഹോദരിയുടെ വീട്ടില്‍ തമ്പടിച്ചു. അവിടെ നിന്നും രാവിലെ യാത്ര പുറപ്പെടാനുള്ള സൌകര്യത്തിനു വേണ്ടിയാണ് അങ്ങിനെ ചെയ്തത്. രാവിലെ ടെലിവിഷനില്‍ കണ്ടത് ഒരു "ബ്രേക്കിംഗ് ന്യൂസ്"! ഒരു രാഷ്ട്രീയ പാര്‍ട്ടിയുടെ ലോക്കല്‍ നേതാവിനെ കൊടുങ്ങല്ലൂരിനു സമീപം കുത്തിക്കൊന്നു. ഇന്ന് കൊടുങ്ങല്ലൂര്‍ ഹര്‍ത്താല്‍! ഹര്‍ത്താലിനെ എന്നും പിന്തുണച്ചിട്ടുള്ള എന്റെ ഒരു കാര്യം വന്നപ്പോള്‍ തെന്നെ പണി കിട്ടിയിരിക്കുന്നു! പിന്നാലെ സ്ക്രോളിംഗ് ന്യൂസ് ലോക്കല്‍ ചാനല വക. "ഹര്‍ത്താല്‍ കട കമ്പോളങ്ങള്‍ മാത്രം"! ഹാവൂ സമാധാനമായി!

രാവിലെ എട്ടുമണിക്ക് തന്നെ വീട്ടില്‍ നിന്നിറങ്ങി. ഞാനും ശ്രീമതിയും. ബസ്സ് (ഗൂഗിളിന്റെയല്ല കേട്ടോ! നമ്മുടെ സര്‍ക്കാരിന്റെ തന്നെ) മാര്‍ഗ്ഗമാണ് യാത്രക്ക് തെരഞ്ഞെടുത്തിരിക്കുന്നത്. ചെലവു പരമാവധി കുറയ്ക്കുക തന്നെ ലക്‌ഷ്യം.

ഓട്ടോയില്‍ കൊടുങ്ങല്ലൂരിലെക്കും പിന്നെ KSRTC വണ്ടിയില്‍ എറണാകുളതെക്കും യാത്ര. പത്തു മണിക്ക് എറണാകുളം KSRTC സ്റ്റാണ്ടില്‍, അരമണിക്കൂര്‍ ഇടവിട്ട്‌ മൂന്നാറിന് ബസ്സുണ്ട്. (ഇപ്പോള്‍ ഇതുള്‍പ്പെടെ പകല്‍ സമയ ദീര്‍ഘദൂര ബസ്സുകള്‍ വൈറ്റില ഹബ്ബിള്‍ നിന്നാണ്). അടുത്ത വണ്ടിയില്‍ കയറിയിരുന്നു. മുന്നാറില്‍ എത്തുന്ന സമയം കണ്ടക്ടരോട് ചോദിച്ചു. - മൂന്നു പതിനഞ്ചു. ബസ്സ് ആലുവ - പെരുമ്പാവൂര്‍ - കോതമംഗലം വഴി ഹൈരെഞ്ചിലേക്ക് പ്രവേശിച്ചു. നേര്യമംഗലം എന്ന സ്ഥലത്ത് നിന്നും കാടിന്റെ ഭംഗി കണ്ടു തുടങ്ങി. നല്ല വിശപ്പുണ്ട് രണ്ടാള്‍ക്കും. മൂന്നാറില്‍ എത്താരായ സമയത്ത് ഒരു KSRTC വണ്ടി ആലുവ - കൊടുങ്ങല്ലൂര്‍ ബോര്‍ഡു വച്ച് മലയിറങ്ങുന്നു! ഛെ! കൊടുങ്ങല്ലൂര്‍ നിന്നും വണ്ടി മൂന്നാറിനുണ്ടായിരുന്നിട്ടും അത് മനസ്സിലാക്കാതെ വെറുതെ എറണാകുളത്തിന് പോയി. ഒരു മാതിരി വളഞ്ഞു മൂക്ക് പിടിക്കുന്ന ഇടപാട്! പറ്റിപ്പോയി, പോയ ബുദ്ധിയെ ആനയെക്കൊണ്ടു പിടിപ്പിച്ചാലും കിട്ടില്ലല്ലോ!. (എറണാകുളം-ആലുവ ‍ KSRTC എന്ക്വയരിയില്‍ വിളിച്ചു ചോദിച്ചിരുന്നു..മൂന്നാറിന് അവിടെ നിന്നും വണ്ടിയുണ്ടോ എന്ന്, പക്ഷെ മുറ്റത്തെ മുല്ലയായ കൊടുങ്ങല്ലൂരിലെ KSRTC ആപ്പീസിലെക്ക് ഒന്ന് വിളിക്കാന്‍ തോന്നിയില്ലല്ലോ!! മുറ്റത്തെ മുല്ലക്ക് അല്ലെങ്കിലും നമുക്ക് മണം തോന്നില്ലല്ലോ.) ബസ്സിലിരുന്നുകൊണ്ടു തന്നെ താമസം ബുക്കുചെയ്തിരിക്കുന്ന "തെരെസ്യന്‍ കോട്ടേജ്"ലേക്ക് വിളിച്ചു. മെയിന്‍ ബസ് സ്റ്റാന്റിലിറങ്ങിയിട്ട്* ഒരു ഓട്ടോ വിളിച്ച് വന്നാല്‍ മതി എന്നു പറഞ്ഞു തന്നു.

ബസ്സില്‍ നിന്നുള്ള ദൃശ്യങ്ങള്‍

മൂന്നു മണി ആയപ്പോഴേക്കും മൂന്നാറിന്റെ സ്വന്തം തേയിലത്തോട്ടങ്ങള്‍ കണ്ടു തുടങ്ങി. കാലാവസ്ഥ എയര്‍കണ്ടിഷന്‍ ആയി. തേയിലതോട്ടങ്ങള്‍ക്ക് നടുവിലൂടെ കേരളത്തിന്റെ തനത് ശൈലിയിലുള്ള തകര്‍ന്ന റോഡുകള്. സര്‍ക്കാര്‍ വണ്ടി സാമാന്യം ഭേദമായി തന്നെ ഓരോ ഗട്ടരിന്റെയും ‍ആഴം അളക്കുന്നു. അതിന്റെ ഗമ ഡ്രൈവറുടെ മുഖത്തില്ല. (നമ്മുടെ KSRTC യുടെ കുഴപ്പം പ്രധാനമായും അതിന്റെ ബോഡി ബില്‍ഡിങ്ങിലാനെന്നു തോന്നുന്നു. കാരണം, വണ്ടി നല്ല കരുത്ത്തോട് കൂടി തന്നെയാണ് പണിതിരിക്കുന്നത് പക്ഷെ, ഓടി തുടങ്ങിയാല്‍ ബോഡി മൊത്തം തുള്ളി വിറക്കും. ദീര്‍ഘദൂര യാത്രക്ക് സുരക്ഷയെ കരുതി നല്ലൊരു ശതമാനം യാത്രക്കാര്‍ KSRTC വണ്ടി തെരഞ്ഞെടുക്കുന്നു. എന്നാല്‍ അതില്‍ കയറി സുഖമായി യാത്ര ചെയ്യാമെന്ന് കരുതിയാല്‍ തെറ്റി! വണ്ടിയുടെ എഞ്ചിനും ബോഡിയും "ഞാന്‍ കൂടുതല്‍ വിറക്കും, യാത്രക്കരെ മൊത്തം വിറപ്പിക്കും" എന്ന മട്ടിലുള്ള തുള്ളിക്കളിയാണ്. സര്‍ക്കാരും KSRTC ജീവനക്കാരും ഇത് ശ്രദ്ധിച്ചാല്‍ കുറച്ചു കൂടി നന്നായിരുന്നു). മെയിന്‍ ബസ് സ്റ്റാന്റില്‍* ഇറങ്ങിയപ്പോഴേക്കും ഓട്ടോ-ടാക്സി ഡ്രെവര്‍മാര്‍ പൊതിഞ്ഞു..."സര്‍ ടാക്സി..ഓട്ടോ...ഹോംസ്റ്റേ..ഹോട്ടല്‍..സൈറ്റ് സീയിംഗ്.." ആളുകളെ കാന്‍വാസ് ചെയ്യാനുള്ള ശ്രമം. രജനികാന്തിന്റെ "ബാഷ" സ്റ്റൈലില്‍ യുനിഫോമിട്ട തമിഴന്‍ ഓട്ടോ ഡ്രൈവര്‍മാര്‍. അവരുടേ വാമൊഴികളിലെ പ്രലോഭനങ്ങളെ അതിജീവിച്ച് ഞങ്ങള്‍ നടന്നു. വിശന്നു വയര്‍ കത്തുന്നു. എന്തെങ്കിലും കഴിച്ചിട്ട് തന്നെ കാര്യം. കുറച്ചു നേരത്തെ തെരച്ചിലിനു ശേഷം ഭേദമെന്ന് തോന്നുന്ന ഒരു റെസ്റ്റോറന്റ് കണ്ടുപിടിച്ചു. (അതിന്റെ പേരു മറന്നുപോയി). ചോറും സാമ്പാറും തൈരും പപ്പടവും എല്ലാമുള്ള ഊണിനു നല്ല രുചി. അവിടെ സപ്ലൈ ചെയ്യുന്ന ഒരാളും ചോദിച്ചു "സര്‍ റൂം വേണോ? ബുക്കിംഗ് ഇറുക്കാ" തമിഴ്കലര്‍ന്ന മലയാളത്തിലുള്ള ചോദ്യം. അയാളെ നിരാശരാക്കേണ്ടി വന്നു. പുറത്തിറങ്ങി ഒരു ഓട്ടോ വിളിച്ചു. ഒരു തമിഴന്‍ ഓട്ടോ ഡ്രൈവര്‍. പേര്‍ "ഭാഗ്യം"! സ്ഥലം പറഞ്ഞു, തെല്ലു സംശയിച്ചു നിന്ന അയാള്‍ക്ക് ഹോംസ്റ്റേയിലെ മാഡത്തിനെ വിളിച്ചു കണക്റ്റ് ചെയ്തു കൊടുത്തു. സ്ഥലം മനസ്സിലാക്കിയ അയാള്‍ ഞങ്ങളേയും കൊണ്ടു കുതിച്ചു. ധന്യശ്രീ ഹോട്ടലിന്റെ അടുത്താണ്‌ ഹോംസ്റ്റേ. തെരേസ്യന്‍ കോട്ടേജ് എന്ന ബോര്‍ഡ് അടുത്തെത്തിയാല്‍ കാണാം. 20 രൂപ വാടക വാങ്ങുമ്പോള്‍ ഭാഗ്യത്തിന്റെ ചോദ്യം "സാര്‍ റ്റുമാറോ എന്ന പ്രോഗ്രാം..വണ്ടി വേണമാ". നാളെ പറയാമെന്നു പറഞ്ഞു ഭാഗ്യത്തിന്റെ നമ്പര്‍ മൊബൈലില്‍ ഫീഡ് ചെയ്തു.

മൂന്നാറിലെ പുലര്‍കാലം

തണുപ്പും ചൂടും അല്ലാത്ത ഒരു അന്തരീക്ഷം. നല്ല സുഖകരമായ കാലാവസ്ഥ. ചുറ്റും മലനിരകളും അവിടവിടെ കോടമഞ്ഞിന്റെ ആവരണങ്ങളും. മൂന്നാര്‍ ഒരു സംഭവം തന്നെ. രണ്ടു ദിവസത്തെ വാടക മുന്‍‌കൂര്‍ കൊടുത്തു ചെക്ക്-ഇന്‍ ചെയ്തു. മൂന്നാറിലും ചുറ്റിലും പോയി കാണാനുള്ള സ്ഥലങ്ങളുടെ ഒരു പട്ടിക ആ ചേച്ചി തന്നു. മറയൂര്‍ വരെ പോകുവാനാണ് ഞങ്ങള്‍ തീരുമാനിച്ചത്. പിറ്റേ ദിവസം കാഴ്ച കാണാന്‍ മറയൂരിലേക്ക് പോകുവാന്‍ ഒരു വണ്ടി വേണമെന്ന് പറഞ്ഞത് പ്രകാരം രാവിലെ ഒരു വണ്ടിയും അവര്‍ ഏര്‍പ്പാടാക്കി തന്നു. തിരക്കിനിടയിലും ശ്രദ്ധിക്കാതിരിക്കാന്‍ കഴിയാത്ത ഒന്നുണ്ട്. മൂന്നാറിലെ മലിനീകരണം. എല്ലായിടത്തും പ്ലാസ്ടിക്ക് വസ്തുക്കള്‍ വലിച്ചെറിഞ്ഞിട്ടിരിക്കുന്നു. മെയിന്‍ ബസ് സ്റ്റാന്ടിന്റെ* അടുത്ത് കൂടി ഒഴുകുന്ന ഒരു അരുവി(?) അതോ ആറോ..മൊത്തം മാലിന്യം അതിലാണ്‌ നിക്ഷേപിക്കുന്നത്. ജൈവ-മനുഷ്യ നിര്‍മ്മിതങ്ങളായ മൊത്തം മാലിന്യങ്ങളും വഹിച്ചു കൊണ്ട് വീര്‍പ്പുമുട്ടി അതൊഴുകുന്നു. അതോടൊപ്പം മൂന്നാറില്‍ ടൂറിസം തഴച്ചു വളരുകയും ചെയ്യുന്നു.

ഇന്റര്‍നെറ്റിലെ തെരച്ചില്‍ പരിപാടിയില്‍ കണ്ടെത്തിയ പേരാണ്‌ "തെരേസ്യന്‍ കോട്ടേജ്". ഒരു ദിവസം 800 രൂപ വാടക. ഡബിള്‍ റൂം വിത്ത് അറ്റാച്ച്‌ട് ബാത്ത് റൂം. ചൂടുവെള്ളം പകലും രാത്രിയും. (ചൂടുവെള്ളം വരുന്നത് കുറച്ച് സ്പീഡ് കുറവിലാണെന്ന് മാത്രം!). നല്ല പതുപതുത്ത മെത്തയും ബ്ലാങ്കറ്റും. പിന്നെ ഒരു ടി.വി. (റിമോട്ട് കണ്ടില്ല!) ഒരു 2സീറ്റര്‍ ബെന്ച് പിന്നെ ഒരു ഡ്രസ്സിംഗ് ടേബിളും കണ്ണാടിയും. റൂമിന്റെ അറ്റത്ത് ഒരു വാഷ്ബേസിന്‍. ടൈല്‍സിട്ട തറ. മുകളില്‍ തട്ടടിച്ച് നന്നായി പോളീഷ് ചെയ്തിരിക്കുന്നു. ഇതാണ്‌ ഞങ്ങളുടെ റൂം. 800 രൂപക്ക് വലിയ കുഴപ്പമില്ല. വളരെ ആലോചനകള്‍ക്കു ശേഷമാണ്‌ "ഹോംസ്റ്റേ" താമസത്തിനു തെരഞ്ഞെടുത്തത്. ഹോട്ടല്‍ - ലോഡ്ജ് ഇവ മിക്കവാറും വളരെ തിരക്കുള്ളതായിരിക്കും. തന്നെയുമല്ല ആളുകള്‍ പലവിധം. മദ്യപിക്കുന്നവരും മറ്റു ശല്യങ്ങള്‍ ഉണ്ടാക്കുന്നവരും എല്ലാവരും ഉണ്ടാകും. പക്ഷെ ഒരു സാധാരണ ഹോംസ്റ്റേയില്‍ പരമാവധി 5 റൂമുകളേ ഉണ്ടാവൂ (എന്നാണ്‌ എന്റെ അറിവ്). അതുകൊണ്ട് തിരക്കും അതുമൂലമുള്ള ബുദ്ധിമുട്ടുകളും പരമാവധി കുറവായിരിക്കും. പിന്നെ സാമ്പത്തിക വശം! അതാണ്‌ എന്നെപ്പോലുള്ളവര്‍ക്ക് പ്രധാനം. എന്തായാലും 800 രൂപക്ക് മൊശമില്ല.

മൂന്നാറിലെ ഇനിയുള്ള യാത്രകള്‍ അടുത്ത പോസ്റ്റ്‌ വരെ കാത്തിരിക്കുക, കൂടുതല്‍ നല്ല ചിത്രങ്ങള്‍ക്കും.....

* മെയിന്‍ ബസ് സ്റ്റാന്റ് എന്ന് പറയുന്നത് ഒരു ബസ് സ്റ്റേഷന്റെ ലക്ഷണമില്ല. ഒരു ജങ്ങ്ഷന്‍. അവിടെ വരികയും പോവുകയും ചെയ്യുന്ന ബസ്സുകള്‍ നിരത്തുന്നു. KSRTC ക്ക് സ്വന്തമായി സ്ടാണ്ടുണ്ട്.

കൊലവെറി ബഹിഷ്കരിക്കുന്ന ഗായകന്‍ ജയചന്ദ്രന്‍

2012-01-09T23:21:00.000+04:00

അമൃത ടി.വി. റിയാലിറ്റി ഷോ "സുപ്പര്‍ സ്റാര്‍ അല്ട്ടിമെറ്റ്‌" ല്‍ ധനുഷിന്റെ ഹിറ്റ്‌(?) പാട്ട് കൊലവെറി ഒരു മത്സരാര്‍ത്ഥി അവതരിപ്പിച്ചതില്‍ ദേഷ്യം വന്നു പ്രശസ്ത ഗായകന്‍ ജയചന്ദ്രന്‍ ഇറങ്ങിപ്പോകുന്ന രംഗം യുട്യൂബില്‍ കാണാം. റിയാലിറ്റി ഷോകളില്‍ തങ്ങള്‍ക്കിഷ്ടപ്പെട്ട ഗാനം തന്നെ പാടണം എന്ന് ജഡ്ജിംഗ് പാനളിലുല്ലവര്‍ക്ക് വാഷിപിടിക്കാമോ? നിലവാരമുള്ള പാട്ടുകള്‍ മാത്രം പാടണം എന്ന് നിയമമുണ്ടോ? എന്നെല്ലാം തരത്തിലുള്ള ചര്‍ച്ചകള്‍ ചൂടുപിടിക്കുന്നു. അമൃത ടി.വി.ക്കാര്‍ അറിഞ്ഞുകൊണ്ട് ഒരു നാടകം കളിച്ച് പരിപാടി ജനപ്രിയമാക്കാന്‍ ശ്രമിച്ചതാണെന്ന് ഒരു കൂട്ടര്‍. ജയചന്ദ്രന്‍ ചെയ്തത് ശരിയായില്ല എന്ന് മറ്റൊരു കൂട്ടര്‍. കൊലവെറി പാടിയതു ഒരു അക്രമമായിപ്പോയി എന്ന് വേറൊരു കൂട്ടര്‍. എന്തായാലും പ്രസ്തുത രംഗം വരാന്‍ പോകുന്ന ഒരു എപ്പിസോഡിന്റെ പ്രോമോഷനായിട്ടാണ് അമ്രിതക്കാര്‍ കാണിച്ചത്‌. രംഗം ഇവിടെ കാണാം.

വരും ദിവസങ്ങളില്‍ ഒരു വിവാദത്തിനുള്ള എല്ലാ ചേരുവകളും അടങ്ങിയിട്ടുണ്ട് ഈ രംഗത്തില്‍. അവസാനം "വെള്ളം കുടിക്കുന്ന" പാര്ട്ടിസിപ്പെന്റിനെയും കാണാം.

എന്തിനു സംയുക്ത നിയന്ത്രണം?!

2012-01-07T11:40:00.000+04:00

മുല്ലപ്പെരിയാര്‍ ഡാമിന് പകരം വരുന്ന പുതിയ ഡാമിന്റെ നിയന്ത്രണം കേരളവും തമിഴ്നാടും കൂടി സംയുക്തമായി ഏറ്റെടുക്കണം എന്നുള്ളതിന്റെ യുക്തി ഒരു സാമാന്യ മലയാളിക്ക്‌ ഒരിക്കലും മനസ്സിലാവില്ല. നമ്മുടെ മണ്ണില്‍ നമ്മുടെ ചെലവില്‍ ഡാം പണിത്‌ അതിലെ വെള്ളം മുഴുവന്‍ അണ്ണാച്ചികള്‍ക്ക് നല്‍കികൊള്ളാം എന്ന് ഉമ്മന്‍ചാണ്ടിയും മാണിയും ഒക്കെ എന്തെങ്കിലും നേര്ച്ച നേര്ന്നിട്ടുണ്ടോ? 999 കൊല്ലത്തെ കരാര്‍ മാറ്റി പുതിയ ഒന്ന് ഉണ്ടാക്കുന്ന കാര്യമൊന്നും ഇവരൊന്നും മിണ്ടിയിട്ടില്ല ഇതുവരെ എന്നുള്ളത് ആശങ്കയ്ക്ക് വക നല്‍കുന്നു.

വിഷയം ഇത്തരത്തിലൊരു വഴിത്തിരിവിലെത്തി നില്‍ക്കുന്ന അവസരത്തില്‍ ഇത് എവിടെ വെച്ചാണ് വഴി തിരിഞ്ഞത് എന്ന് നമുക്ക്‌ ചിന്തിക്കേണ്ടിയിരിക്കുന്നു. മുല്ലപ്പെരിയാര്‍ സമരം കൊടുമ്പിരികൊണ്ടിരിക്കുന്ന സമയത്ത് ജയലളിത പുറത്തെടുത്ത ബ്ലാക്മെയില്‍ തന്ത്രമാണ് ഇവിടെ വഴിത്തിരിവായത്‌. മുല്ലപ്പെരിയാറിലെ വെള്ളമുപയോഗിച്ച് കൃഷി ചെയ്യുന്ന തമിഴ്നാട്ടിലെ ജില്ലകളിലുള്ള മലയാളി നേതാക്കന്മാരുടെ കൃഷി ഭൂമിയെപറ്റി എല്ലാ വിവരങ്ങളും പുറത്ത് വിടും എന്ന് അവര്‍ ഒരു പത്ര സമ്മേളനം നടത്തി പ്രഖ്യാപിക്കുകയുണ്ടായി. ഈ ഭീഷണി കൊള്ളേണ്ട കേന്ദ്രങ്ങളില്‍ കൊണ്ടപ്പോള്‍ എല്ലാം വഴിതിരിഞ്ഞു. ഉടന്‍ സമര മുഖത്ത്തുണ്ടായിരുന്നവരെല്ലാം പ്രധാന മന്ത്രിയെ കണ്ടു കൂടിയാലോചന എന്ന നടക്കാത്ത കാര്യത്തിനു മുന്നില്‍ നിശബ്ദരായി.

മുല്ലപ്പെരിയാര്‍ വിഷയത്തില്‍ തീര്‍ത്തും നിഷേധാത്മകമായ നിലപാട് സ്വീകരിച്ചിട്ടുള്ളത് തമിഴ്നാടാണ്. പുതിയ ഡാം എന്നാ ആശയത്തെ പറ്റി അവര്‍ ചിന്തിക്കുന്നുപോലുമില്ല. രാജഭരണ കാലത്തെ ഒരു പിഴവിന് കനത്ത വില നാം കൊടുത്തുകൊണ്ടിരിക്കുകയാണ്. പറ്റിയ പിഴവ് തിരുത്തുവാന്‍ ഉത്തരവാദിത്തപ്പെട്ട ഒരു ഭരണാധികാരിയും മനസ്സ് വെക്കുന്നില്ല. നമ്മുടെ മുഖ്യമന്ത്രി ഔദ്യോഗികമായി അയച്ച കത്തുകള്‍ക്ക് ഒരു മറുപടി തമിഴ്നാട് മുഖ്യമന്ത്രിയുടെയും മറ്റു ഉത്തരവാദപ്പെട്ട ഉദ്യോഗസ്ഥരുടെ ഭാഗത്ത്‌ നിന്നും ഉണ്ടായിട്ടില്ല എന്നുള്ളത് ഒരു വസ്തുതയാണ്. ഇടതും വലതും ഈ വിഷയം പിറവം തെരഞ്ഞെടുപ്പില്‍ വോട്ടാക്കി മാറ്റാന്‍ പറ്റുമോ എന്നുള്ള ഗവേഷണത്തിലാണ്.

വിഷയം കത്തിനിന്ന സമയത്ത് കേരളത്തില്‍ തമിഴന്മാരുടെ നേരെ ആക്രമങ്ങള്‍ ഉണ്ടായി എന്ന കള്ളപ്രചാരണങ്ങള്‍ തമിഴ്നാട്ടില്‍ എമ്പാടും ഉണ്ടായി. ഇതിന്റെ ഫലമായി മലയാളികള്‍ അവിടെ ആക്രമിക്കപ്പെടുകയും അവരുടെ വസ്തു വകകള്‍ കൊള്ളയടിക്കപ്പെട്ടു അവര്‍ക്ക് പലായനം ചെയ്യേണ്ടിയും വന്നു. തമിഴന്മാരുടെ നേരെയുള്ള ആക്രമണം അവസാനിപ്പിക്കാന്‍ ജയലളിത ഉള്‍പ്പെടെയുള്ള നേതാക്കന്മാര്‍ നമ്മുടെ മുഖ്യമന്ത്രിക്ക് കത്ത്തയച്ചുകൊണ്ട് ആവശ്യപ്പെടുകയുമുണ്ടായി. ഒരു തമിഴ് പത്രത്തില്‍ കേരളത്തില്‍ നിന്നും തമിഴ്നാടിലെക്ക് രക്ഷപ്പെട്ട് ഓടിപ്പോകുന്ന തമിഴ് സ്ത്രീകളെ മലയാളികള്‍ മാനഭംഗം നടത്തി എന്ന് വരെ വാര്‍ത്ത വന്നു. അതാണ്‌ മലയാളികളുടെ നേരെ ഇത്രയധികം ആക്രമണങ്ങള്‍ നടക്കാന്‍ ഒരു കാരണം. ഈ വാര്ത്തക്കെതിരെ ഉത്തരവാദപ്പെട്ടവര്‍ യാതൊരു പ്രതികരണവും നടത്തികണ്ടില്ല. മാധ്യമങ്ങളുടെ മേലെ പ്രസ് കൌണ്‍സില്‍ എന്നൊരു സ്ഥാപനം ഇതൊന്നും അറിഞ്ഞ മട്ടുപോലും കാണിച്ചില്ല.

999 വര്‍ഷത്തെ കരാര്‍ അസാധുവാക്കുവാന്‍ വല്ല വഴിയും ഉണ്ടോ എന്ന് ആരും ചിന്തിച്ചിട്ടില്ല. സ്വതന്ത്ര ഇന്ത്യയില്‍ ഈ കരാറിന്റെ പ്രസക്തി കാലാകാലങ്ങളില്‍ മാറി വന്ന സര്‍ക്കാരുകളുടെ കാര്യമാണ് പറഞ്ഞത്. എന്നാല്‍ ഈ വൈകിയ വേളയിലെങ്കിലും അത് ആലോചിക്കേണ്ടിയിരിക്കുന്നു. പുതിയ ഡാം എന്ന ആശയത്തെ അണ്ണന്മാര്‍ എതിര്‍ക്കുന്നതിന്റെ കാരണം പുതിയ കരാറും അതിന്‍പ്രകാരം ഉണ്ടാക്കേണ്ടി വരും എന്നുള്ള വസ്തുതയാണ്. പുതിയ കരാര്‍ ഉണ്ടാക്കിയാല്‍ ആയിരക്കണക്കിന് കോടി രൂപ വര്‍ഷാവര്‍ഷം കേരളത്തിന്റെ കീശയിലേക്ക്‌ കപ്പമായി നല്‍കേണ്ടിയും വരും. അപ്പോള്‍ പുതിയ ഡാമിനെ എതിര്‍ക്കുക തന്നെ വഴി! അതിനായി അവര്‍ ഏതറ്റം വരെയും പോകും എന്നുള്ളത് ഇതിനകം വ്യക്തമായി കഴിഞ്ഞു.

കേന്ദ്ര സര്‍ക്കാരിന്റെ കാര്യം നോക്കുക. കേരള നേതാക്കന്മാര്‍ കാണാന്‍ ചെല്ലുമ്പോള്‍ അവര്‍ക്ക് പ്രധാനമന്ത്രിയുടെ അടുത്തേക്ക് എത്തുവാന്‍ ഒരു പാട് കടമ്പകളും കടക്കണം കൂടാതെ ദില്ലിയിലെ മഞ്ഞും കൊള്ളണം. എന്നിട്ടോ കേരളത്തിന്റെ ആവശ്യങ്ങള്‍ നേരാംവണ്ണം കേള്‍ക്കുക പോലും ചെയ്യാതെ വേഗം സ്ഥലം വിട്ടോളാന്‍ പറയുകയും ചെയ്യുന്നു. ഇതേ പ്രധാനമന്ത്രി തമിഴ്നാട്ടില്‍ ചെന്ന് ജയലളിതയുടെ പൊന്നാടയും ഏറ്റുവാങ്ങി കരുണാനിധിയെ കണ്ടപ്പോള്‍ ഡാമില്‍ സുരക്ഷക്കായി കേന്ദ്ര സേനയെ വിന്യസിക്കുന്ന ഉറപ്പും ഏതാണ്ട് നല്‍കി. നോക്കുക, പക്ഷഭേദം കൂടാതെ എല്ലാവരെയും ഒരേപോലെ കണ്ടു ഭരിക്കും എന്ന് പ്രതിജ്ഞ ചെയ്തു അധികാരമേറ്റ ഒരു ഭരണാധികാരി ചെയ്തത്.

തമിഴന്റെ പഴം പച്ചക്കറി ഉപരോധം പൊളിഞ്ഞു പാളീസായത് നമ്മള്‍ കണ്ടതാണ്. അവര്‍ അയക്കുന്നത് നിര്‍ത്തിയപ്പോള്‍ കര്‍ണ്ണാടകത്തില്‍ നിന്നും മഹാരാഷ്ട്രയില്‍ നിന്നുമൊക്കെ പച്ചക്കറികള്‍ കേരളത്തിലേക്ക് വന്നു. പ്രചരിപ്പിച്ച പോലെ ക്രിസ്തുമസ് പ്രമാണിച്ചു വില കയറിയുമില്ല.

ഇനി നമ്മള്‍ ചെയ്യേണ്ടത് 999 വര്‍ഷത്തെ കരാര്‍ റദ്ദു ചെയ്തു ഡാം ഡീ കമ്മീഷന്‍ ചെയ്യാന്‍ ഒരു നിയമസഭയില്‍ നിയമം 140 എമ്മെല്ലെമാരും ഒറ്റക്കെട്ടായി പാസ്സാക്കി ചീഫ് സെക്രട്ടരിയെകൊണ്ട് ഉത്തരവ് ഗസറ്റില്‍ പബ്ലിഷ് ചെയ്യലാണ്. തമിഴ്നാട്ടിലെ നേതാക്കന്മാര്‍ ശരവേഗത്തില്‍ ദില്ലിക്ക് വച്ച് പിടിക്കുകയും പ്രധാനമന്ത്രി, ചിദംബരം, ജയലളിത, കരുണാനിധി തുടങ്ങി വൈകോയും വിജയകന്തുമെല്ലാം കേരള സര്‍ക്കാരിന്റെ കാലു പിടിക്കാന്‍ തിരുവനന്തപുരത്തെക്കു പാഞ്ഞു വരുന്നത് നമുക്ക് കാണാന്‍ കഴിയും. കാരണം വെള്ളം നമ്മുടെ ആവശ്യമല്ല, അത് തമിഴ്നാടിന്റെ ആവശ്യമാണല്ലോ. (തമിഴ്നാട്ടില്‍ കൃഷി ചെയ്യുന്ന മലയാളി ഭൂവുടമകളുടെയും ആവശ്യമെന്ന് വേണമെങ്കില്‍ പറയാം). തമിഴന്റെ സമ്മര്‍ദ്ധ തന്ത്രം അതെ നാണയത്തില്‍ നമുക്ക് എന്തുകൊണ്ട് തിരിച്ചു പ്രയോഗിച്ചുകൂട?

2011 - വിട പറയുമ്പോള്‍..........

2011-12-31T10:51:00.000+04:00

കലണ്ടറിലെ ഒരു വര്ഷം കൂടി നമുക്ക് നഷ്ടപ്പെടുന്നു. മുന്നൂറ്റി അറുപത്തി അഞ്ചു ദിവസങ്ങളുടെ ഒരു വയസ്സ്. തീരുമാനങ്ങളെടുക്കാനും അവ ലംഘിക്കാനും ഒരു വര്ഷം കൂടി. 2011 എന്താണ് നമ്മള്‍ നേടിയത്? എന്നെ സംബന്ധിച്ചിടത്തോളം വ്യക്തിപരമായ ഒരു വലിയ നഷ്ടത്തിന്റെ വര്‍ഷമായിരുന്നു. ജനിക്കുന്നതിനു മുന്നേ ഞങ്ങളുടെ മകന്‍ ഞങ്ങളോട് യാത്ര പറഞ്ഞു. ഇതെഴുതുമ്പോഴും കണ്ണുനീര്‍ കാരണം മോണിട്ടറിലെ അക്ഷരങ്ങള്‍ ഇടയ്ക്കു മങ്ങുന്നു. പ്രിയതമയെ ആശ്വസിപ്പിക്കേണ്ട ഞാന്‍ ഇവിടെ മണലാരണ്യത്തിലെ മേലധികാരികളുടെ ഉത്തരവനുസരിച്ച് വിങ്ങുന്ന ഹൃദയവുമായി വേദന കടിച്ചമര്‍ത്തി കഴിഞ്ഞു. ശേഷം ലഭിച്ച അവധിയില്‍ സ്വന്തം സങ്കടം മറ്റുള്ളവര്‍ക്ക് മുന്നില്‍ മറച്ചു വച്ചു കഴിച്ചുകൂട്ടി. ഇന്നും ഓരോ മാത്രകളും അതെക്കുറിച്ചുള്ള ഓര്‍മ്മകള്‍ തികട്ടി വരുന്നു. അവന്‍ ജനിച്ചിരുന്നു എന്ന്കില്‍ ഇപ്പോള്‍ ആറു മാസം പ്രായമാകുമായിരുന്നു. ഹോ!..വയ്യ..ഓര്‍മ്മകള്‍ക്ക് വിരാമമിടാന്‍. വിടാതെ പിന്തുടരുന്ന ദുര്‍വിധികള്‍. എല്ലാ ശക്തികളിലും ഉള്ള വിശ്വാസങ്ങള്‍ നഷ്ടപ്പെടുന്നു എന്നൊരു തോന്നല്‍. ഒരു ദുരന്തം അതിജീവിച്ചു അതിന്റെ അലയൊലികള്‍ അടങ്ങി വരുമ്പോള്‍ മറ്റൊന്ന്. അവ എന്നെ തുടര്‍ച്ചയായി വേട്ടയാടുന്നു എന്നൊരു തോന്നല്‍. ഒരു ദുരന്തമായിരുന്നു എന്നെ ഇവിടെ എത്തിച്ചത്. അതിന്റെ കെടുതികള്‍ വിട്ടു മാറും മുന്നേ മറ്റൊരെണ്ണം കൂടി!... സാക്ഷാല്‍ക്കരിക്കാന്‍ സ്വപ്‌നങ്ങള്‍ ഇനിയും ബാക്കി....

ബൂലോഗത്ത്‌ നിന്നും വളരെ അകന്നു കഴിഞ്ഞ നാളുകള്‍. ഉള്ളിലെ പ്രതികരണങ്ങള്‍ വീണ്ടും ഇങ്ങോട്ട് എത്തിച്ചിരിക്കുന്നു. നിയോഗങ്ങളെ ഒരിക്കലും നമുക്ക് അവഗണിക്കാനാവില്ല.

ഈ വര്‍ഷത്തിന്റെ അവസാനത്തെ പ്രതീകമാക്കി ചില ചിത്രങ്ങള്‍ ഇവിടെ പോസ്റ്റുന്നു... എല്ലാം അഴീക്കോട് മുനാക്കല്‍ ബീച്ചില്‍ നിന്നും എടുത്തത്.

അസ്തമയത്തിന്റെ രണ്ടു ദ്രിശ്യങ്ങള്‍.

കൂടണയാന്‍ വെമ്പുന്ന പക്ഷികളെ നോക്കി എന്തോ ചോദിക്കുന്ന ചീനവലകള്‍...

അന്തിച്ചുവപ്പ്‌.

ഓര്‍മ്മകളുടെ മുറിപ്പാടില്‍ പെയ്തിറങ്ങുന്ന മഞ്ഞിന്റെ നനവില്‍ വീണ്ടും പ്രതീക്ഷകളുടെ ഒരു വര്ഷം ആരംഭിക്കാന്‍ ഏതാനും മണിക്കൂറുകള്‍ മാത്രം...പ്രത്യാശയോടെ പ്രാര്‍ഥനയോടെ ആശംസകളോടെ എല്ലാവര്ക്കും പുതുവത്സരാശംസകള്‍!!!!

അബുദാബി ചില രാത്രി ദൃശ്യങ്ങള്‍...

2011-12-27T14:14:00.000+04:00

അബുദാബിയിലെ ചില രാത്രി ദൃശ്യങ്ങള്‍. ക്യാമറ അത്ര നല്ലതല്ലാത്തതു കാരണം ഫോട്ടോകള്‍ക്ക് സാങ്കേതികവും കലാപരവുമായ മേന്മയൊന്നും ഉണ്ടാവില്ല. (എന്റെ കൈയിലുള്ള ഒരു സദാ ഡിജിറ്റല്‍ ക്യാമറ വച്ച് ഷൂട്ട്‌ ചെയ്തത്). ക്ഷമിക്കുക.. ചിത്രങ്ങളില്‍ ക്ലിക്കിയാല്‍ വലുതായി കാണാം.

മുല്ലപ്പെരിയാര്‍ - തടിയൂരുന്ന രാഷ്ട്രീയക്കാര്‍

2011-12-14T23:19:00.001+04:00

പ്രധാനമന്ത്രിയുടെ ഉറപ്പില്‍(!) വിശ്വസിച്ച് കുഞ്ഞൂഞ്ഞും അച്ചുമാമനും വെറും കൈയോടെ തിരിച്ചു പോന്നു. സ്വതവേ ബലഹീനനായ പ്രധാനമന്ത്രി ഈ വിഷയത്തില്‍ എത്രകണ്ട് തന്റെ നിഷ്ക്രിയത്വം വെടിയുമെന്ന് കാണാന്‍ നമുക്ക് കണ്ണില്‍ എന്നയോഴിക്കാതെ കാത്തിരിക്കാം. നാടോടിക്കാറ്റ് സിനിമയില്‍ പറഞ്ഞ പോലെ "പവനായി ശവമായി". എന്തൊക്കെ ബഹളമായിരുന്നു. പ്രകടനം, സമ്മേളനം, ഉപവാസം, നിരാഹാരം....അവസാനം എല്ലാം തലൈവിയും മക്കളും പിടിചിടത്ത് തന്നെ കിട്ടി. പണ്ടൊരു സത്യന്‍ അന്തിക്കാട്‌ സിനിമയില്‍ ഇന്നസെന്‍റ് പാര്‍ഥിപനെ അടിക്കാന്‍ കുറെ ആളുകളുമായി വന്നിട്ട് അടികൊണ്ടു അവസാനം ഏത്തമിട്ടു കുറ്റം ഏറ്റുപറയുന്ന ഒരു സീനുണ്ട്. അതുപോലെ ഇതും ആയിത്തീര്‍ന്നു.

തമിഴന്റെ സമ്മര്‍ദ്ദത്തിനു മുന്നില്‍ നമുക്ക്‌ മറ്റു വഴികളില്ല. ഇത് ആരും തുറന്നു പറയുന്നില്ല എന്ന് മാത്രം. അവസാനം പത്ത് ദിവസത്തെ അന്ത്യശാസനം മാണിസാര്‍ ഭേദഗതി ചെയ്തു ഒരു മാസമാക്കി. അപ്പോഴേക്കും പിറവം ഉത്സവം കൊടിയേറിയിരിക്കും. പിന്നെ വീണ്ടും ഒരുമാസം നീട്ടുകയുമാവാം. പിറവം സ്വപ്നം കണ്ടിരിക്കുന്ന ലീഗുകാരുടെ കാര്യം പറയുകയും വേണ്ട. പിറവത്ത്‌ എങ്ങിനെയെങ്കിലും അനൂപ്‌ തോറ്റാലും വേണ്ടില്ല അഞ്ചാം മന്ത്രിയെ കിട്ടുമല്ലോ. ജേക്കബിന്റെ മന്ത്രിസ്ഥാനം യാത്തീമാവാതെ ഓര് ശരിയാക്കിക്കൊള്ളും.

രാഷ്ട്രീയ നേതാക്കന്മാരെ വിശ്വസിച്ച് സമരത്തിനിറങ്ങിയ ഇടുക്കിക്കാരുടെ ഗതി ഇനി എന്താവുമോ ആവോ?! ഉദ്യോഗസ്ഥ-ഭരണകൂട തലങ്ങളില്‍ നടന്ന (ഗൂഡ) ആലോചനകളുടെ ഫലമായിരിക്കാം ഇപ്പോഴത്തെ രാഷ്ട്രീയ കക്ഷികളുടെ പിന്മാറ്റത്തിന് പിന്നില്‍. എ.ജി. ഇതിനൊരു നിമിത്തമായി എന്ന് മാത്രം.

ഈ സമരം കൊണ്ടു നഷ്ടമുണ്ടായത് കേരളത്തിനും മലയാളികള്‍ക്കുമാണ്. പാണ്ടി നാട്ടിലെ മലയാളി അണ്ണന്മാര്‍ പേടിച്ചു വിറച്ചു കഴിയുമ്പോള്‍ കേരളത്തിലെ അണ്ണാച്ച്ചികള്‍ക്ക് യാതൊന്നും പേടിക്കേണ്ട. ഇവിടെ അവര്‍ക്ക് നേരെ ആക്രമണമോ, കല്ലേറോ (തോക്ക് സാമിയെ വിട്ടുകള!) കൊള്ളയടിയോ നടക്കുന്നില്ല. അവരുടെ വാഹനങ്ങള്‍ കേരളത്തില്‍ യഥേഷ്ടം വന്നു പോകുന്നു. എന്നാല്‍ കേരളത്തിന്റെ വാഹനങ്ങള്‍ പ്രത്യേകിച്ച് തമിഴ്നാട്ടിലേക്ക് സര്‍വീസ് നടത്തുന്ന കെ.എസ്‌.ആര്‍.ടി.സി. ബസ്സുകള്‍ യാത്ര ഇടയ്ക്കു വച്ച് അവസാനിപ്പിച്ചു പേടിച്ചു തിരികെ പോരുന്നു എന്ന് റിപ്പോര്‍ട്ടുകള്‍ സൂചിപ്പിക്കുന്നു. ഇനി തമിഴ്നാട്ടിലെ ബസ് സ്റെഷനുകളില്‍ എത്തിയാല്‍ തന്നെ ആളുകള്‍ ആനവണ്ടിയില്‍ കയറുവാന്‍ മടിക്കുകയാണ്. വഴിയില്‍ വെച്ച് വിവരമില്ലാത്ത പാണ്ടികള്‍ തടഞ്ഞു നിര്‍ത്തി ഉപദ്രവിക്കുന്നത് ഒഴിവാക്കാന്‍ ആനവണ്ടിയെ യാത്രക്കാര്‍ ഒഴിവാക്കുന്നു. ശബരിമല സീസണ്‍ പ്രമാണിച്ച് ഒന്ന് ഉഷാറായി വന്ന കോര്പരെഷനെ ഇത് തെല്ലൊന്നുമല്ല ക്ഷീണിപ്പിക്കുന്നത്. ഇതിനെതിരെ സര്‍ക്കാര്‍ തലത്തില്‍ നടപടി ഒന്നും ഉണ്ടാവുന്നില്ല. എല്ലാം തമിഴരെ പേടിച്ച്. എന്തിനേറെ സ്വന്തമായിട്ടുണ്ടായതെല്ലാം നഷ്ടപ്പെട്ട തമിഴ്നാട്ടിലെ മലയാളികള്‍ക്ക് വേണ്ടി ഒരു എമ്മെല്ലെയൊ, എം.പിയൊ മന്ത്രിയോ സംസാരിച്ചിട്ടില്ല.

മലയാളികള്‍ തമിഴരെയും തമിഴ്നാടിനെയും ആശ്രയിച്ചു ജീവിക്കുന്നു എന്നത് പരമാര്‍ത്ഥമെങ്കില്‍ തമിഴരുടെ കേരളത്തെ ആശ്രയിച്ചുള്ള ജീവിതം ഏതാണ്ട് അവസാനിച്ച മട്ടാണ്. തലൈവര്‍ വക 1 രൂപയുടെ അരി, കളര്‍ റ്റി.വി. എന്നിവ ജയാമ്മ വന്നപ്പൊള്‍ ഫ്രീ അരി, മിക്സി/ഫാന്‍/ഗ്രൈന്‍റ്റര്‍ പിന്നെ പഠിക്കുന്ന പിള്ളേര്‍ക്ക് ലാപ്ടോപ്പ് വരെ എത്തിയിരിക്കുന്നു. (റ്റി.വി. മുന്‍പ് കേരളത്തിലേക്ക് കടത്തി വിറ്റു കാശാക്കുന്നു എന്ന് ഒരു ചാനലില്‍ (മനോരമ) കാണിച്ചിരുന്നു). ചുരുക്കിപറഞ്ഞാല്‍ അണ്ണന്‍മാര്‍ക്ക് പണിക്കു പോയില്ലെങ്കിലും ഉണ്ടുറങ്ങി കഴിയാനുള്ള വക അവിടത്തെ സര്‍ക്കാരുകള്‍ ഒരുക്കിക്കൊടുക്കുന്നുണ്ട്. ഇവിടെയോ?! ഇതിന്റെ ഫലമായി ശരാശരി തമിഴന്മാര്‍ വന്നു പണിയെടുത്തിരുന്ന മേഖലകളില്‍ (കേബിള്‍കുഴിക്കല്‍ മുതലായവ..)അവരെ കിട്ടാതായപ്പോള്‍ നമ്മള്‍ ബംഗാളികളെയും ബീഹാറികളെയും കൊണ്ടുവന്നു. ഇനി ആകെ കേരളത്തില്‍ ജോലി ആവശ്യാര്‍ത്ഥം വരുന്നത് ഗോവിന്ദച്ചാമിമാര്‍ ആയിരിക്കും. ബംഗാളിലും കേരളത്തിലും ജനങ്ങള്‍ ബുദ്ധിയുള്ളവരാണെന്നും തമിഴന്‍മാര്‍ കഴുതപ്പാല്‍ കുടിച്ചു വളരുന്നവര്‍ ആയതു കാരണം ബുദ്ധിയില്ലാത്തവരാണെന്നും ഉള്ള ധാരണ മലയാളികള്‍ മാറ്റേണ്ട സമയം ഓവറായിരിക്കുന്നു.

ഇന്നസെന്റു സിനിമയില്‍ തമിഴ്നാട്ടുകാരന്റെ മുന്നില്‍ എത്തമിടുന്നത് നമ്മള്‍ മലയാളികല്ല തമിഴരല്ല ഇന്ത്യാക്കാരാണ് എന്ന് പറഞ്ഞാണ്. ഇവിടെ നമ്മുടെ നേതാക്കന്മാര്‍ "ഞങ്ങള്‍ മലയാളികള്‍ നിങ്ങള്‍ തമിഴരെ പേടിച്ചു കൊള്ളാം, മുല്ലപ്പെരിയാറിലെ വെള്ളം കൊണ്ട് കുടിക്കുകയോ കുളിക്കുകയോ ആയിക്കോളൂ" എന്ന് ഏറ്റുപറഞ്ഞിട്ടാണ് എന്നാ വ്യത്യാസം.

നരേന്ദ്രന്‍ മകന്‍ ജയകാന്തന്‍ വക എന്നാ സത്യന്‍ അന്തിക്കാട്‌ ചിത്രത്തിലെ മേല്പറഞ്ഞ രംഗം താഴെ കാണാം. കഥാപാത്രങ്ങള്‍ക്ക് സമകാലീന നേതാക്കന്മാരുടെ രൂപം സങ്കല്‍പ്പിച്ച് നോക്കുക.

കേരളത്തിലെ അണ്ണാച്ചിമാരെ നിലക്ക് നിര്‍ത്തുക സര്‍ക്കാരേ!

2011-12-13T21:49:00.001+04:00

ചാനല്‍ വാര്‍ത്തകള്‍ എല്ലാം അങ്ങ് കണ്ണടച്ചു വിശ്വസിക്കാന്‍ കഴിയില്ലെങ്കിലും ദ്രിശ്യ സഹിതമുള്ള വാര്‍ത്തകള്‍ നമുക്ക്‌ വിശ്വസിച്ച്ച്ചേ പറ്റൂ. ഇന്ന് രാവിലെ മൂന്നാര്‍ ടൌണില്‍ ഓട്ടോ-ടാക്സി ഡ്രൈവര്‍മാരായ അണ്ണാച്ചിമാര്‍ ഇടുക്കി ജില്ലയെ തമിഴ്നാട്ടില്‍ ലയിപ്പിക്കണം എന്ന് പറഞ്ഞു ഒരു പ്രകടനം നടത്തി. പ്രകടനം എന്ന് പറഞ്ഞാല്‍ തികച്ചും പ്രകോപനപരമായ മുദ്രാവാക്യങ്ങള്‍ ഉയര്‍ത്തിയാണ് അവര്‍ നടന്നു നീങ്ങിയത്.

മൂന്നാര്‍ ടൌണിനെ ചുറ്റി നടത്തിയ പ്രകടനത്തില്‍ മുന്നൂറോ അതിലധികമോ അണ്ണന്മാര്‍ പങ്കെടുത്തു എന്ന് പറയുന്നു. ഇന്നലെ തമിഴ്നാട്ടിലെ ഏതോ ഒരു വിവരം കേട്ട എം.പി. ഇടുക്കിയെ തമിഴ്നാട്ടില്‍ ലയിപ്പിക്കണം എന്ന് പ്രസ്ഥാവിച്ചതിന്റെ ചുവടു പിടിച്ചാണ് ഇന്ന് കേരളത്തിന്റെ മണ്ണില്‍ കേരളത്തിന്റെ ഉപ്പും ചോറും തിന്നു ജീവിച്ചുകൊണ്ട് തന്നെ കേരളത്തിനെതിരെ മുദ്രാവാക്യം വിളിക്കാന്‍ ധൈര്യം കാണിച്ചത്. കേരളത്തിലെ പോലീസും മറ്റു ഭരണയന്ത്രങ്ങളും സ്ഥിരം സമാധാന ശാന്തി മന്ത്രങ്ങള്‍ ഊരുവിട്ടകൊണ്ട് "എനിക്ക് കണ്ട്രോള് തരൂ ഈശ്വരാ" എന്ന് പ്രാര്‍ത്ഥിച്ചു കഴിച്ചുകൂട്ടി എന്നാണു വാര്‍ത്തകളില്‍ കാണുന്നത്.

കേരളത്തിനു അനുകൂലമായി തമിഴ്നാട്ടില്‍ ഇതേ പോലെ മലയാളികള്‍ ഒരു പ്രകടനം നടത്തുന്ന കാര്യം നമുക്ക്‌ ഓര്‍ക്കാന്‍ കൂടി ആവില്ല. ഇനി നടത്തിയാല്‍ തന്നെ അവരെ ചുട്ടു കൊല്ലും എന്ന കാര്യം ഉറപ്പ്‌. കേരളത്തിലെ അതായത്‌ മൂന്നാറിലെ കേവലം ടാക്സി ഓട്ടോ ഡ്രൈവര്‍മാരായ ഇവര്‍ക്ക്‌ കേരളാ ഭരണകൂടത്തിന്റെ നിഷ്ക്രിയത്വവും പ്രചോദനമായി എന്നത് ഒരു സത്യമാണ്. സമരക്കാര്‍ക്ക്‌ എതിരെ ഇനിയെങ്കിലും നടപടിയെടുക്കണം. മൂന്നാര്‍ ടൌണില്‍ വണ്ടിയോടിക്കാനുള്ള ലൈസന്‍സ്‌ ക്യാന്‍സല്‍ ചെയ്തു ഇവരെ അതിര്‍ത്തി കടത്തി വിടുകയാണ് വേണ്ടത്‌. മലയാളി സമൂഹത്തിലെ കാക്കത്തൊള്ളായിരം രാഷ്ട്രീയ - മത - സാംസ്കാരിക സംഘടനകള്‍ തങ്ങളുടെ നിലപാട്‌ ഈ വിഷയത്തില്‍ വ്യക്തമാക്കി ഈ തിരുട്ടു പയലുകള്‍ക്ക് തക്കതായ മുന്നറിയിപ്പ്‌ കൊടുക്കേണ്ടതാണ് എന്നാണു ഈയുള്ളവന്റെ എളിയ അഭിപ്രായം.

കേന്ദ്രത്തിനും കേരളത്തിനും വലിപ്പിക്കാനറിയാം അല്ലേ?!

2011-12-11T15:52:00.000+04:00

മുല്ലപ്പെരിയാര്‍ വിഷയത്തില്‍ ഒരു പോസ്റ്റ് ഇടുവാന്‍ സാങ്കേതികമായി ആ വിഷയത്തെ പറ്റിയുള്ള പരിമിത അറിവ് ഒരു തടസ്സമായി നില്‍ക്കുന്നു. എന്നാല്‍ ഈയുള്ളവന്റെ പിന്തുണ മറ്റു ബ്ലോഗ് പോസ്റ്റുകളിലും ഓണ്‍ലൈന്‍ പത്രങ്ങളിലും കമന്റുകളായി ഇട്ടുപോരുന്നു.

രാഷ്ട്രീയക്കരെല്ലാം ചേര്‍ന്നു മുല്ലപ്പെരിയാറിനും ഇടുക്കി ഡാമിനും ഇടയിലുള്ള ജനങ്ങളെ മാത്രമല്ല ദുരിതം നേരിടേണ്ടി വന്നേക്കാവുന്ന മൊത്തം ജനങ്ങളെ മണ്ടന്മാരാക്കനുള്ള കളികളാണു നടത്തിക്കൊണ്ടിരിക്കുന്നത്. കോടതിയില്‍ സര്‍ക്കാര്‍ വക വക്കീല്‍ മേലാളന്റെ (എ.ജി) പ്രസ്താവനയും തുടര്‍ന്ന് ഭരണ-പ്രതിപക്ഷ ഭേദമന്യേ ഉള്ള കള്ളനും പൊലീസ് കളിയും ഇപ്പോള്‍ മുതലെടുപ്പിനായി നിരാഹാര മഹാമഹവും!!.

കേരളത്തിലെ നേതാക്കന്‍മാര്‍ ഏതാണ്ട് ഒറ്റക്കെട്ടായി ഈ വിഷയത്തില്‍ അണിനിരക്കുമ്പോള്‍ കേരളത്തില്‍ നിന്നും കേന്ദ്രമന്ത്രിമാരായി പോയിട്ടുള്ള ചിലര്‍ ഇപ്പോഴും വേറെ ഏതോ ലോകത്ത് ബോധമില്ലാതെയിരിക്കുകയാണെന്ന് പറയാതെ വയ്യ. ഈ അടുത്ത ദിവസം രക്ഷാമന്ത്രിയായ ധര്‍മ്മപുത്രര്‍(?) പറഞ്ഞതാണു തമാശ "കേന്ദ്രത്തിനു സംസ്ഥാനത്തോട് കല്‍പ്പിക്കാന്‍ കഴിയില്ല" എന്ന്. പിന്നെ എന്താണാവോ നിങ്ങളെക്കൊണ്ടു പറ്റുന്നത്? തമിഴ്നാട് അതാരു ഭരിച്ചാലും ന്യായവും അന്യായവും ആയ മാര്‍ഗ്ഗങ്ങളിലൂടെയെല്ലാം അവര്‍ ലക്ഷ്യമിട്ടത് നേടിയെടുക്കുക തന്നെ ചെയ്യും. മുന്‍കാല ചരിത്രവും ഇപ്പൊഴത്തെ ചരിത്രവും പരിശോധിച്ചാല്‍ അതു മനസ്സിലാവും. അതിനു കേന്ദ്രമന്ത്രിമാരും, എം.പി.മാരും സംസ്ഥാനത്തെ ഭരണ-പ്രതിപക്ഷവുമെല്ലാം ഒറ്റക്കെട്ടാണ്.

ജയലളിത എന്ന വനിത പ്രതിപക്ഷ അവര്‍ മുഖ്യമന്ത്രിയുടെയോ പ്രതിപക്ഷ നേതാവിന്റെയോ ആരുടെ വേഷമിട്ടു വന്നു നിന്നാലും കരുണാനിധിക്കും, മന്‍മോഹനും ആന്‍റ്റണിക്കും എല്ലാം മുട്ടിടിക്കും. ജയലളിത ഇടഞ്ഞാല്‍ ഒരു ആന ഇടഞ്ഞതിനു സമമാണ്. അവര്‍ ഇക്കഴിഞ്ഞ ദിവസം മലയാളികള്‍ക്ക് മാധ്യമങ്ങള്‍ മുഖേന ഒരു കത്ത് പ്രസിദ്ധീകരിച്ചു. നന്നായി ഹോംവര്‍ക്ക് ചെയ്ത് തയ്യാറാക്കിയതാണത് എന്നതില്‍ സംശയമില്ല. എന്നാല്‍ ഈ ജയലളിതാപരാക്രമങ്ങള്‍ കണ്ട് ആകെ അന്തം വിട്ടു നില്‍ക്കുകയാണ്‌ മലയാളികളും അവരുടെ നേതാക്കളും. ആകെ പറ്റുന്നത് കുറെ പ്രസ്ഥാവനാ ഗീര്‍വാണങ്ങള്‍ കത്തിച്ചു വിടുക. അതും പോരാഞ്ഞു നിരാഹാരം കിടക്കുക. കേന്ദ്രത്തിലും ഹൈക്കമാന്റിലും നിര്‍ണ്ണായക(??????!!!!!!) സ്വാധീനമുണ്ടെന്നു പറയുന്ന ആളുള്‍പ്പെടുന്ന മന്ത്രിമാര്‍ ഈ വിഷയം അറിഞ്ഞ മട്ടില്ല. ഒരാള്‍ പറയുന്നത് ഞാന്‍ കേരളത്തിന്റെ മാത്രം മന്ത്രിയല്ലെന്ന്! പിന്നെ ആരാണാവോ താങ്കളെ തെരഞ്ഞെടുത്ത് വിടുന്നത്? മറ്റൊരാള്‍ പറയുന്നത് കേന്ദ്രത്തിനു കല്‍പ്പിക്കാനാവില്ലെന്ന്!

രാഷ്ട്രീയ കോമരങ്ങളായ നിങ്ങള്‍ക്ക് പിന്നെ എന്താണാവോ അറിയുന്നത്? നൂറ്റാണ്ടു പിന്നിട്ട ഒരു അണക്കെട്ടും അതിന്റെ കാക്കത്തൊള്ളായിരം കൊല്ലത്തേക്കുള്ള കരാറും കാലഹരണപ്പെട്ടതാണെന്നും പ്രഖ്യാപിച്ച് അത് ഡീകമ്മീഷന്‍ ചെയ്യാനുള്ള ഒരു നിയമം പാസ്സാക്കാന്‍ പറ്റിയില്ലെങ്കില്‍ പിന്നെ കേരള നിയമസഭയും അവിടെയുള്ള 140 അംഗങ്ങളും എന്തിനാണെന്ന് നമ്മള്‍ ചോദിക്കേണ്ട സമയം അതിക്രമിച്ചിരിക്കുന്നു.

ശ്രദ്ധിച്ച് വാഹനമോടിക്കുക - അപകടം ഒഴിവാക്കുക!

2011-12-09T14:37:00.000+04:00

ഇന്ന് രാവിലെ അബുദാബിയില്‍ ഉണ്ടായ ഒരു വാഹനാപകടത്തിന്റെ ദൃശങ്ങള്‍ - ചിത്രങ്ങള്‍ താഴെ കാണാം.

അപകടം നടന്നു തൊട്ടടുത്ത നിമിഷം എടുത്ത ചിത്രം.

പുറകെ വന്ന വാഹനങ്ങള്‍ പകച്ചു നോക്കുന്നു, ആളുകള്‍ ചുറ്റും കൂടുന്നു.

പോലീസും ആംബുലന്‍സും എത്തി.... വാഹനങ്ങള്‍ വഴിതിരിച്ചു വിടുന്നു. ഫാസ്റ്റ് എയിഡ്‌ നല്‍കുന്നു.

ഫയര്‍ഫോഴ്‌സ്‌, ക്രെയിന്‍ എത്തി, ബസ്സ്‌ ഉയര്‍ത്താനുള്ള ശ്രമം. അപകടത്തില്‍ പെട്ട കാര്‍ ഇതിനകം സ്പോട്ടില്‍ നിന്നും നീക്കം ചെയ്തു.

ബസ്സ്‌ ഉയര്‍ത്തുന്നു.....

ഉയര്‍ത്തിയതിനു ശേഷം റിക്കവറി പുറകില്‍ കൊളുത്തുന്നു, റിക്കവറി ഡ്രൈവര്‍ ബസ്സിന്റെ സ്റ്റിയറിംഗ് നേരെയാക്കാന്‍ ബാസ്സിനുള്ളിലെക്ക് കയറുന്നു.....

കൊളുത്തി വലിച്ചു കൊണ്ടുപോകുവാന്‍ റെഡി...

കുറച്ചുകൂടി വലിയ ഒരു ദൃശ്യം.

നമ്മള്‍ എത്ര ശ്രദ്ധിച്ചാലും ഒഴിവാക്കാന്‍ ശ്രമിച്ചാലും അപകടം നടക്കാനുള്ളത് നടക്കുക തന്നെ ചെയ്യും. എന്നാലും നമ്മുടെ കഴിവിന്റെ പരമാവധി ശ്രദ്ധിച്ച് വാഹനമോടിക്കുക.

യു.എ.ഇ. ദേശീയദിന ആശംസകള്‍

2011-12-01T14:48:00.000+04:00

നാല്പതു സംവത്സരങ്ങള്‍ പിന്നിട്ട യു.എ.ഇ. നാടിന്റെ ദേശീയ ദിനം നാളെ ഡിസംബര്‍ രണ്ടിന്. എല്ലാവര്ക്കും ആശംസകള്‍ നേരുന്നു. പ്രവാസികളായ ഞങ്ങളെ അനുഭാവപൂര്‍വം ഒരു ജീവിതമാര്‍ഗ്ഗം തന്നു സംരക്ഷിക്കുന്ന ഈ നാടിനോടുള്ള കടപ്പാട് എന്നും പ്രവാസികളും അവരെ ആശ്രയിച്ചു കഴിയുന്ന കുടുംബങ്ങളും എന്നും സ്മരിക്കുക. ഇവിടത്തെ ഭരണകൂടത്തോടുള്ള നന്ദി എന്നും മനസ്സിലുണ്ടാവുക.

ഫ്രാന്‍സും റോമാനിയയും പിന്നെ പോര്‍ച്ചുഗലും!!. ഏയ്‌ ഇല്ലന്നെ!

2011-12-01T10:32:00.003+04:00

വിഷയം വളച്ചു കെട്ടാതെ പറയാം, എന്റെ യാഹൂ മെയില്‍ ഹാക് ചെയ്യപ്പെട്ടു. സംഭവം നടന്നിരിക്കുന്നത് യുറോപ്പില്‍ നിന്നുമാണ്. യാഹൂ അക്കൌണ്ട് തുറക്കുമ്പോള്‍ ഒരു വാണിംഗ് മെസേജ് പാസ് വേഡ് മാറ്റുവാന്‍ ആവശ്യപ്പെട്ടു വരും. അതില്‍ പറഞ്ഞിരിക്കുന്നത് യാഹൂവിന് (എനിക്കല്ല!) നിങ്ങളുടെ അക്കൌണ്ടില്‍ ചില ദുരൂഹ ഇടപെടലുകള്‍ നടന്നതായി ശ്രദ്ധയില്‍ പെട്ടു എന്നും (നമ്മുടെ) സുരക്ഷക്കായി പാസ് വേഡ് മാറ്റുക എന്നുമാണ്. നമ്മുടെ അക്കൌടില്‍, അക്കൌണ്ട് ഇന്ഫോര്‍മേഷനിലെ ഒടുവിലത്തെ ലോഗിന്‍ വിവരങ്ങള്‍ തെരഞ്ഞാല്‍ നമുക്ക് അവിടെയൊക്കെ നമ്മുടെ അക്കൌണ്ട് ലോഗിന്‍ ചെയ്യപ്പെട്ടിടുണ്ട് എന്നതിന്റെ വിവരം കിട്ടും. ഐ.പി. അഡ്രസ്സും, എന്തിലാണ് (മെസ്സെഞ്ചര്‍ / മെയില്‍) ലോഗിന്‍ ചെയ്തത്, എപ്പോള്‍, ഇതു രാജ്യത്തു വച്ച് എന്നെല്ലാം ഉള്ള വിവരം കിട്ടും. എനിക്ക് കിട്ടിയ വിവരം താഴെ കാണാം. അതില്‍ പറഞ്ഞിരിക്കുന്നത് ഫ്രാന്‍സ്, റൊമാനിയ പിന്നെ പോര്‍ച്ചുഗല്‍ - ലത് ചിത്രത്തിലില്ല എന്നിവിടങ്ങളില്‍ വച്ച് എന്റെ മെയില്‍ തുറന്നിട്ടുണ്ട് എന്നാണ്. നാട്ടില്‍ നിന്ന് വന്നതില്‍ പിന്നെ അബൂദാബി വിട്ടു എവിടെയും പോയിട്ടില്ല കേട്ടോ! പിന്നല്ലേ ഫ്രാന്‍സും റോമാനിയയും പിന്നെ പോര്‍ച്ചുഗലും.

അതുകൊണ്ട് യാഹൂ മെയില്‍ ഉള്ളവര്‍ ദയവായി നിങ്ങളുടെ പാസ് വേഡ് സുരക്ഷിതമാക്കണം അല്ലെങ്കില്‍ മാറ്റണം എന്ന ഒരു അഭ്യര്‍ത്ഥന മുന്നോട്ടു വെക്കുന്നു. കൂടാതെ ബ്രൌസറിലെ ടൂള്‍സ് മെനുവില്‍ പോയി ബ്രൌസിംഗ് ഹിസ്റ്ററി ഡിലീറ്റ് ചെയ്യുവാനും ശ്രദ്ധിക്കുക. (ഡിലീറ്റ് ഹിസ്റ്ററി ഓണ്‍ എക്സിറ്റ് എന്ന ഓപ്ഷന്‍ ആക്ടീവ് ആക്കിയാല്‍ കൂടുതല്‍ നല്ലത്). പിന്നെ നല്ല ആന്റി വൈറസ് സോഫ്റ്റ്‌വെയര്‍ ഏതെങ്കിലും (ഇത്തരം ആക്രമണങ്ങളെ തടയുന്നവ!) നിങ്ങളുടെ സിസ്ടത്തില്‍ ഇന്സ്ടാല്‍ ചെയ്യുമല്ലോ. (ഫ്രീ വേര്‍ഷന്‍ വേണ്ട, കാശ് കൊടുത്തു തന്നെ വാങ്ങണം, എന്നാലേ നമ്മള്‍ ഉദ്ദേശിച്ച ഫലം കിട്ടൂ!). അതുകൊണ്ട് എല്ലാവരും ജാഗ്രതൈ!!

നോക്കുകൂലി ഞങ്ങള്‍ കൊണ്ഗ്രസ്സിനു പുളിക്കത്തില്ലാട്ടോ!

2011-11-23T09:43:00.001+04:00

കേരളത്തിലെ വ്യാവസായിക വികസനത്തിന്‌ തടസ്സം പ്രധാനമായും ഇടതുപക്ഷ പ്രസ്ഥാനങ്ങളാണ് എന്നാണു വലതു പക്ഷ കോണ്‍ഗ്രസും മറ്റു പാര്‍ട്ടികളും പ്രചരണം നടത്തി വരുന്നത്. ട്രേഡ് യുനിയന്‍ പ്രവര്‍ത്തനവും, തൊഴില്‍ സമരങ്ങളും കൂടാതെ നോക്കു കൂലി എന്ന തെണ്ടിത്തരവും ഇടതുയുനിയനുകളുടെ ഭാഗത്ത്‌ നിന്നും നല്ലൊരു അളവില്‍ ഈ ആരോപണങ്ങള്‍ക്ക് കാരണമായിട്ടുണ്ട്. അവയെല്ലാം നല്ലൊരു പരിധിവരെ ശരിയുമാണ്. ട്രേഡ് യുനിയന്‍ ഗുണ്ടായിസം (എല്ലാ പാര്‍ട്ടികളുടെയും പോഷക യുനിയനുകളുടെ വക) ഒരു വസ്തുതയാണ്.

എന്നാല്‍ കാര്യങ്ങള്‍ ഒരു പരിധിവരെ മാറിയിട്ടുണ്ട്. കഴിഞ്ഞ കാല സര്‍ക്കാരുകളും ഇപ്പോഴത്തെ സര്‍ക്കാരും നോക്കുകൂലി എന്ന പ്രതിഭാസത്തെ ഇല്ലാതാക്കുവാന്‍ കഴിവിന്റെ പരമാവധി പരിശ്രമിച്ചു. എന്നാലും ചിലയിടതെല്ലാം അത് നിലനില്കുകയും ചെയ്യുന്നു. നോക്കു കൂലി എന്ന് കേട്ടാല്‍ "ചത്തത് കീചകനെങ്കില്‍ കൊന്നത് ഭീമന്‍" എന്ന മട്ടിലാണ് വലതു പക്ഷം ഇടതു യുനിയനുകളുടെ മേല്‍ ചാടി വീഴുന്നത്. എന്നാല്‍ ഇന്നത്തെ മാതൃഭൂമി ഓണ്‍ലൈന്‍ ന്യൂസില്‍ ഒരു വാര്‍ത്ത വന്നിരിക്കുന്നത് ഇതിനെല്ലാം വിരുദ്ധമാണ്. കുടിവെള്ള പദ്ധതിക്ക് കൊണ്ടുവന്ന പൈപ്പ് ഇറക്കുവാന്‍ നോക്കുകൂലി ചോദിച്ചത് ഈ വാര്‍ത്ത പ്രകാരം ഇടതു പക്ഷ യുനിയനുകളല്ല, മറിച്ച് ഐ.എന്‍.ടി.യു.സി എന്ന കോണ്ഗ്രസ് പോഷക സംഘടനയാണ്. വാര്‍ത്ത ഇവിടെ ക്ലിക്കിയാല്‍ വായിക്കാം. നോക്കുകൂലിയുടെ പേരില്‍ ഇടതുപക്ഷ ട്രേഡ്യുനിയനുകളുടെ മേല്‍ ചാടി വീഴുന്നതിനു മുന്പ് ഈ സംഭവം ഓര്‍ക്കുന്നത് കൊണ്ഗ്രസ്സുകാര്‍ക്ക് ഗുണം ചെയ്യും. (ഞാന്‍ ഇടതുപക്ഷ പ്രവര്‍ത്തകനല്ല എന്നുകൂടി പറയട്ടെ).

ജയരാജനും ഗോവിന്ദചാമിയും - നീതി നിര്‍വഹണത്തിന്റെ രണ്ടു മുഖങ്ങള്‍.

2011-11-12T16:29:00.002+04:00

ന്യായാധിപനെ അധിക്ഷേപിച്ചു എന്ന കാരണത്താല്‍ ജയരാജനെ ജയിലിലേക്കയച്ച ഹൈക്കോടതി ഇനി ഗോവിന്ദചാമി എന്ന അണ്ണാച്ചി തിരുട്ടു റാസ്കലിനെ എന്താണ് വിധിക്കാന്‍ പോകുന്നതോ എന്തോ? ഇനി ഹൈക്കോടതി, സുപ്രീം കോടതി, അപ്പീല്‍, റിവ്യൂ ഹര്‍ജി, ദയാ ഹര്‍ജി തുടങ്ങിയവ വരാനിരിക്കുന്നു. സൌമ്യ വധം അപ്പോഴേക്കും ജനം മറന്നു കഴിഞ്ഞിട്ടുണ്ടാവും. അല്ലെങ്കില്‍ മറ്റു സൌമ്യമാര്‍ രക്തസാക്ഷിത്വം വരിച്ചിട്ടുണ്ടാവും, നമ്മുടെ സമൂഹത്തില്‍ അതുമല്ലെങ്കില്‍ ക്രൂരന്മാരായ ഗോവിണ്ടാചാമിമാര്‍ സമൂഹത്തില്‍ ഉദയം ചെയ്തിട്ടുണ്ടാവും.

ഗോവിന്ദചാമി നാളെ തൂക്കിലേറ്റപ്പെടും എന്ന് ആരും അതിര് കടന്നു പ്രത്യാശിക്കേണ്ടതില്ല. കാരണം ഒന്നുകില്‍ അയാള്‍ നീതി വിചാരണ എന്ന നീണ്ട പ്രക്രിയയില്‍ ഒരു വേള ജീവപര്യന്തം ശിക്ഷിക്കപ്പെടുവാനോ അല്ലെങ്കില്‍ വിട്ടയക്കപ്പെടുവാണോ സാധ്യത ഏറെയാണ്. ഇനി ഒരുപക്ഷെ സുപ്രീം കോടതി തന്നെ ശിക്ഷ ശരിവച്ചു എന്ന് കരുതുക. എന്നാലും രാഷ്ട്രപതിക്ക് ദയാഹര്‍ജി സമര്‍പ്പിക്കാം. രാജീവ് ഗാന്ധി വധക്കേസില്‍ വധശിക്ഷ കിട്ടി കഴിയുന്ന തമിഴ് തീവ്രവാദികളും, പാര്‍ലമെന്റ് ആക്രമിച്ചവരും എല്ലാം ദയാഹര്‍ജി തീര്‍പ്പാകുന്നതും കാത്തു കഴിയുന്നു. ഇതില്‍ ഒന്നിനെയെങ്കിലും തൂക്കി ശിക്ഷ നടപ്പാക്കാന്‍ കഴിയാത്ത നിയമ വ്യവസ്ഥയാണ് നമ്മുടെ നാട്ടില്‍ നില നില്‍ക്കുന്നത്.

ജയരാജനെ ഉടന്‍ ജയിളിലയക്കാന്‍ വ്യഗ്രത കാട്ടിയ കോടതി (അതേ കോടതി തെന്നെയല്ല കേട്ടോ) അണ്ണാച്ചിയെ തൂക്കുന്നത് ഹൈക്കോടതി അനുമതിയോടെ കൂടി വേണമെന്ന് നിബന്ധന വച്ചു. ഹൈക്കോടതിയില്‍ തമിഴന്റെ വക്കീല്‍ അപ്പീല്‍ പോകുമെന്ന് ഇതിനകം വ്യക്തവുമായിക്കഴിഞ്ഞു.

കൂടാതെ വികലാംഗന്‍ എന്ന ആനുകൂല്യവും പ്രതിക്ക് കിട്ടുവാന്‍ സാധ്യതയുണ്ട്. (പണ്ടു കണ്ട ജോഷി ചിത്രം "ധ്രുവം" ഓര്‍മ്മ വരുന്നു).

ന്യായാധിപനെ ശുംഭന്‍ എന്ന് വിളിച്ച ജയരാജനെ നമ്മള്‍ ഭാവിയില്‍ അനുകൂലിച്ചു നിലപാട് മാറ്റാന്‍ സാധ്യത ഏറെയാണ്‌ ഈ വിഷയത്തില്‍. ബാക്കി നിങ്ങള്‍ സങ്കല്‍പ്പിക്കുക. എന്തെങ്കിലും എഴുതി നടപടി നേരിടാന്‍ വയ്യേ!

ഇത്തരം നികൃഷ്ടമായ കുറ്റകൃത്യം ചെയ്തവരുടെ കാര്യത്തിലെങ്കിലും അപ്പീല്‍ അനുവദിക്കാതെ ശിക്ഷ നടപ്പാക്കുവാനുള്ള വകുപ്പ് ഇന്ത്യന്‍ നീതിന്യായ വ്യവസ്ഥയില്‍ എഴുതി ചേര്‍ക്കേണ്ട സമയം അതിക്രമിച്ചിരിക്കുന്നു എന്ന് മാത്രം ഈ അവസരത്തില്‍ കുറിക്കുന്നു.

സമര ഭീഷണിക്കു മുന്നില്‍ മുട്ടുമടക്കി സംസ്ഥാന സര്‍ക്കാര്‍.

2011-10-21T18:32:00.000+04:00

ജനാധിപത്യപരവും അല്ലാത്തതുമായ സമരങ്ങളുടെ സ്വന്തം നാടായ കേരളത്തിന്റെ സാംസ്കാരിക തലസ്ഥാനമായ തൃശൂരില്‍ ഇക്കഴിഞ്ഞ ദിവസം ഒരു സ്വകാര്യ ബസ്‌ സമരം നടക്കുമെന്ന് ബസ്സുടമകള്‍ നേരത്തെ പ്രഖ്യാപിച്ചിരുന്നു. എന്നാല്‍ തൊട്ടു മുന്‍ദിവസം തിരുവനന്തപുരത്ത് വച്ച് ഗതാഗത മന്ത്രിയുമായി നടത്തിയ ചര്‍ച്ചയുടെ അടിസ്ഥാനത്തില്‍ സമരം പിന്‍വലിച്ചു. സാധാരണ സ്വകാര്യ ബസ്സ്‌ സമരം മുഖ്യമായി നടക്കുന്നത് ചില സ്ഥിരം ആവശ്യങ്ങളില്‍ ഊന്നിയാണ്. (ഡീസല്‍ വിലവര്‍ധന വഴി ബസ്ചാര്‍ജ്ജ് വര്‍ധിപ്പിക്കല്‍ - വിദ്യാര്‍ത്ഥി കണ്‍സെഷന്‍ നിരക്കുകള്‍ വര്‍ധിപ്പിക്കല്‍ തുടങ്ങിയവ അവയില്‍ പ്രധാനമാണ്). എന്നാല്‍ ഇത്തവണ ആവശ്യം വളരെ വിചിത്രമായിരുന്നു. ബസ്സുകള്‍ വാതിലുകള്‍ സ്ഥാപിക്കണം അന്ന സര്‍ക്കാര്‍ നിര്‍ദ്ദേശം അട്ടിമാരിക്കുവാനായിരുന്നു ബസ്സുടമാ സംഘം സമരപ്രഖ്യാപനം നടത്തിയത്‌.

തൃശൂര്‍ ജില്ലയില്‍ സ്വകാര്യ ബസ്സുകളുടെ വാതിലില്‍ കൂടി വീണു ഒരു വിദ്യാര്‍ഥി ഉള്‍പ്പെടെ രണ്ടാള്‍ മരണമടഞ്ഞത് ഈയിടെ റിപ്പോര്‍ട്ട് വന്നിരുന്നു. ഒരു പാടു വിമര്‍ശനം പൊതു സമൂഹത്തില്‍ നിന്നും ഉയര്‍ന്ന വിഷയമായിരുന്നു. നമ്മുടെ നാട്ടിലെ ഒരു നടപ്പനുസരിച്ചു എന്തെങ്കിലും നിര്‍ഭാഗ്യകരമായ സംഭവം ഉണ്ടായിക്കഴിയുമ്പോള്‍ ഉണരുന്ന ഭരണകൂടം ഇത്തവണ ഉറച്ചു തന്നെ ഇറങ്ങി. വാതിലില്ലാത്ത ബസ്സുകളെ പിടികൂടുകയും മുന്നറിയിപ്പ്‌ നല്‍കുകയും പിന്‍വാതില്‍ അടക്കം രങ്ങു വാതിലുകള്‍ ഘടിപ്പിച്ചു സര്‍വ്വീസ്‌ നടത്താന്‍ ഒരു സമയപരിധി കൊടുക്കുകയും ചെയ്തു. മുന്പത്തെതില്‍ നിന്നും വ്യത്യസ്തമായി വ്യാപകമായ പരിശോധനകള്‍ പോലീസ്‌ - ഗതാഗത വകുപ്പുകളില്‍ നിന്നും ഉണ്ടായത്‌ ബാസ്സുടമകളുടെ പ്രതീക്ഷകള്‍ക്ക്‌ വിപരീതമായിരുന്നു. പല തരത്തിലും ബന്ധപ്പെട്ട ഉദ്ദ്യോഗസ്ഥരെ സ്വാധീനിക്കുവാന്‍ കിണഞ്ഞു ശ്രമിച്ചെങ്കിലും സ്വന്തം ജോലിയോടുള്ള ആത്മാര്‍ഥത പുലര്‍ത്തുന്ന ഉദ്യോഗസ്ഥരുടെ മുന്നില്‍ അതൊന്നും വിലപ്പോയില്ല.

അവസാനം അറ്റകൈപ്രയോഗം എന്ന മട്ടില്‍ മാധ്യമങ്ങളെ കണ്ടു. "സ്വകാര്യ ബസ്സുടമകളും തൊഴിലാളികളും പീഡിപ്പിക്കപ്പെടുന്നു, സ്വകാര്യബസ്സ്‌ സര്‍വ്വീസ്‌ അസാധ്യമായിരിക്കുന്നു" എന്നീ വാദങ്ങള്‍ ഉന്നയിച്ചപ്പോള്‍ അത് ഏറ്റുപാടാന്‍ ചില മാധ്യമങ്ങളും തയ്യാറായി. പത്തൊന്‍പതാം തിയതി മുതല്‍ അനിശ്ചിതകാലത്തേക്ക് സര്‍വ്വീസുകള്‍ നിര്‍ത്തി വക്കുകയാനെന്നു പ്രഖ്യാപിച്ചു. തുടര്‍ന്ന്‍ തിരുവനന്തപുരത്ത് ഗതാഗത വകുപ്പ്‌ മന്ത്രി ശ്രീ. ശിവകുമാരുമായി നടത്തിയ ചര്‍ച്ചയില്‍ തങ്ങളുടെ നിലപാടില്‍ ഉറച്ചു നില്‍ക്കുകയും മന്ത്രി ഇടപെട്ടു ബസ്സുകളില്‍ വാതിലുകള്‍ ഘടിപ്പിക്കാനുള്ള നിര്‍ദ്ദേശം തല്‍ക്കാലത്തേക്ക് മരവിപ്പിക്കുകയും ചെയുതു. (കാര്യങ്ങള്‍ പഠിക്കാന്‍ പോകുന്നു എന്നും കേള്‍ക്കുന്നു). അവസാനം പതിവുപോലെ ബസ്സുടമകള്‍ വിജയിക്കുകയും ചെയ്തു.

ഈ അവസ്ഥയില്‍ ഗൌരവമായി ചിന്തിക്കേണ്ട ചില വിഷയങ്ങളുണ്ട്. ചില ഈര്‍ക്കില്‍ സംഘടനകള്‍ വിരട്ടുംപോഴേക്കും മാറ്റാനുല്ലതാണോ സര്‍ക്കാര്‍ തീരുമാനങ്ങള്‍ ?! എന്നതാണ് ഒരു വിഷയം. രണ്ടാമത്‌ ഉദ്യോഗസ്ഥര്‍ മര്യാദക്ക് ജോലി ചെയ്യാന്‍ തയ്യാറായി ചെയ്യുന്ന കാര്യങ്ങള്‍ അട്ടിമാറിക്കുവാന്‍ മന്ത്രി തലത്തില്‍ ഉണ്ടാകുന്ന തീരുമാനങ്ങള്‍ കാരണമായി തീരുന്നു എന്നതാണ്. മൂന്നാമത് സര്‍ക്കാര്‍ - ബസ്സുടമ ഒത്തുകളിയില്‍ അപകടതിലാവുന്നത് ജനങ്ങളുടെ സുരക്ഷയാണ് എന്നതാണ്.

തൃശൂര്‍ ജില്ലയില്‍ പ്രധാനമായും സ്വകാര്യ ബസ്സ് സര്‍വ്വീസിനെ ആശ്രയിക്കുകയാണ് ഭൂരിപക്ഷം ജനങ്ങളും. വളരെ നല്ല രീതിയില്‍ ലാഭകരമായി ഉള്‍പ്രദേശങ്ങളെ പോലും ബന്ധിപ്പിക്കുന്ന ഒരു പാടു ബസ്സ്‌ സര്‍വ്വീസുകള്‍ ഈ ജില്ലയില്‍ കാണാന്‍ സാധിക്കും. ഇതെല്ലാം ജനോപകാരപ്രടമെന്നു സമ്മതിക്കുന്നതോടൊപ്പം ചില അനാശാസ്യ പ്രവണതകള്‍ എടുത്തു പറയുക തന്നെ വേണം. വിദ്യാര്തികലോടുള്ള സമീപനം, മത്സരയോട്ടം, കയറുന്നതിനു മുന്‍പ്‌ ബെല്ലടിച്ചു വിടല്‍ തുടങ്ങിയവ അതില്‍ ചിലത് മാത്രം. പോലീസും ബന്ധപ്പെട്ട അധികാരികളും ഇത്തരം കാര്യങ്ങള്‍ കണ്ടാല്‍ മിക്കവാറും കണ്ണടയ്ക്കും. (പോലീസുകാര്‍ക്ക്‌ സ്വകാര്യ ബസ്സില്‍ "സൌജന്യ" യാത്ര അവര്‍ നല്‍കും ഇല്ലെങ്കില്‍ വിവരമറിയും.). ഒട്ടും സഹിച്ചുകൂടാത്തത് കയറുന്നതിനു മുന്നേയുള്ള ബെല്ലടിയാണ്. പലവിധ ആരോഗ്യപ്രശ്നങ്ങലുള്ള പ്രത്യേകിച്ച് വയസ്സായവര്‍ക്ക് ഇത് ഒരുപാടു വൈഷമ്യം ഉണ്ടാക്കുന്നു. ഒരുപാടു അപകടങ്ങള്‍ ഇതുകാരണം ഉണ്ടായിട്ടുണ്ട്. പലരും പരിക്കേല്‍ക്കുകയും മരണമടയുകയും ഉണ്ടായിട്ടുണ്ട്.

ഇതിനെല്ലാം ഒരു പരിധി വരെ പരിഹാരം ഉണ്ടാവുമെന്ന് കണ്ടുകൊണ്ടാണ് വാതിലുകള്‍ ഘടിപ്പിക്കുവാന്‍ ബന്ധപ്പെട്ടവര്‍ നിര്‍ദ്ദേശിച്ചത്‌. ഒരു കണ്ടക്ടറും ഡ്രൈവറും മാത്രം ഉള്ള KSRTC രണ്ടു വാതിലുമായി സര്‍വ്വീസ്‌ നടത്തുമ്പോള്‍ ഒരു കണ്ടക്ടറും, ഡ്രൈവറും ഒന്നോ രണ്ടോ "കിളി"കളും ഉള്ള സ്വകാര്യ ബസുകള്‍ക്ക്‌ വാതില്‍ ഘടിപ്പിക്കാന്‍ സാധ്യമല്ല പോലും!!!! സ്വകാര്യ ബസ്സുകളില്‍ ലിമിറ്റഡ്‌ സ്റ്റോപ്പ്‌ ബസ്സുകള്‍ ഉള്‍പ്പെടെ ചില വണ്ടികള്‍ക്ക് രണ്ടു വാതിലുകള്‍ ഉള്ളത് വിസ്മരിക്കുന്നില്ല. നാഴികക്ക് നാല്പതു വട്ടം സര്‍വ്വീസ്‌ നഷ്ടം എന്ന് പറയുന്ന സ്വകാര്യ ബസ്സ്‌ സര്‍വ്വീസുകളെ ഒന്ന് നിരീക്ഷിച്ചാല്‍ അതിലെ കള്ളത്തരവും പൊള്ളത്തരവും മനസ്സിലാവും. കേരളത്തിലെ ഏറ്റവും സുന്ദരങ്ങളായ സ്വകാര്യ ബസ്സുകള്‍ തൃശൂര്‍ ജില്ലയിലാണ്. ഒരു ഗ്രൂപ്പിന് തന്നെ ഒന്നിലധികം ബസ്സുകള്‍. ഉള്ളതോ സകല വിധ ആഡംബരങ്ങളും ഘടിപ്പിച്ചത്. ഈയിടെ തൃശൂരില്‍ നിന്നും കൊടുങ്ങല്ലൂരിലേക്ക് ഒരു ലിമിറ്റഡ്‌ സ്റ്റോപ്പ്‌ ബസ്സില്‍ വന്നതില്‍ ഡി.വി.ഡി.യില്‍ "ശ്രീധരന്റെ ഒന്നാം തിരുമുറിവ്‌" എന്ന മലയാള പടം ഓടുന്നു. അതിനു മുന്‍പ്‌ ഗുരുവായൂരില്‍ നിന്ന് കോഴിക്കോട്ടേക്ക് പോയപ്പോള്‍ "ദേവാസുരം" എന്ന പടം ആ ബസ്സില്‍. പരമാവധി പൈസ ചെലവാക്കി നിര്‍മ്മിച്ചിരിക്കുന്ന ഇത്തരം ബസ്സുകളുടെ ഒരു പ്രധാന ന്യൂനത സീറ്റിലിരുന്നാല്‍ മുട്ടുകാല്‍ മുന്‍പിലെ സീറ്റില്‍ മുട്ടും എന്നതാണ്. ഈ ബസ്സുകള്‍ക്ക്‌ ആരാണ് പെര്‍മിറ്റ്‌ കൊടുക്കുന്നത്? ഫിറ്റ്‌നസ് പരിശോധന എന്ന ഒരു പരിപാടി ആരൊക്കെയോ ചേര്‍ന്ന് അട്ടിമറിക്കുന്നു. സര്‍വ്വീസുകള്‍ നഷ്ടത്തിലാണെന്ന് പറയുന്ന ബസുടമകള്‍ ഓരോ വര്‍ഷവും ബസ്സുകളുടെ എണ്ണം കൂട്ടുകയും പുതിയ ട്രിപ്പ്കള്‍ തുടങ്ങി ലാഭം കൊയ്യുകയും ചെയ്യുന്നു.

രാഷ്ട്രീയ പാര്‍ട്ടികളുടെ വിവിധങ്ങളായ ഫണ്ടുകള്‍ നിറക്കുന്നതില്‍ സ്വകാര്യ ബാസ്സുടമാകലുടെ പങ്ക് നിസ്തുലമാണ്. പൊന്മുട്ടയിടുന്ന താറാവിനെ കൊല്ലാന്‍ ഒരിക്കലും നമ്മുടെ രാഷ്ട്രീയ പ്രസ്ഥാനങ്ങള്‍ തയ്യാറാവില്ലല്ലോ. ജനങ്ങളുടെ സുരക്ഷയാണ് പ്രധാനം നിങ്ങളുടെ ആവശ്യം അംഗീകരിക്കുവാന്‍ പറ്റില്ല, സമരം നടത്തിയാല്‍ നടത്തുന്നവന്റെ പെര്‍മിറ്റ്‌ നിയമാനുസ്രിതമായി റദ്ദാക്കുമെന്ന് പറയുവാന്‍ മന്ത്രിക്ക്‌ കഴിയാത്തത്‌ ബസ്സുടമകളെന്ന സമ്മര്‍ദ്ധ ഗ്രൂപ്പിനെ പിണക്കാന്‍ കഴിയാത്തതിന്റെ നിസ്സഹായതയാണ്. വിദ്യാര്‍ഥി കണ്‍സെഷന്‍ കൂട്ടുമെന്നു പറയുമ്പോഴേക്കും സമരം ചെയ്യുന്ന സംഘടനകള്‍ക്കോ അവരെ വളര്‍ത്തുന്ന മാതൃ സംഘടനകള്‍ക്കോ ഇക്കാര്യങ്ങളിലൊന്നും യാതൊരു താല്പര്യവുമില്ല.‌

പാരകള്‍ക്കിടയില്‍ അതിവേഗം ബഹുദൂരം!

2011-10-12T19:55:00.000+04:00

മലയാളികള്‍ ഈ കാണുന്ന ചിത്രം ഇനി കുറച്ച്ചുകാലത്തെക്ക് മറക്കാനിടയില്ല. കേരളത്തിന്റെ പോക്ക്കണ്ടാല്‍ ഈ ചെറിയ തോക്കിന് പകരം എ.കെ -നാല്പത്തി ഏഴു തന്നെ പോലീസിനു പ്രയോഗിക്കേണ്ടി വരുമെന്ന് തീര്‍ച്ച. മൂന്നു പേരുടെ ഭൂരിപക്ഷത്തില്‍ ഭരിക്കുന്ന ഉമ്മന്ചാണ്ടി ഇപ്പോള്‍ രണ്ടാമതൊന്നു ആലോചിക്കുന്നു എന്ന് ഉറപ്പിച്ച് പറയാം. ബാലകൃഷ്ണപിള്ള ആശുപത്രിയില്‍ സുഖവാസം അനുഭവിക്കുന്നതിന്റെ പ്രശ്നം ഒന്നോതുങ്ങിയാതെ ഉള്ളൂ അപ്പോഴേക്കും അങ്ങേരു കയറി ചാനലുകാരുടെ ഫോണ്‍ വിളിക്ക് ഉത്തരം നല്‍കിയതിലൂടെ കൂടുതല്‍ പ്രശ്നമായി. അധ്യാപകന്റെ അപകടം വരുത്തി വച്ച ദുരൂഹതക്ക് അന്ത്യം വരുത്താന് പോലീസ്‌ ആവുന്നത് ശ്രമിച്ചിട്ടും കഴിഞ്ഞിട്ടില്ല. ഇതിനിടയില്‍ കോഴിക്കോട് ഒരു അസി. കമ്മീഷണര്‍ സുരേഷ്ഗോപി കളിച്ചു. അറിഞ്ഞിടത്തോളം ഒരു പോലീസുകാരന് വേണ്ട എല്ലാ "യോഗ്യത"കളും തികഞ്ഞ ആളാണ്‌ ശ്രീ. രാധാകൃഷ്ണ പിള്ള. കുഞാപ്പാക്ക് പണ്ടത്തെ ഐസ്ക്രീം കേസില്‍ മൂപ്പര്‍ ഉപകാരം ചെയ്തുകൊടുത്തത് മുന്‍നിര്‍ത്തി നല്ല സുരക്ഷ ഭരണതലത്തില്‍ നിന്നും കോഴിക്കോട് സംഭവത്തില്‍ ലഭിച്ചു എന്നതിന് തെളിവുണ്ട്. അതല്ലേ ഇത്രയുമായിട്ടും അദ്ദേഹം സസ്പെന്റു ചെയ്യപ്പെടാതെ നില്‍ക്കുന്നത്‌.

ഇതിനിടയില്‍ തോക്ക് പിടിച്ചു ഫോട്ടത്ത്തില്‍ വരാത്ത മറ്റൊരു പോലീസുകാരന്‍ (നമ്മുടെ സുധാകരന്‍ എം.പി.യുടെ തോക്കുകാരന്‍ കാവല്‍ക്കാരന്‍!) ഒരു ബസ്സ്‌ യാത്രക്കിടയില്‍ തെറ്റിദ്ധാരണയുടെ പുറത്ത്‌ ഒരു പാവത്തിനെ ലവനും മറ്റു രണ്ടു പേരും ചേര്‍ന്ന് തല്ലിക്കൊന്നിരിക്കുന്നു. ഈ വിഷയത്തില്‍ എന്തായാലും നടപടി ഉണ്ടായി. ലവനെ സസ്പെന്റു ചെയ്യുകയും മരിച്ച നിരപരാധിയുടെ കുടുംബത്തിന് പത്തുലക്ഷം രൂപ നഷ്ടപരിഹാരമായി നല്‍കുവാനും അയാളുടെ ഭാര്യക്ക്‌ ജോലി നല്‍കുവാനും മന്ത്രിസഭായോഗം തീരുമാനിച്ചു. (സസ്പെന്‍ഷനും മറ്റും കഴിഞ്ഞാല്‍ ലവന്‍ കൂളായി ഊരിപ്പോരുമെന്നും ഒരു പ്രമോഷനും മുഖ്യമന്ത്രിയുടെ പോലീസ്‌ മെഡലും ഭാവിയില്‍ ഒപ്പിച്ച്ചെടുക്കുമെന്നും നമുക്ക്‌ പ്രത്യാശിക്കാം). അതാണല്ലോ കാലാകാലങ്ങളായി കേരളത്തിലും ഇന്ത്യയിലും നടന്നുപോരുന്നത്.

മേല്പറഞ്ഞ പോലീസുകാരനും പൊതുമുതല്‍ നശിപ്പിച്ചു സമരം ചെയ്യുന്ന ആളുകളും ഞാനും ഇത് വായിക്കുന്ന സമൂഹവും എല്ലാം എത്ത്തിപ്പെട്ടിരിക്കുന്ന ഒരു പ്രതിസന്ധിയിലേക്കാണ് ഇപ്പോഴത്തെ സംഭവങ്ങള്‍ വിരല്‍ ചൂണ്ടുന്നത്. എല്ലാറ്റിനും വ്യവസ്ഥാപിതമായ മാര്‍ഗ്ഗങ്ങള്‍ ഉണ്ടെന്ന സത്യം ഉത്തരവാദിത്തപ്പെട്ടവര്‍ വിസ്മരിക്കുന്നു. ഓര്‍മ്മിപ്പിക്കാന്‍ കടപ്പെട്ടവര്‍ അത് ചെയ്യുന്നില്ല. എല്ലാവര്ക്കും സ്വന്തം നിലക്കുള്ള കൈവിട്ട കളി കളിക്കാന്‍ അതിയായ താല്പര്യമാണ്. കേരളീയ സമൂഹത്തില്‍ ഇത് ഒരു രോഗലക്ഷനമല്ല. അതിനെ ബാധിച്ചിരിക്കുന്ന രോഗം തന്നെയാണ്. ഇതിനുള്ള ചികില്‍സ നാമെല്ലാം ഗൌരവമായി ചെയ്യേണ്ട കാലം അതിക്രമിച്ചിരിക്കുന്നു.

യു.പി.എ. സര്‍ക്കാര്‍ ആസ്‌ഥാനം ജയിലിലേക്ക്‌ മാറ്റേണ്ടിയിരിക്കുന്നു.

2011-09-21T20:05:00.001+04:00

ഏറവും ഒടുവിലത്തെ റിപ്പോര്‍ട്ട്‌ പ്രകാരം കേന്ദ്ര ആഭ്യന്തര മന്ത്രിയായ പി. ചിദംബരം ജയിലെക്കുള്ള വഴിയില്‍ ആണോന്നു സംശയിക്കേണ്ടിയിരിക്കുന്നു. സ്പെക്ട്രം അഴിമതി അന്വേഷിക്കണം എന്നാവശ്യപ്പെട്ട് ജനതാപാര്‍ട്ടി നേതാവ്‌ സുബ്രമണ്യം സ്വാമി കേസ്‌ നടത്തുന്നതിനിടയില്‍ കോടതിക്ക്‌ മുന്‍പാകെ സമര്‍പ്പിച്ച ഒരു രേഖയാണ് ഇപ്പോള്‍ നിര്ന്നായകമായിരിക്കുന്നത്. സ്പെക്ട്രം ലൈസന്‍സുകള്‍ സ്വന്തം അപ്പന്റെ വക പോലെ അനുവദിച്ചപ്പോള്‍ ധനമന്ത്രിയായിരുന്ന ചിദംബരം ഒന്ന് നെറ്റി ചുളിച്ചിരുന്നു എങ്കില്‍ അതിന്റെ പേരില്‍ നടന്ന അഴിമതി ഒഴിവാക്കാമായിരുന്നു എന്നാണു തെളിഞ്ഞ്ഞ്ഞു വരുന്നത്.

അഴിമതി പ്രതാപത്തിന്റെ അടയാളമായി കാണുന്ന മന്ത്രിമാരും (പ്രധാനമന്ത്രിയും) ഇതൊരു പ്രശ്നമായിട്ടെടുത്ത്ത മട്ടില്ല. എങ്കിലും പ്രതിപക്ഷം ചിദംബരന്‍ അണ്ണാച്ചിയുടെ രാജി ആവശ്യപ്പെട്ടു കഴിഞ്ഞ്ഞ്ഞു. ഈ നിലക്ക് പോയാല്‍ എല്ലാം പ്രധാനമന്ത്രിയില്‍ ചെന്ന് നില്‍ക്കും. തന്റെ കീഴിലുള്ള മന്ത്രി പുംഗവന്മാര്‍ അഴിമതി നടത്തിയത്‌ പൂച്ച പാല്‍ കുടിക്കുന്നത്‌ പോലെ കണ്ണടച്ച് കണ്ടിട്ട് ഞാനൊന്നും അരിഞ്ഞ്ഞ്ഞില്ല എന്നമാട്ടിളിരിക്കാന്‍ സര്‍ദാര്‍ജിക്ക് എത്ര നാളുകള്‍ കൂടി സാധിക്കും എന്നത് കണ്ടറിയണം.

തീഹാര്‍ ജയിലില്‍ ഒരു തമിഴ്നാട് ബ്ലോക്ക്‌ എത്രയും വേഗം സജ്ജമാക്കാന്‍ ബന്ധപ്പെട്ട അധികാരികളോട് ഈ അവസരത്തില്‍ അപേക്ഷിക്കുന്നു. അല്ലെങ്കില്‍ യു.പി.എ. സര്‍ക്കാരിന്റെ ആസ്ഥാനം തീഹാര്‍ ജയിലിലേക്ക്‌ മാറ്റേണ്ടിയിരിക്കുന്നു.

വീണിതല്ലോ കിടക്കുന്നു ധരണിയില്‍ (ധോണിയും കൂട്ടരും!)

2011-09-17T06:38:00.000+04:00

ഇന്ത്യന്‍ ക്രിക്കറ്റ്‌ ടീമിന്റെ ഇംഗ്ലീഷ്‌ പര്യടനം ഒരു അന്തര്‍ദേശീയ വിജയം പോലുമില്ലാതെ അവസാനിച്ചിരിക്കുന്നു. ഈ അടുത്ത കാലത്തൊന്നും ഇത്ര കനത്ത ഒരു പരാജയ പരമ്പര ഇന്ത്യന്‍ ടീം അഭിമുഖീകരിച്ച്ചിട്ടുണ്ടോ എന്ന് സംശയമാണ്. പേസിനെ അകമഴിഞ്ഞ്ഞ്ഞു തുണക്കുന്ന സായിപ്പിന്റെ നാട്ടിലെ പിച്ചുകളില്‍ കേവലം സ്പിന്നിനെ "അതി വിദഗ്ദമായി" നേരിടാനറയുന്ന ‌"ലോകോത്തര"(?!) നിറയും കൊണ്ട്ട് ധോണി ഇരുട്ടില്‍ തപ്പുകയായിരുന്നു. ഐ.പി.എല്ലും മറ്റും മൂലമുണ്ടായ പരിക്കിനെ വെളിവാക്കാതെ മറച്ചു വച്ച് ലങ്ടനിലേക്ക് വിമാനം കയറിയ താരങ്ങള്‍ മാപ്പര്‍ഹിക്കുന്നുന്റൊയെന്നു ബി.സി.സി.ഐ. വിലയിരുത്തണം. ആദ്യ ടെസ്റ്റ്‌ മല്‍സരങ്ങളില്‍ പരിക്ക് മൂലം മാറി നിന്നിരുന്ന സെവാഗ് അവസാന ടെസ്റ്റുകളില്‍ കളിച്ചെങ്കിലും ഫോമിന്റെ നാല് പോയിട്ട്‌ ഏഴയലത്ത് പോലും എത്തിയില്ല. (പുള്ളിക്ക് കേള്വിക്കുറവ് എന്നാണ്‌ അറിയാന്‍ കഴിഞ്ഞത്! യഥാര്‍ത്തത്തില്‍ കാഴ്ച്ചക്കുരവാനെന്നു ആരും സംശയിക്കും അയാളുടെ ബാറ്റിംഗ് കണ്ടാല്‍). ഹര്‍ഭജന്‍ എന്നാ പല്ലുകൊഴിഞ്ഞ സിംഹവും അദേഹത്തിന് പകരം കൊണ്ടു വന്നവരും എല്ലാം കണക്ക് തന്നെ. മറ്റ് ക്രിക്കറ്റ്‌ കളിക്കുന്ന രാജ്യങ്ങള്‍ വ്യക്തമായ പ്ലാനിംഗ് നടത്തി ഒരു പരമ്പര നടത്തുമ്പോള്‍ ഇന്ത്യന്‍ ബോര്‍ഡ്‌ തങ്ങളുടെ ഇഷ്ടക്കാരെ കുത്തി നിറച്ച് ടീം ഉണ്ടാക്കി സാമ്പത്തിക വിജയത്തിനായി പരമാവധി മല്‍സരങ്ങള്‍ സംഘടിപ്പിക്കുന്നു. ആവശ്യമായ വിശ്രമമോ മത്സരങ്ങല്‍ക്കിടയിലെ ഇടവേലയോ നല്‍കാതെ കളിക്കാരെ പരമാവധി ചൂഷണം ചെയ്യുന്നു.

ഈ വ്യവസ്ഥിതി മാറ്റിഎടുക്കുവാന്‍ ആരും തയ്യാറാവുന്നില്ല. എല്ലാവര്ക്കും പണമാണ് പ്രശ്നം. ബോര്‍ഡിനും വേണം പണം, താരങ്ങള്‍ക്കും വേണം പണം!

(വാര്‍ത്ത - ശ്രീശാന്തും ഷാജി കൈലാസും ആറന്മുളയില്‍ വള്ളസദ്യ വഴിപാട് നടത്തി. ശ്രീശാന്തിന് അടുത്ത പരമ്പരയും ഷാജിക്ക്‌ "കിംഗ് & കംമ്മീഷനാര്‍ സിനിമയുടെ റിലീസും ആസന്നമായിരിക്കുന്നു.)

വീണ്ടുമൊരു വെക്കേഷന്‍

2011-08-27T13:11:00.000+04:00

വീണ്ടും വെക്കേഷന്‍, നാട്ടിലേക്ക്. ഒരു പ്രവാസിയെ സംബന്ധിച്ചിടത്തോലം ഒരു ആവേശമാണ്‌ ഓരൊ വെക്കേഷനും. പിരിഞ്ഞിരിക്കുന്ന മാതാ-പിതാക്കളെ, ഭാര്യാ-ഭര്‍ത്താക്കന്മാരെ, മക്കളെ, ബന്ധുക്കളെ എല്ലാം വീണ്ടും നേരില്‍ കാണാനും പിറന്ന നാടിന്റെ ഗന്ധം ശ്വസിക്കാനും ഉള്ള ആവേശം.

ഷോപ്പിംഗ് മാളുകളില്‍ നിന്നും അനവധി കാരി ബാഗുകളുമായി പുറത്തേക്ക് നടക്കുന്ന ഒരു ശരാശരി പ്രവാസിയെ കണ്ടാല്‍ മനസ്സിലാവും നാട്ടിലുള്ള പ്രിയപ്പെട്ടവര്‍ക്കുള്ള സ്നേഹസമ്മാനങ്ങളാണവയെന്ന്. എയര്‍പോട്ടിലെ ബോര്‍ഡിംഗ് പാസ്-എമിഗ്രേഷന്‍-സെക്യൂരിറ്റി ചെക്കിംഗ് തുടങ്ങിയവയുടെ ക്യൂവില്‍ നില്‍ക്കുന്നവരുടെ മുഖത്തുള്ള അക്ഷമ അത് വിളിച്ചു പറയുന്നു. ഡ്യൂട്ടി ഫ്രീയിലെ സ്വീറ്റ്സും മദ്യവും സിഗരറ്റും എത്ര വിലകൂടിയതായാലും പ്രവാസിക്ക് അതൊരു പ്രശ്നമല്ല. ഫ്ലൈറ്റ് ഉയരുന്നതിനു തൊട്ടുമുന്പ് വരെ പ്രിയപ്പെട്ടവരോട് മൊബൈലില്‍ സംസാരിക്കുന്ന ശീലം പ്രവാസിക്ക് എന്നുമുണ്ടാവും. ഫ്ലൈറ്റ് ലാന്റു ചെയ്ത് കഴിയുമ്പോഴേക്കും മിക്കവാറും സീറ്റുകളില്‍ നിന്നും മൊബൈലിന്റെ വെല്‍ക്കം ടോണ്‍ ഉയര്‍ന്ന് കേള്‍ക്കാം. (സുരക്ഷാപരമായി ഇത് അങ്ങേയറ്റത്ത് അപരാധമാണെന്നു കൂടി പറയട്ടെ.)

ഫ്ലൈറ്റിന്റെ മൂവ് മെന്റു നിന്നയുടന്‍ എല്ലാവരും സീറ്റുകളില്‍ നിന്നും ചാടിയെഴുന്നേല്‍ക്കുന്നു. ഇരിക്കുന്ന യാത്രക്കാരുടെ ചുമലുകളിലും തലയിലും സ്പര്‍ശിച്ച് തങ്ങളുടെ ലഗേജുകള്‍ അവര്‍ താഴേക്ക് വലിച്ചിറക്കുന്നു. ഫ്ലൈറ്റിന്റെ വാതില്‍ തുറന്നാല്‍ ഒരോട്ടമാണ്. എമിഗ്രേഷന്‍ കൌണ്ടറിനുള്ളിലെ ഏമാന്മാരുടെ തുറിച്ചുനോട്ടവും പിന്നിട്ട് ബാഗേജ് ക്ലൈമിംഗ് ഏരിയയില്‍ വീണ്ടും കാത്തിരിപ്പ്. കണ്‍വെയര്‍ ബെല്‍റ്റിലൂടെ വരുന്ന ബാഗുകളില്‍ നിന്നും തങ്ങളുടെത് വലിച്ചെടുത്ത് ട്രോളിയില്‍ വച്ച് പുറത്തേക്ക് വരുമ്പോള്‍ പലപ്പോഴും എംബാര്‍ക്കേഷന്‍ കാര്‍ഡിന്റെ ടൊക്കന്‍ നല്‍കാന്‍ മറന്നുപോവുന്നു. പുറത്ത് ആകാംക്ഷയോടെ കാത്തു നില്‍ക്കുന്ന ഒരായിരം കണ്ണുകള്‍. വേണ്ടപ്പെട്ടവരുടെ മുഖങ്ങള്ക്കിടയില്‍ നിന്ന് തങ്ങള്‍ തേറ്റിയവ കാണുമ്പോള്‍!...ഹൊ..ആലോചിച്ചിട്ടു തന്നെ ഒരു ഇത്...

അങ്ങിനെ ഇനി 2 ദിവസം ബാക്കി.. 29നു ഞാനും നാട്ടിലേക്ക്...

**********************എല്ലാവര്‍ക്കും ഈദ്-ഓണം ആശംസകള്‍!!!**********************

ഇംഗ്ലീഷുകാര്‍ വീണ്ടും ഇന്ത്യ കീഴടക്കി!.

2011-08-14T12:30:00.000+04:00

(പേടിക്കേണ്ട ക്രിക്കറ്റിലാ...)

ഇംഗ്ലീഷുകാരില്‍ നിന്നും സ്വാതന്ത്ര്യം നേടിയതിന്റെ വാര്‍ഷികം ആഘോഷിക്കുന്ന വേളയില്‍ ക്രിക്കറ്റില്‍ ഇന്ത്യയുടെ ഒന്നാം റാങ്ക് അവര്‍ക്ക് "ടീം ഇന്ത്യ" അടിയറ വച്ചിരിക്കുന്നു. ലോകോത്തര "പുലി"കളായ ഇന്ത്യന്‍ ബാറ്റ്സ്മാന്‍മാര്‍ ഒന്നടങ്കം ഉത്തരവാദിത്തമില്ലാതെ കളിച്ച് ഒന്നു പൊരുതാന്‍ പോലുമാവാതെ കീഴടങ്ങി. (ദ്രാവിഡിന്റെ ചെറുത്തുനില്പ് മറക്കുന്നില്ല).

പേസ് ബൌളിങ്ങിനെയും സ്വിങ്ങിനെയും നന്നായി തുണക്കുന്ന വിക്കറ്റുകളില്‍ എങ്ങിനെ ബാറ്റ് ചെയ്യണമെന്ന് ഇനിയും പഠിക്കേണ്ടിയിരുക്കുന്നു നമ്മുടെ ടീം. (അവര്‍ മുട്ടിനും അരക്കും ഇടയില്‍ പന്തിനെ കുത്തിയുയര്‍ത്തുന്ന ഇന്ത്യന്‍ വിക്കറ്റുകളില്‍ സംഹാര രൂപികളായി താണ്ഡവമാടും!).

പരിക്കേറ്റ കളിക്കാരും അവരുടെ സ്ഥാനത്ത് റീപ്ലേസ്മെന്റില്‍ വരുന്ന കളിക്കാരും (നമ്മുടെ ഗോപുമോന്‍ തന്നെ!) എല്ലാം ചേര്‍ന്ന് ആകെ കുട്ടിച്ചോറാക്കി. മൂലകാരണം ഈ പരാജയത്തിനു നാം തേടുകയാണെങ്കില്‍ അത് ഐ.പി.എല്ലില്‍ ചെന്നു നില്‍ക്കും. ആവശ്യത്തിലധികം പണവും മദ്യ-മദിരാക്ഷി ലഭ്യതയുമെല്ലാം ചേര്‍ന്ന് ഐ.പി.എല്ലിനെ ആകര്‍ഷകമാക്കിയപ്പോള്‍ ആ തീയിലേക്ക് വന്നു വീഴുന്ന ഈയലുകളായി താരങ്ങള്‍. തുടര്‍ച്ചയായ മല്‍സരങ്ങളില്‍ ക്ഷീണിതരാകുന്ന താരങ്ങള്‍ക്ക് മതിയായ വിശ്രമ സമയം അടുത്ത അന്താരാഷ്ട്ര ഷോഡ്യൂളിനു മുന്നേ ലഭിക്കുന്നില്ല. പരിക്കുണ്ടെങ്കിലും അത് മറച്ച് വച്ച് അടുത്ത മല്‍സരത്തിനിറങ്ങുന്നവരും ഉണ്ട്. (സഹീര്‍-സെവാഗ് ഉദാഹരണം).

ഐ.പി.എല്‍ ടെസ്റ്റ് - ഏകദിനങ്ങളെ കൊല്ലുമെന്ന് ആരൊക്കെയോ വിലപിച്ചത് നാം ഓര്‍ക്കുന്നുണ്ടാവും. ഐ.പി.എല്ലിന്റെ നീരാളികൈകളില്‍ നിന്ന് "ക്രിക്കറ്റിലെ ദൈവങ്ങള്‍" എന്ന് നാം വിളിക്കുന്ന താരങ്ങള്‍ പോലും മുക്തരല്ല. ബൌണ്‍സ് ചെയുന്ന പന്ത് കളിക്കാനറിയാത്തവരാണ്‌ ഇന്ത്യന്‍ കളിക്കാരെന്ന് ഒരിക്കല്‍ കൂടി പര്യടനം തെളിയിച്ചു. റെയ്ന, യുവരാജ് തുടങ്ങിയവര്‍ ഉദാഹരണം. ബൌളിങ്ങിലെ കാര്യം കട്ടപ്പൊക. സഹീര്‍ പോയപ്പോള്‍ ഭാരം ചുമലിലേറ്റിയ പ്രവീണും, ഇഷാന്തും തീരെ മങ്ങിപ്പോയി. ഗോപുമോന്റെ കാര്യം പറയുകയും വേണ്ട. ഹര്‍ഭജന്‍ ഒരു പല്ലുകൊഴിഞ്ഞ സിംഹമായിക്കഴിഞ്ഞു. പകരം വന്നയാളും തഥൈവ! പാര്‍ട്ട്-ടൈമര്‍മാര്‍ ഒന്നിനും കൊള്ളത്തുമില്ല.

മറിച്ച് ഇംഗ്ളീഷ് നിരയില്‍ എല്ലാം ചിട്ടയായിട്ടായിരുന്നു നീങ്ങിയിരുന്നത്. സ്ടോസും കുക്കും ഒരാള്‍ പരാജയപ്പെട്ടാല്‍ മറ്റൊരാള്‍ തിളങ്ങും. പിന്നെ പീറ്റേഴ്സണ്‍, ദ്രാവിഡ് സ്റ്റൈലില്‍ കളിക്കുന്ന് ബെല്‍, ട്രോറ്റ്, മോര്‍ഗന്‍, നല്ലൊരു വിക്കറ്റ് കീപ്പറും ബാറ്റ്സ്മാനുമായ പ്രയര്‍, ബൌളിങ്ങിലും ബാറ്റിങ്ങിലും ഒരുപോലെ തിളങ്ങുന്ന (ഇവരല്ലേ ഓള്‍ റൌണ്ടര്‍!) ബ്രെസ്നാന്‍, ബ്രോഡ്, പിന്നെ നല്ല ലൈനിലും ലെങ്ത്തിലും പന്തെറിയുന്ന ആന്‍ഡേഴ്സണ്‍ ഇവരെല്ലാം നല്ല നിലവാരമുള്ള കളിയാണു കാഴ്ചവച്ചത്. ഗ്രെയം സ്വാന്‍ എന്ന അവരുടെ സ്പിന്നറ്, സ്പിന്നിനെതിരെ രാജാക്കന്മാരാണെന്ന് അവകാശപ്പെടുന്ന ഇന്ത്യന്‍ നിരയെ ശരിക്കും വെള്ളം കുടിപ്പിക്കുക തന്നെ ചെയ്തു.

പരിക്കു പറ്റി ഒരാള്‍ പുറത്തുപോയാല്‍ ആ വിടവ് നികത്തുന്ന "ബാക്ക് - അപ്പ്" ഇംഗ്ളണ്ട് കരുതിവച്ചിട്ടൂണ്ട്. അതിനുദാഹരണമാണ്‌ ട്രെംലറ്റ് പുറത്തു പോയപ്പോള്‍ വന്ന ബ്രെസ്നാന്‍ ട്രോറ്റ് പുറത്തുപോയപ്പോള്‍ വന്ന മോര്‍ഗന്‍ തുടങ്ങിയവര്‍. സ്റ്റീവന്‍ ഫിന്‍ എന്ന മഗ്രാത്തിനെ അനുസ്മരിപ്പിക്കുന്ന ഒരു ബൌളര്‍ പിന്‍നിരയില്‍ ഉണ്ട്. ഇന്ത്യയാണെങ്കിലോ സെവാഗ് പോയപ്പോള്‍ വന്നയാള്‍ ഠിം!. ഗംഭീര്‍ പോയപ്പോള്‍ വരാനാളില്ല! ദ്രാവിഡിനു ഓപ്പണിംഗ് ചുമതല. ധോണി ഇടക്ക് ഗ്ളൌസും പാഡും ദ്രാവിഡിന്‍ നല്‍കി ബൌളറുമാവുന്നു. സഹീറിനു പകരം വന്ന ഗോപുമോന്‍ ഒരു 3 വിക്കറ്റ് വീഴ്ത്തിയപ്പോ എന്തായിരുന്നു പുകില്‍. കൈകളിലെ ചരടുകളില്‍ കുടിയിരുത്തിയ മൂര്‍ത്തികളൊന്നും തന്നെ അവരെ തുണക്കുന്നില്ല.

മറിച്ച് ഇംഗ്ളീഷ് ബൌളര്‍മാരെ നോക്കുക. ഓരോ പോയിന്റും കണ്ടറിഞ്ഞ് അവര്‍ എറിയുന്നു. വിക്കറ്റ് വീഴ്ത്തുകയും ചെയ്യുന്നു. അവര്‍ സ്വന്തം നാടിന്റെ അനുകൂല സാഹചര്യം മുതലെടുക്കുകയാണെന്ന് വേണമെങ്കില്‍ ചിലര്‍ക്ക് വാദിക്കാം. ഒരു യാഥാര്‍ത്ഥ കളിക്കാരന്‍ ഏതൊരു സാഹചര്യത്തിലും തിളങ്ങുന്നവനാകണം! അതിവിടെ പ്രസക്തമാണ്.

പുള്‍ഷോട്ട്: സച്ചിന്‍ ചിലപ്പോള്‍ നൂറാമത് ശതകം അടുത്ത ടെസ്റ്റില്‍ അടിക്കും, അല്ലെങ്കില്‍ നാട്ടിലെത്തിയാലുള്ള പരമ്പരയില്‍ തീര്‍ച്ച! (അതങ്ങിനെയാ..!!!)

എണ്ണപ്പാട വികസനത്തിലെ അംബാനി തട്ടിപ്പുകള്‍.

2011-06-14T09:52:00.001+04:00

സ്വകാര്യ പെട്രോളിയം കമ്പനികളെ യു.പി.എ. സര്‍ക്കാര്‍ "വഴിവിട്ട്" സഹായിച്ചതായി കംട്രോളര്‍ & ഓഡിറ്റര്‍ ജനറല്‍ (സി.എ.ജി) റിപ്പോര്‍ട്ട് ചെയ്തിരിക്കുന്നു. മുകേഷ് അംബാനിയുടെ റിലയന്‍സ് അടക്കമുള്ള സ്വകാര്യ എണ്ണ കമ്പനികളെ ഇന്ത്യാ ഗവണ്‍മെന്റ് പൊതു ഖജനാവിന്‌ നഷ്ടമുണ്ടാക്കിക്കൊണ്ട് സഹായിച്ചതായാണ്‌ പുറത്ത് വന്ന വാര്‍ത്തകള്‍ നല്‍കുന്ന സൂചന.

കൃഷ്ണാ-ഗോദാവരി തടത്തിലെ എണ്ണ നിക്ഷേപം പുറത്തെടുക്കാന്‍ നിയമിക്കപ്പെട്ടത് മുകേഷിന്റെ റിലയന്‍സ് ആണ്. പൊതുമുതല്‍ കൊള്ള ചെയ്ത് സ്വകാര്യ കുത്തക മുതലാളിമാര്‍ ലാഭമെടുക്കുന്നതിന്റെ പത്ര വാര്‍ത്തകള്‍ ഇവിടെ (മാതൃഭൂമി) വായിക്കാം. മനോരമ വാര്‍ത്ത ഇവിടെയും മാധ്യമത്തിന്റെ റിപ്പോര്‍ട്ട് ഇവിടെയും ക്ലിക്കിയാല്‍ വായിക്കാം.

അധികാര ദുര്‍വിനിയോഗത്തിന്റെ കാര്യത്തില്‍ ഇതുവരെ കേട്ടുവന്ന ആരോപണങ്ങളെയൊക്കെ വെല്ലുവിളിക്കുന്ന തരത്തിലുള്ള പുതിയ തരം ആരോപണങ്ങള്‍ ആഴ്ചകണക്കിനു പുറത്തു വന്നുകൊണ്ടിരിക്കുന്നു. ബലഹീനനായ പ്രധാനമന്ത്രി ഇതെല്ലാം കേട്ടിട്ടും യാതൊരു കുലുക്കവുമില്ലാതെ നിലകൊള്ളുന്നു. അഴിമതി തടയാന്‍ തന്റെ കൈയില്‍ മാന്ത്രിക വടിയൊന്നുമില്ലെന്നാണ്‌ ടിയാന്റെ വാദം. അഥവാ പ്രധാനമന്ത്രിയെ അദ്ദേഹത്തിന്റെ നിഷ്ക്രിയതയുടെ പേരില്‍ ആരെങ്കിലും വിമര്‍ശിച്ചാല്‍ അവര്‍ എന്തോ അതിഭയങ്കരമായ അപരാധം ചെയ്യുന്ന മട്ടിലാണ്‌ കോണ്‍ഗ്രസ്സിലെ ചില നേതാക്കളും വക്താക്കളൂം പ്രതികരിക്കുന്നത്.

എണ്ണക്കമ്പനികള്‍ക്ക് വില സ്വന്തം നിലക്ക് നിശ്ചയിക്കാനുള്ള അധികാരം നല്‍കിയത് തന്നെ ഇപ്പോള്‍ വെളുക്കാന്‍ തേച്ചത് പാണ്ടായ പോലെയാണ്. 3-4 വര്‍ഷം മുന്‍പ് നാട്ടില്‍ പോയപ്പോള്‍ റിലയന്‍സിന്റെ പമ്പുകള്‍ പൂട്ടിയിട്ടിരിക്കുകയായിരുന്നു. ഭാരത സര്‍ക്കാരിന്റെ വിലക്കനുസരിച്ച് നാട്ടുകാര്‍ക്ക് എണ്ണ നല്‍കിയാല്‍ തങ്ങള്‍ക്ക് നഷ്ടമാവും എന്ന ന്യായത്തിലായിരുന്നു അത്. അന്ന് പെട്രോള്‍ ഏകദേശം 50-51 രൂപയിലായിരുന്നു കേരളത്തില്‍. പൂട്ടിയിട്ട റിലയന്‍സ് പമ്പില്‍ കാണപ്പെട്ട അവസാന വില നിലവാരം 56-57 രൂപയിലായിരുന്നു. ഇതിനിടയിലൊക്കെ കാലാകാലങ്ങളായി പൊതു-സ്വകാര്യ മേഖലാഭേദമന്യേ എല്ലാ കമ്പനികളും വില നിയന്ത്രണത്തിലുള്ള കുത്തകക്ക് വേണ്ടി നടത്തുന്ന മുറവിളികള്‍ മുഴങ്ങുന്നുണ്ടായിരുന്നു. ബി.ജെ.പി മുന്നണി ഭരിച്ചിരുന്നപ്പോഴും സര്‍ക്കാര്‍ എണ്ണ വില നിയന്ത്രണം എടുത്ത് കളയും എന്ന് ഉരുവിട്ടിരുന്നുവെങ്കിലും പൊതുജനത്തെ ഭയന്നാകാം അതിനു മുതിര്‍ന്നില്ല. പിന്നീട് വന്ന ഒന്നാം യു.പി.എ. സര്‍ക്കാരിന്‌ നിര്‍ണ്ണായ പിന്തുണ കൊടുത്തിരുന്നത് ഇടതുപക്ഷമായിരുന്നത് കൊണ്ട് ഇക്കാര്യത്തില്‍ "റിസ്ക്" എടുക്കുവാന്‍ അവര്‍ തയ്യാറായില്ല. ഇടതന്മാര്‍ പാലം വലിക്കുമോ എന്ന പേടി ഊണിലും ഉറക്കത്തിലും സര്‍ക്കാരിനെ അലട്ടിയിരുന്നു. 2009ലെ പൊതു തെരഞ്ഞെടുപ്പില്‍ ഇടതന്മാരുമായി പിണങ്ങി മറ്റു പല പ്രാദേശിക പാര്‍ട്ടികളുമായി ചേര്‍ന്ന് അധികാരത്തില്‍ തുടരാന്‍ കഴിഞ്ഞത് എന്തു ജനദ്രോഹവും ചെയ്യുവാനുള്ള ഒരു ലൈസന്‍സ് അവര്‍ക്ക് കിട്ടിയതു പോലെയായി. ഇതിനിടയില്‍ വീണ്ടും എണ്ണ വില നിയന്ത്രണ വിഷയം കമ്പനികള്‍ ഉന്നയിച്ചു കൊണ്ടിരുന്നു. വില നിയന്ത്രണം എടുത്ത് കളയുമെന്ന ഊഹാപോഹങ്ങള്‍ക്കിടയില്‍ മുകേഷ് അംബാനി നേരിട്ട് പ്രധാനമന്ത്രിയെ കണ്ടു. എണ്ണവില പ്രശ്നം ഉന്നയിക്കുകയും ചെയ്തു. ഒരു രണ്ടാഴ്ച കഴിഞ്ഞപ്പോഴേക്കും സര്‍ക്കാര്‍ പ്രഖ്യാപനം വന്നു. പെട്രോള്‍ വില നിയന്ത്രണം സര്‍ക്കാരില്‍ നിന്നുമെടുത്ത് കളഞ്ഞു. ഡീസല്‍ മണ്ണെണ്ണ ഗ്യാസ് വിലകള്‍ സര്‍ക്കാര്‍ തന്നെ കൈകാര്യം ചെയ്യും-അതും തല്‍ക്കാലത്തേക്ക്. പൊതുജനമെന്ന കഴുതകളുടെ മേല്‍ അതൊരു ടെസ്റ്റ് ഡോസായിരുന്നു. ഏറെ കഴിയാതെ പെട്രോള്‍ വില കമ്പനികള്‍ തോന്നിയപോലെ കൂട്ടാന്‍ തുടങ്ങി. വിലനിയന്ത്രണം എടുത്തു കളഞ്ഞ ശേഷം പ്രധാനമന്ത്രി പ്രതികരിച്ചത് "കുറെകഴിയുമ്പോള്‍ ജനങ്ങള്‍ക്ക് ഇതൊരു ശീലമായിക്കോളും" എന്നാണ്. ശരിയാണ്‌ ഇടക്കിടെ നല്ല അടി കിട്ടിയാല്‍ ആദ്യമൊക്കെ വേദന തോന്നുമെങ്കിലും പിന്നീട് അതിനെയും സഹിക്കാന്‍ പഠിക്കും പൊതുജനം എന്നായിരിക്കാം അദ്ദേഹം ഉദ്ദേശിച്ചത്.

ഇത്രയും പറഞ്ഞത് രാജ്യത്തെ വ്യവസായ-ബിസിനസ് ലോബി സര്‍ക്കാരിനുമേല്‍ എത്രകണ്ട് സ്വാധീനവും സമ്മര്‍ദ്ദവും ചൊലുത്തുന്നുണ്ട് എന്ന് വ്യക്തമാക്കാനാണ്. 75 ശതമാനം ആളുകളും 20 രൂപ പ്രതിദിന വരുമാനം മാത്രം നേടുന്ന ഒരു ജനാധിപത്യ മതേതര രാജ്യമാണ്‌ നമ്മുടെ ഇന്ത്യ! ഭരണഘടനാനുസൃതമായി പക്ഷഭേദമില്ലാതെ പ്രവര്‍ത്തിക്കും എന്ന് സത്യം ചെയ്ത് അധികാരത്തിലേറുന്ന ഭരണവര്‍ഗ്ഗം എത്രകണ്ട് സ്വജന പക്ഷപാതം കാണിക്കാമെന്നുള്ളതിന്റെ ഉദാഹരണമാണ്‌ ഇപ്പോള്‍ സി.എ.ജി പുറത്ത് വിട്ടിരിക്കുന്ന റിപ്പോര്‍ട്ട്. മുന്‍ യു.പി.എ. സര്‍ക്കരില്‍ ആദ്യകാലത്ത് പെട്രോളിയം വകുപ്പ് കൈകാര്യം ചെയ്തിരുന്ന മണിശങ്കരയ്യരെ അദ്ദേഹം ഇറാനില്‍ നിന്നും പാക്കിസ്ഥാന്‍ വഴി ഇന്ത്യയിലേക്ക് പൈപ്പ് ലൈനിലൂടെ പ്രകൃതി വാതകം കൊണ്ടു വരാനുള്ള ആശയത്തെയും പദ്ധതിയേയും പിന്തുണച്ചതിന്റെ പേരില്‍ രാവുക്കു രാമാനം നഗരവികസന വകുപ്പിലേക്ക് സ്ഥലം മാറ്റി ഒതുക്കി ഇപ്പോഴത്തെ മന്ത്രി മുരളി ദേവ്റയെ പ്രതിഷ്ഠിച്ചത് ഇതിനോട് കൂട്ടിവായിക്കേണ്ടതാണ്. ഇപ്പോള്‍ പുറത്തു വന്നിരിക്കുന്ന റിപ്പോര്‍ട്ട് ശരിയാണെങ്കില്‍ കളിച്ചത് മന്ത്രിയും റിലയന്‍സ് അടക്കമുള്ള എണ്ണ ലോബികളും തന്നെ. സര്‍ക്കാരിന്റെ തലവനായ പ്രധാനമന്ത്രി ഇതൊന്നുമറിഞ്ഞില്ലന്ന് ഇനി പറയാന്‍ കഴിയുമോ?

ഈ ചൂഷക വര്‍ഗ്ഗങ്ങള്‍ക്ക് നികുതി നല്‍കുകയും ചുമന്നു നടുവൊടിയുകയും ചെയ്യുന്ന നമ്മള്‍ എന്ന പൊതു ജനത്തിന്റെ കണ്ണില്‍ പൊടിയിടുന്ന പ്രസ്ഥാവനകള്‍ക്കായി കാത്തിരിക്കാം.

മുടിയും വിശ്വാസികളും.

2011-06-09T10:52:00.000+04:00

അന്ത്യപ്രവാചകന്‍ മുഹമ്മദ് (സ) നബിയുടെ മുടിയാണെന്ന് പറഞ്ഞ് കാന്തപുരം അബൂബക്കര്‍ മുസലിയാര്‍ കാത്തു സൂക്ഷിച്ചിരിക്കുന്ന സംഗതിയുടെ പേരില്‍ സുന്നികള്‍ തമ്മില്‍ അടി മൂത്തിരിക്കുകയാണ്. അതില്‍ കക്ഷി ചേരാനായി സമുദായത്തിലെ പ്രബലരും അല്ലാത്തവരും മുന്നോട്ട് വന്നുകൊണ്ടിരിക്കുന്നു.

ഒരു മുടിയുടെ പേരില്‍ മുസ്ലീം സമുദായത്തില്‍ ഭിന്നിപ്പുണ്ടാക്കാന്‍ ഇവരൊക്കെ വിചാരിച്ചിട്ട് ഒരു പരിധി വരെ നടന്നു. ഈ മുടിയുടെ ആധികാരികത വ്യക്തമാക്കുവാന്‍ കാന്തപുരം മതിയായ രേഖകള്‍ ഹാജരാക്കിയിട്ടില്ല. എന്നാല്‍ മുടി വ്യാജമാണെന്ന് വ്യക്തമാക്കുന്ന ചില രേഖകളുമായി എതിര്‍ വിഭാഗം രംഗം കൊഴുപ്പിക്കുന്നു. ഇതില്‍ പാണക്കാട് ഹൈദരലി തങ്ങള്‍ തന്നെയും എതിരഭിപ്രായം കാന്തപുരത്തിനെതിരെ പ്രകടിപ്പിക്കുകയുണ്ടായി.

ഈ സാഹചര്യത്തില്‍ പ്രസ്തുത മുടിയുടെ ആധികാരികത(?!) ഉറവിടം എന്നിവയെ സംബന്ധിച്ച കാര്യങ്ങള്‍ ശാസ്ത്രീയമായി തെളിയിക്കപ്പെടേണ്ടതുണ്ട്. പ്രവാചക തിരുമേനി (സ) ജീവിച്ചിരുന്നത് നൂറ്റാണ്ടുകള്‍ക്ക് മുന്‍പായതുകൊണ്ട് അവിടുത്തെ തിരുശേഷിപ്പെന്ന് പറഞ്ഞ് കൊണ്ടുവന്ന് ഹാജരാക്കിയ സാധനം അതെന്തുതന്നെയായാലും ശാസ്ത്രീയ പരിശോധനക്ക് വിധേയമാക്കി സത്യാവസ്ഥ വിശ്വാസികളെ ബോധ്യപ്പെടുത്തേണ്ടതാണ്. അല്ലാത്ത പക്ഷം അത് പാവം വിശ്വാസികള്‍ തമ്മിലുള്ള ഏറ്റുമുട്ടലുകളിലേക്ക് നയിക്കുകയും കേരളത്തിലെ ഒരു ക്രമസമാധാന പ്രശ്നമായി മാറുകയും ചെയ്യുന്ന അവസ്ഥ അതി വിദൂരമല്ല. ഇത്തരത്തില്‍ ഒരു സംഭവം എറണാകുളം ജില്ലയില്‍ ഒരു മന്ത്രി സന്നിധനായിരുന്ന യോഗത്തില്‍ പോലുമുണ്ടായി. വിശ്വാസികളുടെ തമ്മിലടികണ്ട് പുരോഹിത വര്‍ഗ്ഗം ഊറിച്ചിരിച്ചുകൊണ്ട് പിന്നണിയിലിരിക്കുകയുള്ളൂ. മുടിയുടെ വാണിജ്യപരമായ സാധ്യതകള്‍ തിരിച്ചറിഞ്ഞ പണ്ഡിത ശൈഖുനമാര്‍ക്ക് അല്ലാതെന്തുചെയ്യാന്‍ കഴിയും. അവര്‍ക്ക് വേണ്ടത് മതത്തിന്റെ പേരില്‍ ഭിന്നതയുണ്ടാക്കുക അതുവഴി തങ്ങളുടെ ബിസിനസ് താല്‍പര്യങ്ങള്‍ സംരക്ഷിക്കുക. അല്ലെങ്കില്‍ കേരളത്തില്‍ എത്ര സഹോദരിമാര്‍ കല്യാണപ്രായം കഴിഞ്ഞ് പലവിധ കാരണങ്ങളാല്‍ വീടുകളില്‍ നില്‍ക്കുന്നു, എത്ര കുടുംബങ്ങള്‍ സ്വന്തമായി ഒരു തുണ്ട് ഭൂമിയോ വീടോ ഇല്ലാതെ കഷ്ടപ്പെടുന്നു, പലവിധ വ്യാധികള്‍ മൂലം എത്ര അബാല വൃദ്ധം ജനങ്ങള്‍ കഷ്ടപ്പെടുന്നു, തുടങ്ങി എത്രയോ പ്രശ്നങ്ങള്‍ മുസ്ലീങ്ങളും അല്ലാത്തവരുമായ ജനവിഭാഗങ്ങള്‍ അഭിമുഖീകരിക്കുന്നു. മനസ്സു വച്ചാല്‍ ഇതിനെല്ലാം ഒരു പരിധിവരെ പരിഹാരം ജാതിമത-ഗ്രൂപ്പ് ഭേദമന്യേ ഒന്നിച്ചു നിന്നു പ്രവര്‍ത്തിച്ചാല്‍ കണ്ടെത്താവുന്നതേയുള്ളൂ. അതിനു പകരം എവിടെന്നോ (അബുദാബിയില്‍!) കൊണ്ടു വന്ന ഒരു മുടി വച്ച് പൂജിക്കാന്‍ വേണ്ടി 40 കോടി ചെലവിട്ട് ഒരു പള്ളി നിര്‍മ്മിക്കാന്‍ പോകുന്നു. മുടിപൂജക്കാര്‍ ഒന്ന് മനസ്സിലാക്കുക തിരുനബി (സ) തങ്ങളെ നമ്മള്‍ നമ്മുടെ മനസ്സില്‍ വച്ചിട്ട് അതിയായി സ്നേഹിക്കുകയും അദ്ധേഹത്തിന്റെ ചര്യകള്‍ (സുന്നത്തുകള്‍) കഴിയാവുന്നത്ര പിന്‍പറ്റുകയുമാണ്‌ വേണ്ടത്. "അല്ലാഹുവല്ലാതെ ഒരു ആരാധ്യനില്ല, നിശ്ചയം മുഹമ്മദ് (സ) അല്ലാഹുവിന്റെ ദൂതരാണ്" എന്ന് നമ്മള്‍ ആരാധനയിലും അല്ലാതെയും മനസ്സിലുറപ്പിച്ച് ഊരുവിടുന്നതിന്‌ ഒരു വിലയുമില്ലാത്ത അവസ്ഥ വരരുത്.

മുസ്ലീം സമുദായത്തില്‍ എത്രയോ അനാരോഗ്യ പ്രവണതകള്‍ നിലനില്‍ക്കുന്നു. മദ്യം, മയക്കുമരുന്ന്, സ്ത്രീധനം, വ്യഭിചാരം, മായം ചേര്‍ക്കല്‍ നടത്തിയുള്ള കച്ചവടം തുടങ്ങി എത്രയെത്ര അനാശാസ്യങ്ങള്‍ ഈ പണ്ഡിത ശ്രേഷ്ഠര്‍ അറിഞ്ഞും അറിയാതെയും നില നില്‍ക്കുന്നു. ഇതിനെതിരെ ചെറുവിരലു പോലുമനക്കാത്ത മത നേതൃത്വം വിശ്വാസികളുടെ മതവിശ്വാസത്തെ ചൂഷണം ചെയ്ത് ബിസിനസ്സ് ചെയ്യാനായി ഇറങ്ങിത്തിരിച്ചിരിക്കുകയാണ്.

ഈ പിള്ള ഇതെന്തിന്റെ പുറപ്പാടാ?!

2011-06-04T12:46:00.000+04:00

തന്റെ മന്ത്രിസഭയിലും മറ്റും അഴിമതി നടത്തുന്നവരെയും മറ്റും വച്ചുപൊറുപ്പിക്കില്ലെന്ന് പ്രഖ്യാപിച്ച് ഭരണം നടത്തുന്ന ശ്രീ. ഉമ്മന്‍ ചാണ്ടിയെ ആരും സംശയിക്കില്ല. പക്ഷെ അദ്ദേഹത്തെ വെട്ടിലാക്കുന്ന ഒരു ആവശ്യം ആര്‍. ബാലകൃഷ്ണപിള്ളയെന്ന അദ്ദേഹത്തിന്റെ മുന്നണിയിലെ പ്രമുഖനും മുന്‍മന്ത്രിയുമായ ആളില്‍ നിന്നുമുണ്ടായിരിക്കുന്നു. പണ്ട് കരുണാകരനെ ഏതോക്കെ തരത്തില്‍ മന:സ്സമാധാനം കൊടുത്തില്ല ആ തരത്തിലെല്ലാം നമ്മുടെ കുഞ്ഞൂഞ്ഞിനും വരാനിരിക്കുന്ന ദിനങ്ങള്‍ ആവുമെന്നാണ്‌ കാര്യങ്ങളുടെ പോക്ക് കണ്ടിട്ട് തോന്നുന്നത്.

അഴിമതി കേസില്‍ ശിക്ഷിക്കപ്പെട്ട് ജയില്‍ ശിക്ഷ അനുഭവിക്കുന്ന ശ്രീ പിള്ള സര്‍ക്കാരിന്റെ മുമ്പാകെ തന്റെ ശിക്ഷ റദ്ദാക്കാന്‍ ഗവര്‍ണ്ണറോട് ശുപാര്‍ശ ചെയ്യണമെന്നാവശ്യമാണ്‌ ഉന്നയിച്ചിരിക്കുന്നത്. ബാലകൃഷ്ണപിള്ളക്ക് സുപ്രീം കോടതി ശിഷ വിധിച്ചതും അതിനെ തുടര്‍ന്നുണ്ടായ കോലാഹലങ്ങളും നമ്മള്‍ അത്ര പെട്ടെന്ന് മറക്കില്ല. അഴിമതിയില്‍ ശിക്ഷിക്കപെട്ട തങ്ങളുടെ നേതാവിന്‌ "ഗംഭീര സ്വീകരണം" നല്‍കിക്കൊണ്ടായിരുന്നു യു.ഡി.എഫും വിശിഷ്യാ കോണ്‍ഗ്രസ്സും പ്രതികരിച്ചത്. ആ യോഗത്തില്‍ മേലേക്കിടയിലുള്ള നേതാക്കന്‍മാര്‍ മുതല്‍ ഞാഞ്ഞൂലുകള്‍ വരെ വി.എസ്. അച്ചുതാനന്ദനാണ്‌ പിള്ളയെ ജയിലിലടച്ചത് എന്ന മട്ടില്‍ വളരെ പ്രകോപനപരമായി പ്രസ്ഥാവനകള്‍ നടത്തുകയുണ്ടായി. സിന്‍ഡിക്കേറ്റ് മാധ്യമങ്ങളില്‍ നല്ലൊരു പങ്കും ഇതിനെ മഹത്വവല്‍ക്കരിച്ചു. എന്നാല്‍ തെരഞ്ഞെടുപ്പില്‍ യു.ഡി.എഫിനുണ്ടായിരുന്ന(?!) അല്ലെങ്കില്‍ ഉണ്ടാവുമായിരുന്ന മേല്‍ക്കൈ ഇല്ലാതാക്കി ഇപ്പോഴത്തെ "ദയനീയ വിജയ"ത്തിലെത്തിച്ചത് യുഡിഎഫിന്റെയും അതിന്റെ നേതാക്കന്മാരുടെയും പക്കല്‍ നിന്നുമുണ്ടായ ഈ നീക്കമായിരുന്നു. അവസാനം റിവ്യൂ ഹര്‍ജിയും തള്ളിപ്പോയി ജയില്‍ ഉറപ്പായപ്പോള്‍ മാധ്യമങ്ങള്‍ ഈ വിഷയം ഒരു മൂലക്കൊതുക്കി. തെറ്റു ചെയ്തയാളെ ശിക്ഷിച്ച ഇന്ത്യന്‍ നീതി പീഠത്തിന്റെ മഹത്വത്തിനെ വാഴ്ത്താന്‍ ഒരാളുമുണ്ടായില്ല. ഇത് ഇന്ത്യന്‍ ജനാധിപത്യത്തിന്റെ ദയനീയ മുഖമാണ്‌ കാണിക്കുന്നത്. അല്ലെങ്കില്‍ കുഞ്ഞാലിക്കുട്ടിയെപോലുള്ളവര്‍ ഇത്രക്ക് മൃഗീയ ഭൂരിപക്ഷത്തിന്‌ ജയിക്കില്ലല്ലോ! ഉത്തരേന്ത്യയിലും മറ്റും പറഞ്ഞു കേട്ടിട്ടുള്ള കാര്യങ്ങള്‍ പലതും നമ്മുടെ ദൈവത്തിന്റെ സ്വന്തം നാട്ടിലും സംഭവിക്കുന്നതിന്റെ മുന്നോടിയായി നമുക്കിതിനെയൊക്കെ കാണാം.

ഇന്ത്യയുടെ ചരിത്രത്തില്‍ തന്നെ കേട്ടുകേള്‍വിയില്ലാത്ത ഒരാവശ്യത്തിന്‌ എന്തിനാണ്‌ പിള്ളയദ്ധേഹം സര്‍ക്കാരിനു മേലെ സമ്മര്‍ദ്ദം ചൊലുത്തുന്നത്? കോടതി ശിക്ഷിച്ചാല്‍ ജയിലില്‍ കിടക്കുമെന്ന് മുന്പ് വിണ്‍വാക്കു പറഞ്ഞ പിള്ളയെ ആ വാക്കുകള്‍ വീണ്ടും ഓര്‍മ്മിപ്പിച്ച് ആശ്വസിപ്പിക്കുകയാണ്‌ ഉമ്മന്‍ചാണ്ടിയെന്ന മുഖ്യമന്ത്രി ചെയ്യേണ്ടത്.

ഇപ്പോള്‍ തന്നെ ഒരു തടവുകാരന്‌ ഒരു വര്‍ഷത്തെ ശിക്ഷാ കാലാവധിക്കുള്ളില്‍ ലഭിക്കേണ്ട 45 ദിവസത്തെ പരോള്‍ പിള്ളക്ക് ലഭിച്ചു കഴിഞ്ഞു. അതും തുടര്‍ച്ചയായി ചുരുങ്ങിയ കാലം കൊണ്ട്. ഇത്തരുണ്ടത്തില്‍ നമ്മള്‍ ഒരു സാധാരണ തടവുകാരനായിരുന്നു ഇപ്രകാരം പരോള്‍ അപേക്ഷ നല്‍കിയിരുന്നുവെങ്കില്‍ എന്തു നടപടിയാണ്‌ ബന്ധപ്പെട്ടവരില്‍ നിന്നുമുണ്ടാവുമായിരുന്നത് എന്ന് ചിന്തിക്കണം. ശ്രീ. പിള്ള യു.ഡി.എഫി.ന്റെ ഒരു നേതാവും, ഒരു മന്ത്രിയുടെ പിതാവുമൊക്കെയാണ്. ഒരു സാധാരണ തടവുകാരന്റെ അവകാശങ്ങള്‍ ഏതൊക്കെ ഏമാന്‍മാരുടെ ചവിട്ടിമെതിക്കലുകള്‍ക്ക് വിധേയമായിട്ടായിരിക്കും പാസ്സാവുക. അതും എത്ര ദിവസത്തേക്ക്? എന്നാല്‍ ഭരണമുന്നണിയില്‍ നിര്‍ണ്ണായക സ്വാധീനമുള്ള ഇദ്ദേഹം അതു മുതലെടുക്കാനുള്ള പുറപ്പാടിലാണെന്നതില്‍ സംശയം വേണ്ട. അല്ലെങ്കില്‍ തന്നെ കിട്ടിയ വകുപ്പ് വേണ്ടെന്ന് വച്ച് വനം വകുപ്പ് സ്വന്തം മകനു വാങ്ങിക്കൊടുത്തപ്പോള്‍ തന്നെ പല കേന്ദ്രങ്ങളില്‍ നിന്നും സംശയങ്ങളുയര്‍ന്നു കഴിഞ്ഞു.

തുടക്കത്തില്‍ തന്നെ കുഞ്ഞാലിക്കുട്ടിയും ലീഗും സര്‍ക്കാര്‍ വകുപ്പുകള്‍ ഹൈജാക്ക് ചെയ്തു. അതും പോരാഞ്ഞ് വകുപ്പുകള്‍ വെട്ടിമുറിച്ച് പാണക്കാട്ടെ കോഴിബിരിയാണി പോലെ പങ്കുവെച്ചു കഴിഞ്ഞു. മാണിസാറും തന്നാലാവും വിധമെല്ലാം ശ്രമിക്കുന്നുണ്ട്. കൂടാതെ മകള്‍ക്ക് മെഡിക്കല്‍ കോളേജ് പ്രവേശനം കിട്ടിയതുമായി ബന്ധപ്പെട്ട് മന്ത്രിയാവുന്നതിനു മുന്‍പ് തന്നെ ഇപ്പോഴത്തെ ആരോഗ്യ മന്ത്രി ശ്രമിക്കുകയും അതു വഴി ഏതാനും സാധാരണ വിദ്യാര്‍ത്ഥികള്‍ക്ക് പഠനാവസരം നിഷേധിക്കപ്പെടുകയും ചെയ്തു എന്ന് പറഞ്ഞു കേള്‍ക്കുന്നു. യു.ഡി.എഫ് അധികാരത്തിലെത്തുകയും താന്‍ ജയിക്കുകയും ചെയ്താല്‍ താന്‍ തന്നെ ആരോഗ്യ മന്ത്രിയാവും എന്ന നിലക്കായിരുന്നു അദ്ദേഹം കാര്യങ്ങള്‍ നീക്കിയത് എന്ന് പറഞ്ഞ് കേള്‍ക്കുന്നു. ഇതെല്ലാം ശരിയാണെങ്കില്‍ ബഹുമാനപ്പെട്ട മുഖ്യമന്ത്രി നിശ്ശബ്ദനായിരിക്കരുത്.

അനാവശ്യ സമ്മര്‍ദ്ദങ്ങളെ അതിജീവിക്കാന്‍ അദ്ദേഹത്തിനു കഴിയണം. അദ്ദേഹം കേരളത്തിന്റെ മുഖ്യമന്ത്രിയാണ്. അല്ലാതെ കോണ്‍ഗ്രസ്സിന്റെയോ യു.ഡി.എഫിന്റെയോ മാത്രമല്ല. തനിക്ക് അല്ലെങ്കില്‍ തങ്ങളുടെ മുന്നണിക്ക് വോട്ടിട്ടവന്റെയും മറിച്ച് കുത്തിയവന്റെയും താല്‍പര്യങ്ങളെയും വികാരങ്ങളെയും ഒരു നല്ല ഭരണകര്‍ത്താവ് അറിയണം അവയോട് അനുഭാവം പ്രകടിപ്പിക്കണം. അല്ലാതെ പരമ്പരാഗത് കോണ്‍ഗ്രസ്സ് ശൈലിയില്‍ "മുന്നണി സംവിധാനത്തില്‍ ഇതൊക്കെ സ്വാഭാവികം" എന്ന് പറഞ്ഞൊഴിഞ്ഞ തന്റെ സഹപ്രവര്‍ത്തകന്റെ തലത്തിലേക്ക് അധ:പതിക്കും.

അതുകൊണ്ട് ശ്രീ. പിള്ളയുടെ അപേക്ഷ (അങ്ങിനെയൊന്ന് ഔദ്യോഗികമായി) സര്‍ക്കാരിന്റെ മുന്നില്‍ വന്നാല്‍ അത് നിഷ്കരുണം തള്ളിക്കളയുകയാണ്‌ ബഹു. കേരളാ മുഖ്യമന്ത്രി ചെയ്യേണ്ടത്. ഇന്ത്യന്‍ ഭരണഘടന പ്രകാരം സത്യപ്രതിജ്ഞ ചെയ്ത് അധികാരമേറ്റെടുത്ത മുഖ്യമന്ത്രിയുടെ ഭാഗത്ത് നിന്നും മറിച്ചൊരു നടപടി ഉണ്ടവില്ലെന്ന് നമുക്ക് പ്രതീക്ഷിക്കാം.

പ്രവാസിയെന്നാല്‍...

2011-06-01T10:22:00.000+04:00

പ്രവാസ ജീവിതത്തിന്റെ നാലു വര്‍ഷങ്ങള്‍ പിന്നിട്ട സമയത്ത് തികച്ചും അപ്രതീക്ഷിതമാണ്‌ "പ്രവാസി" എന്ന വാക്കിനെ ഏതൊക്കെ വിധത്തില്‍ വിശദീകരിക്കാം എന്ന ഈ ലിങ്ക് മാധ്യമം ഓണ്‍ലൈനില്‍ കണ്ടത്. സലീം കുമാറിന്റെ ഭാഷ കടമെടുത്ത് പറയട്ടെ ദിവിടെ ഞെക്കിയാല്‍ ദവിടെ പോകാം.

കടപ്പാട് : മാധ്യമം ഓണ്‍ലൈന്‍ എഡിഷന്‍

അയ്യേ സൌത്താഫ്രിക്ക!

2011-03-26T19:16:00.000+04:00

"അങ്ങിനെ പവനായി ശവമായി", നാടോടിക്കാറ്റ് സിനിമയിലെ പ്രശസ്തമായ ഒരു സംഭാഷണ ശകലമാണിത്. ലോകകപ്പില്‍ നിന്ന് പുറത്തായ സൌത്താഫ്രിക്കയെയാണ്‌ ഉദ്ദേശിച്ചത്. മലപോലെ വന്നു. എലിപോലെ പോയി. ഇക്കൊല്ലവും സൌത്താഫ്രിക്ക പതിവു തെറ്റിച്ചില്ല. പടിക്കല്‍ കൊണ്ട് കലമുടച്ചു.

പ്രാരംഭ ഘട്ടത്തിലെ മല്‍സരങ്ങളിലെല്ലാം (ഇംഗ്ലണ്ടിനെതിരെ മാത്രം പരുങ്ങി) അത്യുഗ്രന്‍ പ്രകടനം കാഴ്ചവച്ച സ്മിത്തും സംഘവും ക്വാര്‍ട്ടര്‍ എന്ന കടമ്പ കടക്കാനാവാതെ നാട്ടിലേക്ക് മടങ്ങുമ്പോള്‍ പറയാവുന്നത് ഒരേ ഒരു വാക്ക്..അയ്യേ.....

പിന്‍കുറി: സചിന്‍ ഈ ലോകകപ്പില്‍ നൂറാം സെഞ്ച്വറിയടിക്കില്ലെന്ന് പാക് നായകന്‍ അഫ്രീദി!!.. --- മോനെ ഞങ്ങള്‍ക്ക് അതാണ്‌ വേണ്ടത്. കുറഞ്ഞത് ഈ ലോകകപ്പ് കഴിയുന്നത് വരെയെങ്കിലും നൂറടിക്കരുത്. വേണമെങ്കില്‍ 99 വരെ പൊയ്ക്കോ. സച്ചിന്‍ 100 അടിച്ച ഏറ്റവും ഒടുവിലത്തെ 2 മല്‍സരങ്ങളില്‍ ഇന്ത്യക്ക് ജയിക്കാന്‍ കഴിഞ്ഞിട്ടില്ല. (ആദ്യം ഇംഗ്ലീഷുകാരുമായി "ടൈ" പിന്നെ ആഫ്രിക്കക്കാരോട് തോല്‍വി!). ഇനിയൊരു സെഞ്ച്വറി താങ്ങാനാവില്ല അഫ്രീദി മോനെ ഞങ്ങള്‍ കോടികള്‍ വരുന്ന് ഇന്ത്യക്കാര്‍ക്ക്. സച്ചിന്റെ സെഞ്ച്വറി ബാക്കി നിര്‍ത്തിയിട്ട് വേണം ഞങ്ങള്‍ക്ക് വാങ്കടെയില്‍ കപ്പുയര്‍ത്താന്‍...(ചുമ്മാ..)

സൌമ്യ വധം കേസ് വഴിതിരിയുമോ?!

2011-03-21T18:05:00.000+04:00

തിരഞ്ഞെടുപ്പ് പ്രഖ്യാപിച്ചപ്പോള്‍ എല്ലാവരുടെയും ശ്രദ്ധ വി.എസ്-പിണറായി-ചാണ്ടി-ചെന്നിത്തല കളിലേക്ക് മാറിയിരിക്കുകയാണല്ലോ. നാളുകള്‍ക്ക് മുമ്പ് മൃഗീയമായി (ട്രെയിന്‍ യാത്രക്കിടെ) വധിക്കപ്പെട്ട സൌമ്യയുടെ ഘാതകനെ പിടികൂടി ജയിലിലിട്ടിരിക്കുകയാണല്ലോ. ഈയടുത്ത ദിവസം ഇതുമായി ബന്ധപ്പെട്ട് ലീഗ് മുഖപത്രമായ ചന്ദ്രികയില്‍ ഒരു വാര്‍ത്ത വന്നിരിക്കുന്നു.

അറസ്റ്റിലായ ഗോഗിന്ദച്ചാമിക്ക് വേണ്ടി വക്കാലത്തെടുക്കുവാന്‍ മുംബൈ ഹൈക്കോടതിയിലെ പുലി(?)കളായ ചില അഭിഭാഷകര്‍ എത്തി അപേക്ഷ സമര്‍പ്പിച്ചിരിക്കുന്നു. ചിത്രത്തില്‍ ക്ലിക്കിയാല്‍ വലുതായി കാണാം. (ചന്ദ്രികയോട് ചോദിക്കാതെ എടുത്തതാണ്. നല്ലൊരു ഉദ്ദേശത്തിനായതിനാല്‍ റൈറ്റ്സ് ഒന്നും പ്രശ്നമാവില്ലെന്ന് കരുതുന്നു). കോടതികളുടെയും ന്യായാധിപന്‍മാരുടെയും അവരുടെ വിധികളുടെയും വിശ്വസനീയത തന്നെ ചോദ്യം ചെയ്യപ്പെടുന്ന ഇക്കാലത്ത് ഈ വാര്‍ത്ത പെട്ടെന്ന് വിഴുങ്ങാന്‍ നമുക്കാവുമോ? മറ്റേതെങ്കിലും മാധ്യമത്തില്‍ ഇത് വന്നിട്ടുണ്ടൊ എന്നറിയില്ല. എങ്കിലും ചന്ദ്രികക്ക് അഭിനന്ദനങ്ങള്‍!

പെണ്‍വാണിഭക്കാരെ കൈയാമം വച്ച് നടത്തിക്കുമെന്ന് ദിനംപ്രതി ഉരുവിടുന്ന സഖാവ്. വി.എസ്. ഈ വാര്‍ത്ത കണ്ടിട്ടുണ്ടോ ആവോ?

ധോണി..ഇത് പറയാതെ വയ്യ.

2011-03-13T12:12:00.000+04:00

ഇന്ത്യ-ദക്ഷിണാഫ്രിക്ക ലോകകപ്പ് മല്‍സരത്തെപറ്റിയാണെഴുതുന്നത്. കടലാസ് പുലികളായ ഇന്ത്യക്കാര്‍ ആഫ്രിക്കന്‍ കരുത്തിനു മുന്നില്‍ ഒരിക്കല്‍ കൂടി അടിയറവു പറഞ്ഞു. തങ്ങളുടെ ക്വാര്‍ട്ടര്‍ ബര്‍ത്ത് ഉറപ്പാക്കി കഴിഞ്ഞ ഇന്ത്യക്ക് ഇതൊരു പ്രെസ്റ്റീജ് ഇഷ്യൂ ഒന്നുമായിരുന്നില്ല. എന്നാല്‍ ആഫ്രിക്കക്കാര്‍ക്ക് ഇംഗ്ളണ്ടില്‍ നിന്നുമേറ്റ അപ്രതീക്ഷിത ഷോക്ക് ട്രീറ്റ്മെന്റില്‍ നിന്നുമൊരു മോചനം അതായിരുന്നു.

സച്ചിന്‍, സെവാഗ്, ഗംഭീര്‍ ത്രയങ്ങള്‍ എല്ലാം അതിമനോഹരമായി ചെയ്തു നിര്‍ത്തിയിടത്ത് നിന്നു പിന്നാലെ വന്നവര്‍ക്ക് ചെയ്ത് തീര്‍ക്കാനായില്ല. യൂസഫിനെ ഇന്നലെ നേരത്തെ ഇറക്കേണ്ടായിരുന്നു. യുവരാജ് കുറച്ചുകൂടി ഉത്തരവാദിത്തം കാണിക്കണമായിരുന്നു. യൂസഫ് പത്താനെ ഇറക്കിയതിനു പകരം വിരാട് കോഹ്‌ലി ആ സ്ഥാനത്ത് കുറച്ച് കംഫര്‍ട്ടബിള്‍ ആയേനെ. തുടര്‍ന്ന് യുവരാജ്, ധോണി. യൂസഫ് പത്താന്‍ 45 ഓവറിനു ശേഷമാണ്‌ വന്നിരുന്നതെങ്കില്‍ കുറച്ചുകൂടി റണ്‍സ് ഇന്ത്യക്ക് ബോര്‍ഡില്‍ കിട്ടിയേനെ. വാലറ്റക്കാര്‍ക് ഒരു പ്രചോദനമായി മാറാന്‍ ഒരാളും ഉണ്ടായിരുന്നില്ല. വല്ലവിധേനെയും ഒന്ന് വിക്കറ്റ് കൊടുത്തു പോവണം എന്ന ഭാവമായിരുന്നു ഇന്ത്യന്‍ വാലറ്റത്തിന്.

ഇന്ത്യന്‍ ബൌളിംഗില്‍ സഹീര്‍ മാത്രം മികച്ച് നിന്നു. മുനാഫ് കുറച്ചൊക്കെ ഭംഗിയായി തുടങ്ങിയെങ്കിലും പിന്നീട് തകര്‍ന്നു. നെഹ്റ സമ്പൂര്‍ണ്ണ പരാജമായിരുന്നു. സ്പിന്നര്‍മാരില്‍ ഹര്‍ഭജന്റെ റോള്‍ ഏതാണ്ട് കഴിഞ്ഞ മട്ടാണ്. വൈവിധ്യമില്ലാത്ത പന്തുകളില്‍ ബാറ്റ്സ്മാന്‍മാര്‍ വിക്കറ്റ് സമ്മാനിക്കുന്നത് അവരുടെ ശ്രദ്ധക്കുറവുകൊണ്ടു മാത്രമാണ്. പിയൂഷ് ചൌളക്കും ഫലപ്രദമായി ഒന്നും പറ്റുന്നില്ല.

പാര്‍ട്ട് ടൈമര്‍മാരെ ആശ്രയിച്ചാണ്‌ ഇന്ത്യന്‍ ബൌളിംഗ് നിലനില്‍ക്കുന്നത്. ഈ അവസരത്തിലാണ്‌ ചില "ആള്‍ട്ടര്‍നേറ്റ്" മാര്‍ഗ്ഗങ്ങളെ പറ്റി ധോണിയിലെ നായകന്‍ ചിന്തിക്കേണ്ടിയിരുന്നത്. സച്ചിന്‍, സെവാഗ്, ഗംഭീര്‍ ഇവരിലാര്‍ക്കെങ്കിലും ഒന്ന് വിശ്രമം നല്‍കാമായിരുന്നു. പകരം പുറത്ത് നില്‍ക്കുന്ന സുരേഷ് റെയ്നക്ക് ഒരു അവസരം നല്‍കേണ്ടതായിരുന്നു. ആഫ്രിക്കന്‍ പര്യടനത്തിലെ പരാജയം മൂലം ഒതുക്കപ്പെട്ട റെയ്നക്ക് ഇന്നലെ ഒരു അവസരം നല്‍കി നോക്കാമായിരുന്നു. കൂടാതെ ബൌളിംഗിലും റെയ്ന കുറച്ചൊക്കെ മികവ് കാണിക്കാറുമുണ്ട്. സ്പിന്‍ ഡിപ്പാര്‍ട്ട്മെന്റില്‍ ആര്‍. അശ്വിന്‍ എന്ന താരത്തിന്റെ "പൊട്ടെന്‍ഷ്യല്‍" എത്രയുണ്ടെന്ന് ഒന്നു ടെസ്റ്റ് ചെയ്യാമായിരുന്നു. ദക്ഷിണാഫ്രിക്കയെ സംബന്ധിച്ചിടത്തോളം അശ്വിന്‍ തികച്ചും ഒരു അപരിചിതന്‍ തന്നെയാവുമായിരുന്നു.

സീനിയര്‍ താരങ്ങള്‍ക്ക് അപ്രധാന മല്‍സരങ്ങളില്‍ വിശ്രമമനുവദിച്ച് പുതുമൊഖ താരങ്ങളിലെ കഴിവിനെ ഒന്നളന്നു നോക്കേണ്ടതായിരുന്നു.

സീനിയര്‍ താരങ്ങളെ തൊട്ടു കളിക്കാന്‍ ഒരു പക്ഷെ ധോണിക്ക് അല്‍പ്പം പേടിയുണ്ടാവും. കാരണം അവരെല്ലാം മേല്‍ജാതിക്കാരാണല്ലോ (അവരുടെ കഴിവിനെ ഒരിക്കലും കുറച്ചു കാണുന്നില്ല). ക്യാപ്റ്റനെന്ന നിലയിലുള്ള തന്റെ പ്രാരംഭ കാലത്തെ ധോണി ഇന്ന് വിദൂരകാഴ്ചയില്‍ പോലും വരുന്നില്ല. അനുമോദനങ്ങളും ആദരവുകളും പതിയെ കല്ലേറുകള്‍ക്ക് വഴിമാറുകയാണെന്ന് തോന്നുന്നു. മിസ്റ്റര്‍ കൂള്‍ ആയിരുന്ന ധോണി ഇപ്പോള്‍ മിസ്റ്റര്‍ കോള്‍ഡ് ആയിട്ടുണ്ടെന്നാണ്‌ കാണാന്‍ കഴിയുന്നത്.

ഇനി കരീബിയക്കാരുമായിട്ടുള്ള ഒരു മല്‍സരം കൂടി ബാക്കിയുണ്ട്. അതിലെങ്കിലും ധോണി കുറച്ച് പരീക്ഷണങ്ങള്‍ നടത്തിയാല്‍ നല്ലത്. അതു കഴിഞ്ഞാല്‍ ക്വാര്‍ട്ടര്‍ ഫൈനലില്‍ നോക്കൌട്ടാണ്. ഇടി കിട്ടി പുറത്താവണോ അതോ ഇടിച്ച് വീഴ്ത്തി ജേതാവാകണോ എന്ന് അവിടെ തീരുമാനിക്കപ്പെടും.

ഇനി ആഫ്രിക്കന്‍ പക്ഷം നോക്കിയാല്‍ അവരുടെ ഭാഗത്ത് കാലിസാണ്‌ പരിചയ സമ്പന്നന്‍. സച്ചിനെയോ സെവാഗിനെയൊ പോലുള്ള പ്രഗല്‍ഭമതികളവരുടെ നിരയില്‍ ഉണ്ടാവില്ല. പക്ഷെ ഒരു കളി ജയിപ്പിക്കാനുള്ള ശേഷി അവരുടെ വാലറ്റത്തിനുണ്ടെന്ന് ഇന്നലത്തെ മല്‍സരം വ്യക്തമാക്കുന്നു. ഹാഷിം ആംല എന്ന താടിക്കാരന്‍ - പണ്ട് അദ്ദേഹത്തിന്‌ അവസരം കിട്ടിയ നാളുകളില്‍ ക്രീസില്‍ ഒരുപാട് ബുദ്ധിമുട്ടിയാണ്‌ അല്‍പ്പസമയം ഉണ്ടായിരുന്നത്. ഉടനെ ഔട്ടുമാവും. ആംലയുടെ കരിയറിന്റെ ആദ്യത്തില്‍ ഒട്ടും തിളക്കമുണ്ടായിരുന്നില്ല. എന്നാല്‍ സ്മിത്തിലെ ക്യാപ്റ്റന്‍ ആംലയില്‍ വിശ്വാസമര്‍പ്പിച്ച് നല്‍കിയ പ്രോല്‍സാഹനം അദ്ദേഹത്തെ ഇന്നത്തെ ഒരു ഒന്നാന്തരം ലോകോത്തര കളിക്കാരനാക്കിയിരുന്നു. ഏകദിനത്തിലും ടെസ്റ്റിലും കാലിസ് കഴിഞ്ഞാല്‍ അല്ലെങ്കില്‍ കാലിസോളം ആംലയും അവര്‍ക്ക് പ്രധാനി തന്നെ. പിന്നീട് വരുന്ന ഡിവില്ലിയേഴ്സ്, ഡുമിനി, പുതുമുഖം ഡുപ്ളെസിസ് തുടങ്ങിയവരും നല്ല കളിക്കാരാണ്. ഇന്ത്യയിലെ സ്ലോ പിച്ചില്‍ പോലും വേഗം കൊണ്ട് മികവ് കാട്ടാന്‍ സ്റ്റേയിനിനും കൂട്ടുകാര്‍ക്കുമാവുന്നു (അല്പം അടി കൊണ്ടിട്ടാണെങ്കിലും!). സ്റ്റെയിനു പോലും ബാറ്റുകൊണ്ട് ഒരു പത്തിരുപത് റണ്‍സെങ്കിലും എടുത്ത് കൊണ്ട അടിക്ക് പ്രായശ്ചിത്തം ചെയ്യാന്‍ കഴിവുണ്ട്. എന്നാല്‍ ഇന്ത്യന്‍ ബൌളര്‍മാര്‍ക്ക് ആകെ അറിയാവുന്നത് ഓടിവന്ന് അടിക്കാന്‍ പാകത്തിന്‌ പന്തെറിയലാണ്. ബാറ്റിങ്ങിലെ അവരുടെ സമീപനം പാടെ മാറേണ്ടിയിരുക്കുന്നു. ചിലര്‍ എങ്ങിനെ ഔട്ടാവാമെന്ന് ഗവേഷണം നടത്തുകയാണെന്ന് തോന്നിപ്പോകുന്നു.

വാല്‍ക്കഷണം : ഗോപുമോനെ പറ്റി പറയാതിരുന്നത് മനപൂര്‍വ്വം തന്നെ. വെറുതെ എന്തിനാ...

സുധീരനെതിരെ അബ്ദുല്ലകുട്ടി..രാജാവിനേക്കാള്‍ വലിയ രാജ ഭക്തന്‍!

2011-02-15T18:05:00.000+04:00

നിലപാടുകള്‍ കൊണ്ടാണ്‌ രാഷ്ട്രീയ പാര്‍ട്ടികള്‍ ശ്രദ്ധിക്കപ്പെടുന്നതും ജന പിന്തുണ നേടുന്നതും. എന്നാല്‍ എല്ലാ രാഷ്ട്രീയ നേതാക്കളും പിന്തുണ നേടുന്നത് ജാതി-മത ശക്തികളുടെയും വന്‍ കുത്തക മുതലാളിമാരുടെയും സഹായം കൊണ്ടാണെന്ന് ഈയടുത്ത കാലത്ത് തെളിഞ്ഞുകൊണ്ടിരിക്കുന്നു. കോണ്‍ഗ്രസ് എന്ന പാര്‍ട്ടി എല്ലാ വിഭാഗങ്ങള്‍ക്കും വേണ്ടി പ്രസംഗിക്കുകയും സാധാരണ ജനങ്ങളെ അവഗണിച്ച് വന്‍ കോര്‍പ്പറേറ്റ് ശക്തികള്‍ക്ക് വേണ്ടി നിലകൊള്ളുകയും ചെയ്യുന്നു എന്നത് ഓരൊ ഇന്ത്യന്‍ പൌരനും പുതുമയല്ല. തൊഴിലാളി വര്‍ഗ്ഗ രാഷ്ട്രീയ പ്രസ്ഥാനങ്ങള്‍ തങ്ങളെ വളര്‍ത്തി വലുതാക്കിയ ജനതയെ വിട്ട് കുത്തക ബൂര്‍ഷ്വാ മൂരാച്ചി വിഭാഗത്തിന്റെ പ്രായോജകരും ഗുണഭോക്താക്കളുമായി മാറി കഴിഞ്ഞു. ഭാരതാംബക്ക് ജയ് വിളിക്കുന്ന കാവി ധാരികളെ പറ്റി പറയാതിരിക്കുകയാണ്‌ ഭേദം. കേരളത്തില്‍ ഉള്ള നാലു വോട്ട് വിറ്റു കാശാക്കി ദേശീയ തലത്തിലെത്തുമ്പോള്‍ അവര്‍ കൂടി അംഗങ്ങളായ സംഘപരിവാറിനു തന്നെ പങ്കാളിത്തമുള്ള വിധ്വംസക പ്രവര്‍ത്തങ്ങളുടെ തെളിവുകളാണ്‌ അവരെ നോക്കി പരിഹസിക്കുന്നത്.

അതുകൊണ്ട് സാധാരണ ജനതക്ക് വോട്ടിടുന്നതിലുള്ള ആവേശം പണ്ടത്തെപോലെ ഇല്ല പ്രത്യേകിച്ച് നഗരവാസികള്‍ക്ക്. എന്നാല്‍ ചില നേതാക്കള്‍ എടുത്തു പറയേണ്ടുന്ന വ്യക്തിത്വങ്ങളാണ്. അവര്‍ സംശുദ്ധ ജീവിതത്തിന്റെ ഉടമകളാണ്. കോണ്‍ഗ്രസ് പാര്‍ട്ടിയില്‍ നിന്നാണെങ്കില്‍ അവരില്‍ കാപട്യത്തിന്റെ മൂടുപടത്തിനു പിന്നിലെ ആദര്‍ശ ധീരന്മാരും, അതിവേഗ ബഹുദൂരന്‍മാരും, ആശ്രിതവല്‍സലരുംം മറ്റു ഏറാന്‍ മൂളികളുമെല്ലാം ധാരാളം (ലിസ്റ്റ് മുഴുവനാക്കുന്നില്ല). എന്നാല്‍ എം.എല്‍.എ. എം.പി., മന്ത്രി, നിയമ സഭാ സ്പീക്കര്‍ എന്നീ നിലകളില്‍ സ്തുത്യര്‍ഹമായ സേവനങ്ങള്‍ കാഴ്ചവച്ച് അവസാനം തങ്ങളുടെ സ്വാര്‍ത്ഥമോഹങ്ങള്‍ക്കും താല്‍പര്യങ്ങള്‍ക്കും "പാര"യാവുമെന്ന് ഭയന്ന് മുന്നണി-പാര്‍ട്ടി യജമാനന്‍മാരാല്‍ ഒതുക്കപ്പെട്ട് കഴിയുന്ന ശ്രീ. വി.എം. സുധീരന്‍ അതില്‍ നിന്നെല്ലാം വളരെയേറെ വ്യത്യസ്ഥനാണ്. കോണ്ഗ്രസ് ജനുസ്സില്‍ ഇത്തരം നേതാക്കള്‍ വേറെയുണ്ടാകുമോ എന്നത് നിങ്ങള്‍ ചിന്തിക്കുക. തന്റെ സംശുദ്ധ ജീവിതവും പ്രവര്‍ത്തനവും പോലെ തന്നെയാണ്‌ അദ്ദേഹത്തിന്റെ നിലപാടുകളും. പൊതുജന താല്‍പര്യങ്ങള്‍ക്ക് എതിരെയുള്ള സര്‍ക്കാര്‍ നിലപാടുകള്‍ക്കും തല്‍ഫലമായിട്ടുള്ള വികസന പ്രവര്‍ത്തനങ്ങള്‍ക്കും അദ്ദേഹത്തിന്റെ നിലപാടുകളും തുറന്നടിച്ചുള്ള അഭിപ്രായ പ്രകടനങ്ങള്‍ ചില്ലറ പ്രശ്നങ്ങളൊന്നുമല്ല ഉണ്ടാക്കിയിട്ടുള്ളത്. അതിനൊരുദാഹരണമാണ്‌ കഴിഞ്ഞ യു.ഡി.ഏഫ്. ഭരണ കാലത്ത് ആലപ്പുഴയിലെ കരിമണല്‍ ഖനനത്തിനെതിരെ അദ്ദേഹം സമര രംഗത്ത് അന്നത്തെ പ്രതിപക്ഷ നേതാവായിരുന്ന വി.എസ്. അച്ചുതാനന്ദനു പിന്തുണ പ്രഖ്യാപിച്ച് രംഗത്തിറങ്ങിയത്. തല്‍ഫലമായി ആലപ്പുഴയില്‍ പാര്‍ട്ടിയാലും മുന്നണിയാലും കാലുവാരപ്പെട്ട് അദ്ദേഹം പരാജയപ്പെട്ടു. അദ്ദേഹത്തെ തോല്‍പ്പിച്ച ഡോ.കെ.എസ്. മനോജ് എന്ന സഖാവ് പിന്നീട് കോണ്ഗ്രസിലെത്തിയെന്നത് ചരിത്രം.

പ്രലോഭങ്ങള്‍ക്ക് വശംവദരാകാത്ത കേരളത്തിലെ കോണ്ഗ്രസ്സ് നേതാക്കളുടെ കണക്കെടുത്താല്‍ അദ്ദേഹത്തിന്റെ പേരായിരിക്കും ആദ്യം. (അതു കഴിഞ്ഞാല്‍ ആരെങ്കിലും അല്ലെങ്കില്‍ ആരൊക്കെ ഉണ്ടാവും എന്നത് നമ്മള്‍ സ്വയം വിലയിരുത്തുക). അത്തരത്തിലുള്ള ശ്രീ. സുധീരന്‍ വികസന കോണ്‍ഗ്രസ്സില്‍ നടത്തിയ പ്രസംഗമാണ്‌ ഇന്നലെ കോണ്‍ഗ്രസ്സിലേക്ക് വന്ന കേവലം ഒരു ഞാഞ്ഞൂല്‍ മാത്രമായ അബ്ദുല്ലകുട്ടിയെ ചൊടിപ്പിച്ചതത്രെ?! സുധീരന്‍ ധീരമായി പറഞ്ഞത് ദേശീയ പാത വികസനം ഇന്നത്തെ അവസ്ഥയില്‍ മുന്നേറിയാല്‍ അധികം വൈകാതെ തന്നെ നമ്മള്ക്ക് സ്പെക്ട്രം അഴിമതിയെ കടത്തി വെട്ടുന്ന രീതിയിലുള്ള അഴിമതിയെ പറ്റിയുള്ള വാര്‍ത്തകളായിരിക്കും കേള്‍ക്കാന്‍ കഴിയുക എന്നാണ്. അതില്‍ യാതൊരു സംശയവുമില്ല എന്ന തരത്തിലാണ്‌ കാര്യങ്ങളുടെ പോക്കെന്ന് അദ്ദേഹം പറയുമ്പോള്‍ അതില്‍ യാഥാര്‍ത്യമുണ്ട്. ബി.ഒ.ടി. അടിസ്ഥാനത്തില്‍ കരാറെടുത്തിരിക്കുന്ന കമ്പനികളുടെ താല്‍പര്യത്തിനു വഴങ്ങിയാണ്‌ ഇതിന്റെ വ്യവസ്ഥകളെന്ന് മുന്പേ തന്നെ ആക്ഷേപമുയര്‍ന്നിരുന്നു. എന്നാല്‍ സര്‍വ്വകക്ഷി യോഗം എന്ന ഒരു വഴിപാട് നടത്തി എല്ലാ വ്യവസ്ഥകളും അംഗീകരിക്കുകയാണ്‍ നമ്മുടെ സര്‍ക്കാര്‍ ചെയ്തത്. പാത വന്നാല്‍ കുടിയൊഴിപ്പിക്കപ്പെടുന്നവരുടെ പ്രതിനിധികളാരും തന്നെ സര്‍വ്വകഷിയോഗത്തിലേക്ക് ക്ഷണിക്കപ്പെട്ടിരുന്നില്ല. അതുകൊണ്ട് തന്നെ അവരുടെ എതിര്‍പ്പുകള്‍ക്ക് കേവലം വനരോദനമാവാനായിരുന്നു വിധി. ഇപ്പോള്‍ തന്നെ നടന്നിട്ടുള്ള വികസന പ്രവര്‍ത്തനങ്ങളുടെ (വല്ലാര്‍പാടം മുതലായ...) പേരില്‍ കുടിയൊഴിപ്പിക്കപ്പെട്ട സാധാരണ ജനങ്ങള്‍ക്ക് മതിയായ പുനരധിവാസ സൌകര്യങ്ങളൊരുക്കാന്‍ അതിന്റെ യജമാനന്‍മാര്‍ക്ക് കഴിഞ്ഞിട്ടില്ല എന്നുള്ള വസ്തുതയും സുധീരന്‍ എടുത്തു പറഞ്ഞു.

ഇതെല്ലാമാണ്‌ അബ്ദുള്ളകുട്ടിയെ പ്രകോപിപ്പിച്ചത്. ക്രിക്കറ്റില്‍ ശ്രീശാന്തിനെ പോലെയാണ്‌ അബ്ദുല്ലകുട്ടി പെരുമാറുന്നത്. അവസരം കിട്ടുമ്പോഴൊക്കെ മറ്റുള്ളവര്‍ക്കിട്ട് പണിയുക. (ഹര്‍ഭജനിട്ടു പണിതപ്പോള്‍ ശ്രീക്ക് നല്ല തല്ലു കിട്ടി. അതുപോലെ ഇപ്പോള്‍ അബ്ദുള്ളകുട്ടിക്കും കിട്ടി)കൊത്തി കൊത്തി മുറത്തില്‍ കയറി കൊത്തി എന്നു പറഞ്ഞപോലെയായി കാര്യങ്ങളിപ്പോള്‍. ദുബായിലും മറ്റും ജനവാസമില്ലാത്ത മരുഭൂമിയില്‍ നാലുവരിയും ആറുവരിയുമൊക്കെയായിട്ടുള്ള പാതകള്‍ കണ്ടിട്ട് ജനനിബിഡമായ നമ്മുടെ കേരളത്തില്‍ അതുപോലെ വേണമെന്ന് വാശിപിടിക്കുന്ന ഒരു കുരുത്തം കെട്ട കുട്ടിയാണ്‌ അദ്ദേഹം. പറഞ്ഞു പറഞ്ഞു മോഡി മോഡല്‍ വികസനത്തെപറ്റി പറഞ്ഞപ്പോളാണ്‌ സി.പി.എമ്മില്‍ നിന്ന്‌ പുറത്താവുന്നത്. സി.പി.എമ്മിന്റെ റീസൈക്കിള്‍ ബിന്നില്‍ നിന്നും പെറുക്കിയെടുക്കുന്ന വേസ്റ്റുകള്‍ കോണ്ഗ്രസ്സില്‍ പുതിയ അന്തക വിത്തുകളായും അവയുടെ ഉല്‍പന്നങ്ങളായും രൂപാന്തരപ്പെടുകയാണ്. അതിന്റെ ഉത്തമോദാഹരണമത്രെ ഈ കുട്ടി. സുധീരനെപോലുള്ള പാരമ്പര്യമുള്ള കോണ്‍ഗ്രസ്സുകാരെ വരട്ടു വാദികള്‍ (ശരിക്കും വാക്കെനിക്കറിയില്ല) എന്ന് വിളിച്ച് അധിക്ഷേപിക്കാന്‍ ഇയാള്‍ക്ക് എവിടെ നിന്നാണ്‌ ധൈര്യം കിട്ടിയത്?

തെറ്റുപറ്റിയത് കേരളത്തിലെ കോണ്‍ഗ്രസ്സ് നേതൃത്വത്തിനാണ്. സുധീരന്‍ പറഞ്ഞ പോലെ ഇന്നലെ മറ്റു പാര്‍ട്ടികളില്‍ നിന്നും വന്നവര്‍ക്ക് കോണ്‍ഗ്രസ്സ് മുന്നും പിന്നും നോക്കാതെ സീറ്റൂകൊടുത്ത് ജയിപ്പിച്ച് എം.എല്‍.എയാക്കേണ്ട വല്ല കാര്യവുമുണ്ടായിരുന്നോ? വീട്ടുകാരെ ഭരിക്കാന്‍ വിരുന്നുകാര്‍ ആയിട്ടില്ല എന്ന് സുധീരന്‍ പറഞ്ഞെങ്കില്‍ അത് പച്ച പരമാര്‍ത്ഥം.

ഈ വക ഞാഞ്ഞൂലുകള്‍ അനാവശ്യമായ കാര്യങ്ങളില്‍ അനവസരത്തിലും അനാവശ്യമായ സ്ഥലത്ത് വച്ച് അഭിപ്രായം പറയുന്നതിനെതിരെ കേരളാ പ്രദേശ് കോണ്ഗ്രസ് കമ്മിറ്റി ബോധവാന്‍മാരാകണം, ഈ പ്രവണത ഇനിയും വച്ചു പൊറുപ്പിക്കാതെ മുളയിലേ നുള്ളുകയാണ്‌ വേണ്ടത്.

ഇന്ത്യന്‍ റെയില്‍വേയുടെ നിരുത്തരവാദിത്തത്തിന്റെ ഒരു രക്തസാക്ഷി കൂടി

2011-02-06T19:48:00.000+04:00

ട്രെയിന്‍ എന്നു പറഞ്ഞാല്‍ ഈയുള്ളവനു ഭയങ്കര പേടിയും വെറുപ്പുമായിരുന്നു. ട്രെയിന്‍ ദുരന്തങ്ങളെപറ്റിയുള്ള വാര്‍ത്തകള്‍ ചെറുപ്പത്തില്‍ വായിച്ചിട്ടായിരുന്നു അത്. എന്നാല്‍ ജീവിതത്തിലെ ഒരു പ്രത്യേക കാലഘട്ടത്തില്‍ ഉപജീവനാര്‍ത്ഥം 6 വര്‍ഷത്തോളം ട്രെയിനിലായിരുന്നു യാത്ര. യാത്രക്കു സുഖമാണെങ്കിലും അതിന്റെ വൈകിയുള്ള ആഗമനങ്ങള്‍ കാരണം ഒരുപാട് മേലുദ്യോഗസ്ഥരുടെ വഴക്ക് കേട്ടിട്ടുള്ളവനാണ്‌ ഈയുള്ളവന്‍. റെയില്‍വേയുടെ യാത്രക്കാരുടെ മേലുള്ള ഉത്തരവാദിത്തം എത്രത്തോളമുണ്ടെന്ന് പലപ്പോഴും മനസ്സിലാക്കാനും കഴിഞ്ഞിട്ടുണ്ട് ഈ യാത്രകളില്‍.

പ്ലാറ്റ്ഫോമില്‍ കയറണമെങ്കില്‍ പോലും ടിക്കറ്റ് എടുത്ത് വേണം. അല്ലെങ്കില്‍ ഫൈന്‍. ട്രാക്ക് മുറിച്ച് കടന്നാല്‍ ഫൈന്‍. ഓടുന്ന വണ്ടിയില്‍ ചാടിക്കയറിയാല്‍ ഫൈന്‍. എന്നു തുടങ്ങി ഒരുപാട് കര്‍ശന നിയമങ്ങള്‍ നടപ്പാക്കുന്ന(???!!!) സ്ഥാപനമാണ്‌ ഇന്ത്യന്‍ റെയില്‍വേ. എന്നാല്‍ ടിക്കറ്റ് എടുത്ത് യാത്ര ചെയ്യുന്ന യാത്രികരുടെ സുരക്ഷക്ക വേണ്ടി അവര്‍ എന്താണ്‌ ചെയ്യുന്നത്? ഒരുപാട് നാള്‍ കൊച്ചിന്‍-ഷോര്‍ണ്ണൂര്‍ പാസ്സ്ഞ്ചര്‍ ട്രെയിനില്‍ യാത്രചെയ്തിട്ടുള്ളതിനാല്‍ അതിന്റെ മന്ദഗതി നേരിട്ടറിയാം. മിക്കവാറും ദിവസങ്ങളില്‍ വൈകിയാണ്‌ വണ്ടി എറണാകുളം വിടുന്നത്. ചെറുതും വലുതുമായ എല്ലാ സ്റ്റേഷനുകളിലും അത് നിര്‍ത്തുന്നു. ഇടക്ക് ദീര്‍ഘദൂര വണ്ടികള്‍ക്ക് വേണ്ടി അത് ചിലയിടങ്ങളിലെല്ലാം പിടിച്ചിടപ്പെടുകയും ചെയ്യുന്നത് പതിവു സംഭവമാണ്‌.

ഈയടുത്ത ദിവസം ഷോര്‍ണ്ണൂര്‍ സ്വദേശിനിയായ ഒരു സഹോദരി റെയില്‍വേയുടെ കുറ്റകരമായ അനാസ്ഥ കാരണം വളരെ ക്രൂരമായ രീതിയില്‍ മാനഭംഗപ്പെടുത്തപ്പെടുകയും തുടര്‍ന്ന് ഇന്ന് ഉച്ചയോടെ മരണപ്പെടുകയും ചെയ്തിരിക്കുന്നു. ജീവിതപ്രാരാബ്ദങ്ങളുടെ ഭാഗമായി എറണാകുളത്ത് ജോലി ചെയ്തിരിക്കെ, തന്നെ പെണ്ണുകാണാന്‍ ആള്‍ വരുന്നു എന്നു വീട്ടുകാര്‍ അറിയിച്ചതനുസരിച്ച് ആ സഹോദരി ഒരുപാട് മധുരസ്വപനങ്ങളുമായിട്ടാവണം എറണാകുളത്ത് നിന്ന് തിരിച്ചത്. ട്രെയിന്‍ ഓരോ സ്റ്റേഷനില്‍ എത്തുമ്പോഴും വീട്ടുകാരുമായി ആ പാവം മൊബൈലിലൂടെ ബന്ധപ്പെടുന്നുണ്ടായിരുന്നു. ഷോര്‍ണ്ണൂരില്‍ അവസാന സ്റ്റോപ്പ് ആയതിനാല്‍ സഹയാത്രികരായി ആരും ഉണ്ടായിരുന്നില്ല. ഈ കുട്ടി ഒഴികെ എല്ലാവരും മുന്പ് ഇറങ്ങിപോയിരുന്നു. ഈ തക്കം നോക്കി നരാധമനായ ഒരു തമിഴന്‍ വനിതാ കമ്പാര്‍ട്ട്മെന്റില്‍ അതിക്രമിച്ച് കയറി ആ കുട്ടിയുടെ കൈയിലുള്ള ബാഗ് തട്ടിയെടുക്കാന്‍ ശ്രമിച്ചു. പ്രതിഷേധിച്ച ആ കുട്ടിയെ ട്രെയിനിന്റെ കുറഞ്ഞ വേഗത മുതലെടുത്ത് പുറത്തേക്ക് തള്ളിയിടുകയും അയാള്‍ ചാടിയിറങ്ങുകയും ചെയ്തു. (ഇത്തരക്കാര്‍ക്ക് ട്രെയില്നില്‍ നിന്നും ചാടിയിറങ്ങാനും ട്രെയിനിലേക്ക് ചാടികയറുവാനും പ്രത്യേഗ വൈദഗ്ദ്യം തന്നെയുണ്ട്). ബാഗില്‍ നിന്ന് കേവലം 100ല്‍ താഴെ രൂപ മാത്രമാണ്‍ കിട്ടിയത്. വീഴ്ചയുടെ ആഘാതത്തില്‍ പരിക്കേറ്റ ആ കുട്ടിയെ ഒറ്റകൈയനായിരുന്നിട്ടും ബലവാനായ ആ ക്രൂരന്‍ തൊട്ടടുത്ത കുറ്റിക്കാട്ടിലേക്ക് തന്റെ തോളിലെടുത്തിട്ട് കൊണ്ടുപൊയി തള്ളി മനഭംഗപ്പെടുത്തിയെന്നാണ്‌ മാധ്യമങ്ങള്‍ റിപ്പോര്‍ട്ട് ചെയ്തത്. ഈ സമയത്ത് ട്രെയിനിലെ യാത്രക്കാരായ ചിലരുടെ ശ്രദ്ധയില്‍ രണ്ടാളുകള്‍ ട്രെയിനില്‍ നിന്ന് വീഴുന്നത് പെട്ടിരുന്നു. എന്നാല്‍ സഹയാത്രികരോട് പറഞ്ഞിട്ടും ആരും ചെവികൊണ്ടില്ല. ആരെങ്കിലും ചെയിന്‍ വലിച്ച് വണ്ടി നിര്‍ത്തിയിരുന്നുവെങ്കില്‍ എന്ന് ആഗ്രഹികാനേ നമുക്ക് പറ്റൂ. അവസാനം മറ്റുപലരും പറഞ്ഞറിഞ്ഞ് പൊതുജനങ്ങളിലെ ചില നല്ല മനുഷ്യര്‍ നടത്തിയ തെരച്ചിലിലാണ്‌ മൃതപ്രായയായി കിടന്നിരുന്ന കുട്ടിയെ കാണുന്നതും ആശുപത്രിയിലെത്തിക്കുന്നതും.അതീവ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിക്കപ്പെട്ട ആ സഹോദരി ഒടുവില്‍ മരണത്തിനു കീഴടങ്ങി.

ഈ സംഭവത്തിനു ആരാണ്‌ ഉത്തരവാദി? ഒറ്റ നോട്ടത്തില്‍ റെയില്‍വേ എന്നുത്തരം കിട്ടുമെങ്കിലും അതുകൊണ്ടു മുഴുവനാവുന്നില്ല. രണ്ടാള്‍ വീഴുന്നത് കണ്ട ആളുകള്‍ എന്തുകൊണ്ട് ട്രെയിന്‍ ചങ്ങല വലിച്ചില്ല? അവര്‍ പറയുന്നത് കേട്ട സഹയാത്രികര്‍ എന്തുകൊണ്ട് അത് ചെവികൊണ്ടില്ല. എല്ലാവര്‍ക്കും തങ്ങളുടേതായ സ്വാര്‍ത്ഥത. അതിന്റെ പുറകേ പോയി എന്തിനു പുലിവാലു പിടിക്കണം എന്ന് ഒരുവേള ചിന്തിച്ചിരിക്കാം. എന്നാല്‍ ട്രെയിനിന്റെ ഏറ്റവും പുറകിലെ കമ്പാര്‍ട്ട്മെന്റിന്റെ അറ്റത്തുള്ള ഒരു മുറിയില്‍ ഗാര്‍ഡ് എന്ന ഓമനപ്പേരിലൊരു മനുഷ്യന്‍(?) വെള്ളകുപ്പായവും വെള്ള പാന്റും ഒക്കെയിട്ട് കയിലൊരു കൊടിയും വിളക്കുമൊക്കെയായി ഉണ്ടാവാറുണ്ട്. അയാള്ക്ക് എന്താണ്‌ പണി. ആരെങ്കിലും ട്രെയിനില്‍ നിന്നും കൊഴിഞ്ഞുവീഴുന്നത് കണ്ടാലോ മറ്റുള്ളവര്‍ അറിയിച്ചാലോ ട്രെയിന്‍ നിര്‍ത്തിച്ച് അന്വേഷിപ്പാന്‍ ടിയാന്‍ അധികാരപ്പെട്ടവനാണെന്ന് റെയില്‍വേ നിയമങ്ങള്‍ തന്നെ സാക്ഷ്യപ്പെടുത്തുന്നു.എന്നാല്‍ യാത്രക്കാര്‍ റിപ്പോര്‍ട്ട് ചെയ്തിട്ടും ട്രെയിന്‍ നിര്‍ത്താന്‍ അയാള്‍ ഒന്നും ചെയ്തില്ല എന്നാണ്‌ അറിയാന്‍ കഴിയുന്നത്. ഇത്തരുണത്തില്‍ അയാളും കുറ്റക്കാരനല്ലേ?ഇത്തരുണത്തില്‍ അയാളും കുറ്റക്കാരനല്ലേ?

ഒട്ടുമിക്ക സ്റ്റേഷനുകളിലും വണ്ടി വന്നു നില്‍ക്കുമ്പോള്‍ വനിതാ കമ്പാര്‍ട്ട്മെന്റ് ഏറ്റവും പുറകിലായിരിക്കും. അപ്പോഴൊക്കെ പ്ലാറ്റ്ഫോം ഉണ്ടാവുകയുമില്ല അവിടെ. വണ്ടിയില്‍ കയറിപറ്റുവാന്‍ സ്ത്രീകള്‍ പെടാപ്പാട് പെടേണ്ടിവരുന്നത് കാണാം. ഓടിപ്പിടഞ്ഞെത്തുമ്പോഴേക്കും വണ്ടി അനങ്ങിത്തുടങ്ങിയിരിക്കും. അപ്പോഴൊക്കെ കയറാന്‍ ശ്രമിച്ച് വീണവരും അംഗഭംഗം സംഭവിച്ചവരും മരണപ്പെട്ടവരും നിരവധി. എന്നാല്‍ അധികാരികള്‍ക്ക് ഇതെല്ലാം പുല്ലുവില. ഈയിടെ തുരന്തോ എക്സ്പ്രസ് എന്ന ട്രെയിനിന്റെ കന്നിയാത്രയില്‍ ഭക്ഷ്യ വിഷബാധയേറ്റ്‌ കുറെ യാത്രക്കാര്‍ ആശുപത്രിയില്‍ പ്രവേശിപ്പിക്കപ്പെട്ടു. ഇതേപറ്റി ചോദിച്ചപ്പോള്‍ അന്നത്തെ റെയില്‍വേ സഹമന്ത്രി (ഇന്നത്തെ വിദേശകാര്യ സഹന്‍!) പറഞ്ഞത് "റെയില്‍വേ എന്നാല്‍ ലക്ഷക്കണക്കിനു യാത്രക്കാരും ആയിരക്കണക്കിനു സ്റ്റേഷനുകളും പതിനായിരക്കണക്കിനു തൊഴിലാളികളുമുള്ള ഒരു സ്ഥാപനമാണ്‌, അപ്പൊ ഇത്തരം സംഭവങ്ങള്‍ സാധാരണമാണ്" എന്നാണ്. എന്തൊരു ന്യായം! ഉത്തരവാദിത്തപ്പെട്ട ഒരു കേന്ദ്ര(സഹ)മന്ത്രി ഇങ്ങിനെതന്നെ പറയണം. സാമുദായിക രാഷ്ട്രീയ പ്രസ്ഥാനങ്ങളുടെ വീതം വെപ്പുകള്‍ക്കിടയില്‍ പകുത്തു കിട്ടുന്ന സ്ഥാനങ്ങളോട് അവര്‍ നീതി പുലര്‍ത്തണം എന്ന് കരുതുന്ന നമ്മളേക്കാള്‍ വലിയ മണ്ടന്മാര്‍ ഉണ്ടോ? കുറെ നാള്‍ മുന്പ് തൊന്തരവ് എന്ന ബ്ലോഗ് എഴുതുന്ന ഷിബുവേട്ടന്റെ ബ്ലോഗില്‍ റെയില്‍വേയെ പറ്റി ചില കാര്യങ്ങള്‍ ഉണ്ടായിരുന്നു. ഞാന്‍ ആ ബ്ലോഗിന്റെ ഒരു ലിങ്ക് മുന്‍പറഞ്ഞ കേന്ദ്ര മന്ത്രിക്ക് പാര്‍ലമെന്റിന്റെ സൈറ്റില്‍ നിന്നും കിട്ടിയ ഒരു ഇ-മെയിലില്‍ അയച്ചു കൊടുത്തു. യാതൊരു പ്രതികരണവുമുണ്ടായില്ല.

ഇതാണ്‌ അധികാരപ്പെട്ടവരുടെ മനോഭാവമെങ്കില്‍ നമ്മളെന്താണ്‌ ചെയ്യുക? ഈ വകുപ്പിന്റെ അധികാരിയായ മന്ത്രി മമതാ ബാനര്‍ജിയെ കാണാന്‍ തനിക്ക് മന്ത്രിക്കു സമയം അവര്‍ അനുവദിക്കുന്നില്ല എന്ന് കേരളത്തിലെ റെയില്‍വേകാര്യങ്ങളുടെ ചുമതലയുള്ള മന്ത്രി വിജയകുമാര്‍ പറഞ്ഞത് കുറച്ച് നാള്‍ മുന്പാണ്. മമതാ ബാനര്‍ജി ആഴ്ചയിലൊരിക്കലാണ്‌ ഇന്ദ്രപ്രസ്ഥത്തില്‍ ഹാജരുണ്ടാവുന്നത്. ബാക്കി ആറു ദിവസവും കല്‍ക്കത്തയിലാണ്. വരാന്‍ പോകുന്ന നിയമസഭാ തെരഞ്ഞെടുപ്പില്‍ പശ്ചിമ ബംഗാളിലെ മുഖ്യമന്ത്രിയാകുക എന്ന തന്റെ സ്വപ്ന സാക്ഷാല്‍ക്കാരത്തിന്റെ വഴിയിലാണ്‌ അവര്‍! അവര്‍ക്ക് റെയില്‍വേ കാര്യങ്ങള്‍ നോക്കാന്‍ എവിടെ സമയം. ഈ അവസരത്തില്‍ പ്രസ്തുത വകുപ്പ് കൈകാര്യം ചെയ്ത ലാലു യാദവ് കുറച്ചുകൂടെ പ്രശംസ അര്‍ഹിക്കുന്നു. അദ്ദേഹം റെയില്‍വേയുടെ വരുമാന കൂട്ടുന്ന നടപടികളെടുത്തതോടൊപ്പം തന്നെ സുരക്ഷാ കാര്യങ്ങളില്‍ ചില നടപടികള്‍ തുടങ്ങി വക്കുകയും ചെയ്തിരുന്നു.ട്രെയിനുകളുടെ കൂട്ടിയിടി ഒഴിവാക്കാന്‍ വിദേശ സങ്കേതിക സഹായത്തോടെയുള്ള ഉപകരണം ഘടിപ്പിക്കുമെന്ന് ലാലു മന്ത്രി പ്രഖ്യാപിച്ചിരുന്നതാണ്. എന്നാല്‍ തൊട്ടടുത്ത തെരഞ്ഞെടുപ്പില്‍ കോണ്‍ഗ്രസുമായി തെറ്റി തനിച്ച് മല്‍സരിച്ച് ഉള്ള മന്ത്രി സ്ഥാനം കളഞ്ഞു കുളിച്ച ലാവുവിന്‌ ഇപ്പോള്‍ കുറ്റബോധം തോന്നുന്നുണ്ടാവാം. ലാലു എടുത്ത ഈ തീരുമാനം മമത അധികാരമേറ്റെടുത്തയുടെന്‍ പിന്‍വലിക്കുകയുണ്ടായി. വിദേശ സാങ്കേതിക വിദ്യക്ക് പകരം ചെലവുകുറഞ്ഞ സ്വദേശി വിദ്യ എന്നാണ്‌ "ദീദി" പറഞ്ഞത്. എന്തായാലും മമത അധികാരമേറ്റെടുത്തതിനു ശേഷം തുടര്‍ച്ചയായി കുറെ കൂട്ടിയിടികള്‍ ഇന്ത്യന്‍ റെയില്‍വെക്ക് നേരിടേണ്ടി വന്നു. അതിലൂടെ വന്‍ നഷ്ടവും. എന്തിനേറെ പറയുന്നു കഴിഞ്ഞ യു.പി.എ. സര്‍ക്കരിന്റെ കാലത്താണ്‌ കേരളത്തിന്റെ ഡിവിഷന്‍ വെട്ടിമുറിച്ച് തമിഴ്നാടിന്റെ ഭാഗമാക്കിയത്. കേവലം ഒരു സഹമന്ത്രി വേലുവിന്റെ വേലത്തരമായിരുന്നു അത്. എന്നാല്‍ കേരളത്തിനു പില്‍ക്കാലത്ത് ഒരു സഹമന്ത്രിയെ കിട്ടിയപ്പോള്‍ ആ വെട്ടിമുറിച്ച കഷണങ്ങള്‍ തിരിച്ചെടുത്ത് സംയോജിപ്പിക്കാന്‍ നമുക്ക് കഴിഞ്ഞോ? (മുല്ലപെരിയാറിന്റെ കാര്യവും ഇതു തന്നെ സ്ഥിതി).

കച്ചവടക്കാരുടെയും യാചകരുടെയും സാന്നിധ്യം. കുളിക്കാതെയും നനക്കാതെയും മുഷിഞ്ഞ് നാറിയ വസ്ത്രങ്ങള്‍ ധരിച്ച് കാണുന്ന കമ്പാര്‍ട്ടുമെന്റുകളിലെല്ലാം പലരൂപത്തിലും ഭാവത്തിലും ഇത്തരക്കാര്‍ വലിഞ്ഞു കയറുന്നു. അബദ്ധത്തില്‍ ടിക്കറ്റെടുക്കാതെ കയറിപ്പോവുന്ന യാത്രക്കാരെ ഷര്‍ട്ടിനു കുത്തിപ്പിടിക്കുന്ന റെയില്‍വേ സ്വാഡുകളും ടിക്കറ്റു പരിശോധകരും ഇത്തരക്കാരെ വെറുതെ വിടുന്നു. ഒരുവേള അവരുടെ പിച്ചചട്ടി(സോറി..ഡെയിലി കളക്ഷന്‍)യില്‍ നിന്നും അധികാരപ്പെട്ടവരും കൈയിട്ടു വാരുന്നുണ്ടാവാം. മേല്പറഞ്ഞ രീതിയില്‍ ടിക്കറ്റെടുക്കാതെ കയറിപ്പോവുന്ന (അബദ്ധത്തില്‍) ആളുകളെ റെയില്‍വേ കൈകാര്യം ചെയ്യുന്നത് മനുഷ്യാവകാശങ്ങള്‍ പോലും മാനിക്കാതെയാണ്. കഴുത്തിനു കുത്തിപിടിക്കുക, ഭീഷണിപ്പെടുത്തുക, പഴ്സ്, മൊബൈല്‍ ഫോണ്‍ തുടങ്ങി അവരുടെ വസ്തുവകകള്‍ ബലമായി പിടിച്ചെടുക്കുക, റെയില്‍വേ കോടതി-ജയില്‍ എന്നൊക്കെ പറഞ്ഞ് മാനസികമായി പീഡിപ്പിക്കുക ഇവയെല്ലാം പരിശോധകരുടെ കലാപരിപാടികളാണ്.

ഇത്രയും പറഞ്ഞത് റെയില്‍വേക്ക് യാത്രക്കാരുടെ കാര്യത്തില്‍ എത്ര ശ്രദ്ധയുണ്ടെന്ന് കാണിക്കാനാണ്. ഷൊര്‍ണ്ണൂര്‍ സംഭവത്തിന്‌ തൊട്ടു തലേദിവസം വെടിക്കെട്ടപകടം നടന്നപ്പോള്‍ അതിലേ പോകുകയായിരുന്ന ഒരു അന്യ സംസ്ഥാന തൊഴിലാളിക്ക് പൊട്ടിത്തെറിയുടെ ആഘാതത്തില്‍ വണ്ടിയില്‍ നിന്ന് തെറിച്ചുള്ള വീഴ്ചയില്‍ കാല്‍ നഷ്ടപ്പെടുകയുണ്ടായി. ആ സാധുവിനെ യാത്രാ ടിക്കറ്റ് കൈവശമുണ്ടായിരുന്നിട്ടുപോലും റെയില്‍വേ തിരിഞ്ഞു നോക്കുകയുണ്ടായില്ല. ഇതാണ്‌ റെയില്‍വേ.

അനധികൃതമായി ട്രെയിനില്‍ കയറുന്ന അന്യ സംസ്ഥാനക്കാരടക്ക്മുള്ള ക്രിമിനലുകളെയും യാചകരെയും നിയന്ത്രിക്കുവാനും സ്ത്രീകളടക്കമുള്ള യാത്രക്കാരുടെ സുരക്ഷക്കും റെയില്‍വേ സത്വര നടപടികള്‍ സ്വീകരിക്കേണ്ടത് ഇന്നത്തെ അനിവാര്യതയാണ്. അന്യ സംസ്ഥാനത്ത് നിന്നും പ്രത്യേകിച്ച് തമിഴ് നാടില്‍ നിന്നും വരുന്ന "തിരുട്ടു റാസ്കലുകളെ" നിലക്ക് നിര്‍ത്താന്‍ കേരളാ ഗവണ്‍മെന്റിന്റെ ഭാഗത്തു നിന്നും അടിയന്തിര നടപടികള്‍ ഉണ്ടായേ പറ്റൂ. അവരെ പിടികൂടി ജയിലിലടക്കുകയോ അല്ലെങ്കില്‍ വല്ല കോളര്‍ ബെല്‍റ്റ് (അമേരിക്കന്‍ മോഡല്‍) പിടിപ്പിച്ച് അതിര്‍ത്തിക്കപ്പുറത്തേക്ക് നാടുകടത്തുകയോ വേണ്ടതാണ്. അതോടൊപ്പം വനിതാ യാത്രികരോടൊരു വാക്ക് കഴിയുന്നതും ഒറ്റക്കാവുമെന്ന് കണ്ടാല്‍ ജനറല്‍ കമ്പാര്‍ട്ട്മെന്റിലേക്ക് കയറുക.

ഭരണ പ്രതിപക്ഷഭേദമന്യേ എല്ലാവരും ഈ വിഷയത്തില്‍ സത്വരമായ ഒരു നടപടി അധികാരികളെകൊണ്ട് എടുപ്പിക്കാന്‍ കാലവിളംബം വരുത്താതെ ശ്രമിക്കേണ്ടതാണ്. ഐസ്ക്രീമെല്ലാം കഴിക്കാനും ബോംബുകള്‍ പൊട്ടിക്കാനും അതു വായും പൊളിച്ചിരുന്നു ചാനലുകളില്‍ കണ്ടു രസിക്കാനും ഇനിയും സമയമുണ്ട്.

കുറിപ്പ്: ഈയുള്ളവനു കിട്ടിയ പരിമിതമായ വിവങ്ങള്‍ വച്ച് തട്ടിക്കൂട്ടിയതാണ്‌ ഈ പോസ്റ്റ്. എന്തെങ്കിലും വിട്ടുപോയിട്ടോ തെറ്റിയിട്ടോ ഉണ്ടെങ്കില്‍ ചൂണ്ടിക്കാണിച്ചു തരിക..ക്ഷമിക്കുക.

വഴിയോര കാഴ്ചകള്‍ - 1

2011-02-01T12:41:00.001+04:00

ചില ഒഴിവു ദിനങ്ങള്‍ വിരസങ്ങളാവുമ്പോള്‍ ബൈക്കുമെടുത്ത് ഒരു കറക്കം. എങ്ങോട്ടെന്നില്ലാതെ, നാട്ടിന്‍പുറത്തിന്റെ മനോഹാരിത ആസ്വദിച്ച് ശുദ്ധവായു ശ്വസിച്ച് ഒരു യാത്ര. അത്തരം ദിനങ്ങളിലൊന്നില്‍ നിന്നും..ഒരു കണക്കിനു കൂടെയാരുമില്ലാത്തതാണ്‌ നല്ലത്. കാരണം നമുക്ക് നമ്മുടെ ചുറ്റുപാടുകളോട് തോന്നുന്ന കാര്യങ്ങള്‍ നിശ്ശബ്ദമായി പറയാന്‍ കൂടെയൊരാളില്ലാത്തതാണ്‌ നല്ലത്.

ഇരിങ്ങാലക്കുട പടിഞ്ഞാറു ഭാഗം - പേരറിയില്ല സ്ഥലത്തിന്റെ.

കൃഷ്ണന്‍കോട്ട ചര്‍ച്ച് (മാള-കൃഷ്ണന്‍കോട്ട റോഡ്)

ശാന്തം സുന്ദരം

കുഴിപ്പിള്ളി - ഏറണാകുളം ജില്ല.

കുഞ്ഞാലിക്കുട്ടി സ്റ്റ്റൈക്സ് എഗൈന്‍!

2011-01-29T12:27:00.000+04:00

കേരളത്തിലെ മാധ്യമ ജീവികള്‍ക്ക് 28നു രാവിലെ വീണു കിട്ടിയ ഒരു വാര്‍ത്ത കുഞ്ഞാലിക്കുട്ടിയുടെ വാര്‍ത്താ സമ്മേളനമാണ്. ടിയാന്‍ എന്തിനിത് നടത്തി എന്നത് ഇപ്പോഴും ദുരൂഹമായി അവശേഷിക്കുന്നു. യു.ഡി.എഫിന്റെ കേരള മോചനയാത്ര അനന്തപുരി ലക്ഷ്യമാക്കി പാഞ്ഞു പോകുന്നത് കണ്ട് അന്തം വിട്ടുനിന്നിരുന്ന ജനം കുഞ്ഞാലിക്കുട്ടിയുടെ ഈ ഏറ്റുപറച്ചില്‍ കണ്ട് അന്തം വിട്ടു നിന്നില്ലെങ്കിലേ അതിശയമുള്ളൂ! ഒരുവിധപ്പെട്ട മുസ്ലീങ്ങളെല്ലാം വെള്ളിയാഴ്ച ദിവസം ജുമുഅ (ഉച്ച നമസ്കാരം) കഴിഞ്ഞിട്ടേ എന്തിനും തുനിഞ്ഞിറങ്ങൂ. എന്നിട്ടും രാവിലെ തന്നെ ചാനല്‍ കാമറക്കു മുന്നില്‍ വച്ച് ഈ വെടി പൊട്ടിക്കാന്‍ കുഞ്ഞാലിക്കുട്ടിയെ പ്രേരിപ്പിച്ചതെന്താണ്.

തന്റെ ജീവനു ഭീഷണിയാണെന്ന് പറയപ്പെടുന്ന റൌഫ് ടിയാന്റെ വലം കൈയായിരുന്ന കാര്യം എല്ലാവര്‍ക്കും അറിയാവുന്നതാണ്.കുഞ്ഞാലിക്കുട്ടിയുടെ മുന്‍ സാരഥിയെ (ഡ്രൈവര്‍) ചിലര്‍ (മാധ്യമ ചാനല്‍ പ്രവര്‍ത്തകര്‍!)രഹസ്യ കാമറയുപയോഗിച്ച് അഭിമുഖം നടത്തുവാന്‍ ശ്രമിച്ചതാണ്‌ കുഞ്ഞാലിക്കുട്ടിയെ പ്രകോപിപ്പിച്ചതെന്ന് പറയപ്പെടുന്നു. ഈ ഒളികാമറാ ഓപ്പറേഷനെകുറിച്ചുള്ള വാര്‍ത്തകള്‍ ഇതുവരെ പുറത്ത് കേട്ടിട്ടില്ല.

അതെല്ലാം എന്തുമാവട്ടെ കുഞ്ഞാലിക്കുട്ടിയുടെ "കുമ്പസാര"സ്വഭാവമുള്ള പ്രസ്താവനയിലേക്ക് വരാം. താന്‍ വഴിവിട്ട് ("അവിഹിതമായി") യാതൊന്നും തന്നെ അയാള്‍ക്കെന്നല്ല (റൌഫിന്) ആര്‍ക്കും ഇനി ജീവിതത്തില്‍ ചെയ്തുകൊടുക്കില്ലെന്നാണ്‌ ടിയാന്‍ പറഞ്ഞത്. എന്താണിതിനര്‍ത്ഥം? എം.എല്‍.എയും മന്ത്രിയുമൊക്കെയായിരുന്നിട്ടുള്ള ഒരു ഉത്തരവാദിത്തപ്പെട്ട ജനപ്രതിനിധിയായിരുന്നിട്ടുള്ള ഒരു വ്യക്തി ഇതുപോലെ ഒരു ഏറ്റു പറച്ചില്‍ നടത്തിയാല്‍ എന്താണ്‌ പൊതുവെ കരുതുക? പ്രഥമ ദൃഷ്ട്യാല്‍ തന്നെ സത്യപ്രതിജ്ഞാ ലംഘനം നടന്നിരിക്കുന്നു. ഈയൊരു പ്രസ്താവന തന്നെ മതി അയാളെ പ്രോസിക്യൂട്ട് ചെയ്യാനുള്ള നടപടികള്‍ ഉത്തരവാദപ്പെട്ട(?) ഒരു സര്‍ക്കാറിനു കൈക്കൊള്ളാന്‍.

എന്തൊക്കെ അവിഹിതങ്ങളാണ്‌ താന്‍ മന്ത്രിയായിരുന്നപ്പോള്‍ നടത്തിയുട്ടുള്ളതെന്നും മറ്റുള്ളവര്‍ക്ക് ചെയ്തുകൊടുത്തിട്ടുള്ളതെന്നും വ്യക്തമായിപറയുവാന്‍ ടിയാന്‍ ബാധ്യസ്ഥനാണ്. കൂടാതെ അദ്ദേഹാം ആരുടെ കീഴിലൊക്കെ മന്ത്രിയായിരുന്നോ ആ മുന്മുഖ്യമന്ത്രി പുംഗവന്മാരും ഇതിനു സമാധാനം പറഞ്ഞേ തീരൂ. കുറ്റസമ്മതത്തെ അഭിനന്ദിച്ചതുകൊണ്ട് ജാഥാ ക്യാപ്റ്റന്‍ ഉമ്മന്‍ ചാണ്ടിക്ക് അതില്‍ നിന്നും ഒഴിയാനൊരിക്കലും കഴിയില്ല. ഉമ്മന്‍ചാണ്ടിക്കും മുഖ്യമന്ത്രി എന്ന നിലയില്‍ ഇതിനെപറ്റി അറിവുണ്ടായിരുന്നിട്ടും നടപടി എടുക്കാന്‍ കഴിഞ്ഞില്ല എന്നത് സത്യമാണ്, അതിന്‌ കാരണം എന്തൊക്കെയായാലും. (ഒരുവേള പാണക്കാട്ട് നിന്നും കഴിച്ച കോഴിബിരിയാണിയായിരിക്കാം). അല്ലെങ്കിലും കോണ്‍ഗ്രസ്സിനു പറയാന്‍ എന്തിനും ഒരു ന്യായമുണ്ടാവും . "മുന്നണി രാഷ്ട്രീയത്തിന്റെ പരിമിതികള്‍". എ. രാജയുടെ പ്രശ്നത്തിലും ഇതേ പല്ലവി തന്നെ നമ്മള്‍ കേട്ടു.

ഇടക്കാലത്ത് ലീഗും സി.പി.എമ്മും തമ്മിലും ചില അഡ്ജസ്റ്റ്മെന്റുകള്‍ നടന്നതായി വാര്‍ത്തകളുണ്ടായിരുന്നു. പ്രത്യേകിച്ചും നായനാര്‍ ഭരണകാലത്ത് റെജീനയുമായി ബന്ധപ്പെട്ട കേസന്വേഷണം നടക്കുന്ന സമയത്ത്. അന്ന് എല്‍.ഡി.എഫ് സര്‍ക്കാര്‍ തുടക്കമിട്ട ജനകീയാസൂത്രണത്തെ ലീഗ് പതിവിനു വിപരീതമായി അകമഴിഞ്ഞു പിന്തുണച്ചതും ഇതോട് ചേര്‍ത്ത് വായിക്കുക.

മാറാട് കലാപ കേസുകള്‍ കേന്ദ്രാന്വേഷണ ബ്യൂറോയെകൊണ്ട് അന്വേഷിക്കണമെന്ന് അഭിപ്രായമുയര്‍ന്നപ്പോള്‍ എതിര്‍ക്കാന്‍ മുന്‍നിരയിലുണ്ടായിരുന്നത് കുഞ്ഞാലിക്കുട്ടി! "ബാക്കിയുള്ളവരെയൊക്കെ പിടിച്ച് ഓര് ജയിലിലിടും" എന്ന് കുഞ്ഞാലിക്കുട്ടി വിലപിച്ചത് ചാനലിലൂടെ നമ്മളെല്ലാം കണ്ടതാണ്. കുഞ്ഞാലിക്കുട്ടിയുടെയും എന്‍.ഡി.എഫിന്റെയും ബാന്ധവം ഒരു കാലത്ത് ചര്‍ച്ചാവിഷയമായതാണ്. തെരഞ്ഞെടുപ്പ് കാലത്ത് എന്‍.ഡി.എഫ് പോലുള്ള വര്‍ഗ്ഗീയ സംഘര്‍ഷാധിഷ്ഠിതമായി പ്രവര്‍ത്തിക്കുന്ന ഒരു സംഘടനകളുടെയും വോട്ട് തങ്ങള്‍ക്ക് (ലീഗിന്) വേണ്ട എന്ന് പറയുവാന്‍ എം.കെ. മുനീര്‍ (ഓനാണ്‌ ആങ്കുട്ടി) തയ്യാറായപ്പോള്‍ "ഞങ്ങള്‍ ആരുടെയും വോട്ട് വേണ്ടെന്ന് പറയില്ല" എന്ന മറുപടിയാണ്‌ കുഞ്ഞാലിക്കുട്ടിയില്‍ നിന്നുണ്ടായത്. ഇവിടെയും കുഞ്ഞാലിക്കുട്ടി സംശയത്തിന്റെ മുനയില്‍ തന്നെയാണ്.

പടച്ചവന്റെ നാമത്തില്‍ പ്രതിജ്ഞയെടുത്ത് അധികാരമേറ്റെടുത്ത തങ്ങളുടെ മുന്‍ മന്ത്രിയായ ഇപ്പോഴത്തെ ജനറല്‍ സെക്രട്ടറി മുന്പ് വഴിവിട്ട പലതും പലര്‍ക്കും ചെയ്തുകൊടുത്ത് എന്ന് കുറ്റസമ്മതം നടത്തിയപ്പോഴും അളിയന്‍ റൌഫ് ആരോപണങ്ങള്‍ ഉയര്‍ത്തിയപ്പോളും ലീഗ് പറയുന്ന മറുപടിയാണ്‌ രസകരം. "ലീഗ് ഇതിനെ ഒറ്റക്കെട്ടായി നേരിടും". അധികാര ദുര്‍വിനിയോഗത്തെ വെള്ളപൂശല്ല്ലെങ്കില്‍ പിന്നെന്താണിത്?. ചുരുങ്ങിയപക്ഷം അധികാര ദുര്‍വിനിയോഗം നടത്തിയിട്ടുണ്ടെങ്കില്‍ അത് തെറ്റായിപ്പോയി എന്നു പറയാനുള്ള ചങ്കൂറ്റം ലീഗിനില്ലാതെപോയി. (അല്ലെങ്കിലും സംസ്ഥാന പ്രസിഡണ്ട് ദേശീയ പ്രസിഡണ്ടിനും മുകളില്‍ വരുന്ന പാര്‍ട്ടിയല്ലേ).

ഈ വിഷയം ഒരു പക്കാ ലീഗുകാരനുമായി പങ്കുവച്ച് സംസാരിച്ചപ്പോ ഓന്‍ പറഞ്ഞത് "ഓന്‍ അന്ന് (റെജീന സംഭവം) അന്ന് മക്കത്ത് നിന്നും വന്നിട്ട് സത്യം ചെയ്ത് പറഞ്ഞത് ഞാന്‍ "അങ്ങിനെയൊന്നും ചെയ്തിട്ടില്ലാ" എന്നാണ്. ലീഗുകാരനു 200% ശതമാനം ഉറപ്പാണ്‌ കുഞ്ഞാലിക്കുട്ടി ശുദ്ധനാണെന്ന്. ഓനാണ്‌ ജമാഅത്ത്, എന്‍.ഡി. എഫ്. തുടങ്ങിയ സംഘടനകളെ നിയന്ത്രിച്ചത്, എ.പി.-ഇ.കെ വിഭാഗങ്ങളെ ഒന്നിപ്പിച്ചത്(??), സി.പി.എമ്മിനെ മലപ്പുറത്ത് കെട്ടുകെട്ടിച്ചത്(?! ഇത്രയും നാള്‍ അത് മഞ്ഞളാംകുഴിയെന്ന കീടമായിരുന്നു) എന്നൊക്കെ പറഞ്ഞ മേല്പറഞ്ഞ ലീഗുകാരന്‍ കത്തികയറുകയാണ്. അപ്പോള്‍ ഈയുള്ളവനൊരു ചോദ്യം ചോദിച്ചു "സര്‍വ്വ ശക്തനായ അല്ലാഹുവിന്റെ" നാമത്തില്‍ സത്യം ചെയ്ത് അധികാരമേറ്റെടുത്തിട്ട് അത് തെറ്റിച്ച് സ്വജനപക്ഷപാതവും "അവിഹിത"ങ്ങളും ചെയ്യുകയും ചെയ്തുകൊടുത്തു എന്നും പറയുന്ന ഒരാളുടെ (റെജീന വിഷയത്തിലുള്ള) സത്യം ചെയ്യല്‍ വിശ്വസിക്കാന്‍ പറ്റുമോ ഇക്കാ?

ഇതു കേട്ട ലീഗനുഭാവി വളരെ ക്ഷുഭിതനായി പറഞ്ഞത് ഇവിടെ കുറിക്കാന്‍ കൊള്ളില്ല. അല്ലെങ്കിലും ഇങ്ങള്‍ ****കമ്യൂണിസ്റ്റുകാര്‍ക്ക് ഓന്റെ നെലേം ബെലേം(????) (നിലയും വിലയും)കാണുമ്പോ അസൂയയാ.." ഈ വാചകം അതിന്റെ ഒരു ഭാഗം മാത്രം.

ഇതാണ്‌ ലീഗിനും ലീഗുകാര്‍ക്കും പറ്റുന്ന കുഴപ്പം. തങ്ങളുടെ നേതാക്കന്മാര്‍ തെറ്റുകാരാണെന്ന് ഒരുക്കലും സമ്മതിക്കില്ല - അതവര്‍ സമ്മതിച്ചാല്‍ പോലും.

പ്രവാസി ഭാരതീയ രാക്ഷസന്മാര്‍

2011-01-19T12:10:00.000+04:00

ഈ വര്‍ഷത്തെ ആദ്യത്തെ പോസ്റ്റാണിത്. ദുബായിലെ ഒരു സ്കൂളിലെ ഇന്ത്യന്‍ വിദ്യാര്‍ത്ഥിനിയായ നാലു വയസ്സുകാരിയുടെ ദുര്യോഗ വാര്‍ത്തയാണ്‌ ഇതെഴുതാന്‍ പ്രേരണയായത്. സ്കൂള്‍ ബസ്സിന്റെ ഡ്രെവറും മറ്റു രണ്ട് പേരും ചേര്‍ന്ന് (3 പേരും ഇന്ത്യാക്കാര്‍) ആ പിഞ്ചു ബാലികയോട് ചെയ്ത ക്രൂരത മനക്ഷ്യ മനസ്സാക്ഷിയെ ഞെട്ടിക്കുക മാത്രമല്ല മുഴുവന്‍ പ്രവാസി ഇന്ത്യാക്കാര്‍ക്കും മാനക്കേട് ഉണ്ടാക്കി വച്ചിരിക്കുകയാണ്. ഈയിടെയായി സൂപ്പര്‍മാര്‍ക്കറ്റ് തട്ടിപ്പും മറ്റും ഇന്ത്യാക്കാരുടെ വകയായി മാധ്യമങ്ങളില്‍ സ്ഥാനം പിടിച്ചു വരുന്നതിനിടയിലാണ്‌ ഈ ക്രൂരതയുടെ വാര്‍ത്ത പുറം ലോകം അറിയുന്നത്. പിടിയിലായ ഇവര്‍ക്ക് സൌദിയിലും ഇറാനിലും നടപ്പക്കുന്ന രീതിയിലുള്ള ശിക്ഷയാണ്‌ നല്‍കേണ്ടത് എന്നാണ്‌ എന്റെ എളിയ അഭിപ്രായം.

കെ. കരുണാകരന്റെ വേര്‍പാട്.

2010-12-25T11:09:00.001+04:00

കേരളരാഷ്ട്രീയത്തിലെ ഭീഷ്മാചാര്യനായിരുന്ന് മുന്‍മുഖ്യമന്ത്രി ശ്രീ. കെ. കരുണാകരന്റെ വേര്‍പാടില്‍ അതിയായി അനുശോചിക്കുന്നു. ഈയുള്ളവനു ഓര്‍മ്മ വെച്ച നാളുകളില്‍ കേരളത്തിലെ കോണ്‍ഗ്രസ്സ് എന്നാല്‍ കരുണാകരനായിരുന്നു. മറ്റു കഥാപാത്രങ്ങളെല്ലാം തികച്ചും അപ്രശസ്തരായിരുന്നു. ഇന്ദിര-രാജീവ് കാലഘട്ടത്തില്‍ അവരോടൊപ്പം ഉറച്ചു നിന്ന് കരുണാകരന്‍ പിന്നീട് വന്ന കോണ്ഗ്രസ്സ് നേതൃത്വങ്ങള്‍ക്ക് അനഭിമിതനാക്കപ്പെടുകയും ഒരു വേള തികച്ചും അവഗണിക്കപ്പെടുകയും ചെയ്തു. കരുണാകരന്റെ രാഷ്ട്രീയമായ ചില നിലപാടുകളോട് എതിര്‍പ്പ് തോന്നിയിട്ടുണ്ടെങ്കിലും അദ്ദേഹത്തിന്റെ ഭരണ വൈഭവത്തെ ബഹുമാനത്തോടെയാണു നോക്കി കണ്ടിട്ടുള്ളത്.

"നാടിന്റെ വികസനത്തില്‍ നിര്‍ണ്ണായക പങ്ക് വഹിച്ച വ്യക്തി" എന്ന് മുഖ്യമന്ത്രിയെകൊണ്ട് പറയിപ്പിച്ചതിന്റെ കാരണം മറ്റെന്താണ്? ആശ്രിതവല്‍സലനായ ആ നേതാവിന്റെ മുന്നോട്ടുള്ള പ്രയാണം എപ്പോഴോ തെറ്റായ വഴിയിലേക്ക് മാറിപ്പോയി. ഏതുപ്രതിസന്ധിയിലും കൂടെ നിന്നിട്ടുള്ള "ഹൈക്കമാന്റ്" അദ്ദേഹത്തെ തികച്ചും അവഗണിക്കുന്നതുവരെയെത്തി കാര്യങ്ങള്‍.

മകന്‍ മുരളീധരന്റെ കോണ്‍ഗ്രസ്സ് പുനപ്രവേശം അദ്ദേഹത്തിന്റെ അന്ത്യാഭിലാഷമായിരുന്നിരിക്കണം. പക്ഷെ കെ.പി.സി.സിയുടെ അത്തളപിത്തള തവളാച്ചി കളികളില്‍ അദ്ദേഹത്തിനു അത് കണ്ടിട്ട് കണ്ണടക്കാന്‍ യോഗമുണ്ടായിരുന്നില്ല. തന്നെ വളര്‍ത്തികൊണ്ട് വന്ന ലീഡറുടെ ഈ ഒരു ആഗ്രഹം നടത്തിക്കൊടുക്കുവാന്‍ കെ.പി.സി.സി. പ്രസിഡണ്ട് എന്ന നിലയില്‍ കഴിഞ്ഞില്ലല്ലോ എന്നാലോചിട്ടാവാം രമേശ് ചെന്നിത്തലക്ക് ചാനലുകളോട് ലീഡറുടെ വേര്‍പാട് അറിയിച്ചപ്പോള്‍ കരച്ചില്‍ വന്നത്. ലീഡര്‍ക്കിട്ട് തരം കിട്ടുമ്പോഴൊക്കെ പണിതിരുന്ന ചില നേതാക്കന്മാരെയും ചാനലുകളില്‍ നിറഞ്ഞു നില്‍ക്കുന്നത് കണ്ടു. അതില്‍ ചിലര്‍ ആ ഭൌതിക ദേഹത്തെ അനുഗമിക്കുവാന്‍ തിക്കിതിരക്കുന്നതും കണ്ടു.

ഒരു പ്രവാസി എന്ന നിലയില്‍ കെ. കരുണാകരന്റെ സംഭാവനകളെപറ്റി ഓര്‍ക്കുമ്പോള്‍ ആദ്യം ഓര്‍ക്കുന്നത് വര്‍ഷാവര്‍ഷം അവധിക്ക് പറന്നിറങ്ങുന്ന നെടുമ്പാശേരി അന്തര്‍ദേശീയ വിമാനത്താവളം തന്നെയാണ്. എയര്‍പോര്‍ട്ടിന്റെ നിര്‍മ്മാണ പ്രവര്‍ത്തനങ്ങള്‍ തുടങ്ങിയപ്പോള്‍ അതിനെ എതിര്‍ത്ത് സമരം നയിച്ചവര്‍ പിന്നീട് നിയമസഭ വഴി "സിയാലിന്റെ" ഭരണ സമിതിയില്‍ വരെ എത്തിയിട്ടുണ്ടാകാം. നൂറുമേനി വിളയുന്ന പാടങ്ങള്‍ നികത്തി എയര്‍പോര്‍ട്ട് എന്ന ഐ.എ.സു.കാരന്റെ ആശയത്തിനു ലീഡര്‍ തികഞ്ഞ പിന്തുണയാണ്‌ നല്കിയതെന്ന് അദ്ദേഹം എന്നും ഓര്‍ക്കുന്നു.

ജീവിച്ചിരിക്കുമ്പോള്‍ അദ്ദേഹത്തിനിട്ടു പണിതവര്‍ അദ്ദേഹത്തിന്റെ മരണത്തില്‍ അനുശോചിച്ച് നിറഞ്ഞു നില്ക്കുന്നു. കാരണം അവര്‍ക്കുമറിയാം ലീഡര്‍ക്ക് തുല്യം ലീഡര്‍ മാത്രമാണുള്ളതെന്ന്‌. അതിവേഗം ബഹുദൂരമോടുന്നവരും, മുരളി പറഞ്ഞപോലെ പൌഡര്‍കുട്ടപ്പന്മാരായി നടക്കുന്നവരും, ആദര്‍ശ ധീരന്മാരും(???!!!!), കോണ്‍ഗ്രസ്സ് പ്രവര്‍ത്തകരെ ഖദറിട്ട മാംസപിണ്ഡങ്ങളെന്നും, ഇക്കോണമി ക്ലാസില്‍ യാത്ര ചെയ്യുന്നവരെ കന്നുകാലികളെന്നും വിളിച്ചതുമായ നേതാക്കള്‍ക്കൊന്നും ഒരിക്കലും ഒരു ലീഡറാകാന്‍ കഴിയില്ല.

ശ്രീ. കെ. കരുണാകരന്റെ വേര്‍പാടില്‍ അനുശോചിക്കുന്നതോടൊപ്പം അദ്ദേഹത്തിനുവേണ്ടിയുള്ള പ്രാര്‍ത്ഥനയില്‍ കുടുംബാംഗങ്ങളോടൊപ്പം മനസ്സുകൊണ്ട് പങ്കുചേരുന്നു.

ആഗ്രഹിച്ചാല്‍ മതിയോ?!

2010-11-30T18:20:00.000+04:00

നമ്മുടെ ചാനല്‍ ചര്‍ച്ചകളില്‍ പങ്കെടുക്കുന്ന ചില നേതാക്കന്മാരും മറ്റും ഒരു കാര്യത്തിനെ പറ്റി പറയുമ്പോള്‍ "ഞാന്‍ ചോദിക്കാന്‍ ആഗ്രഹിക്കുകയാണ്" "ഞാന്‍ പറയാന്‍ ആഗ്രഹിക്കുകയാണ്" എന്നെല്ലാം വച്ചു കാച്ചുന്നത് കാണാം. യഥാര്‍ത്ഥത്തില്‍ അവര്‍ക്ക് ഇങ്ങിനെ "ആഗ്രഹിക്കുന്നതിനു" പകരം പറയുകുകയോ ചോദിക്കുകയോ ചെയ്തുകൂടെ???!!!

അപ്രതീക്ഷിതം ഈ അതിരപ്പിള്ളി-വാഴച്ചാല്‍ യാത്ര.. ഭാഗം - 2

2010-11-15T18:33:00.001+04:00

തിരികെ അതിരപ്പിള്ളിക്ക് വച്ചു പിടിച്ചു. ഇടക്ക് എത്തിയപ്പോള്‍ ഒരു ബൈക്ക് ഹെഡ് ലൈറ്റ് ദൂരെനിന്നു തന്നെ കത്തിച്ചു കാണിക്കുന്നു. വണ്ടി നിര്‍ത്തിയപ്പോള്‍ ആന്റോയുടെ അനുജനും അവന്റെ കൂട്ടുകാരനും. ഇത് നേരത്ത് അറിഞ്ഞിരുന്നു എങ്കില്‍ എന്ന് ഞങ്ങള്‍ രണ്ട് പാര്‍ട്ടീസും പറഞ്ഞത് ഒരേ സ്വരത്തില്‍. പെട്ടെന്ന് എവിടെ നിന്നോ ഒരു ഗാര്‍ഡ് പ്രത്യക്ഷപ്പെട്ടു. അവിടെ നിര്‍ത്താന്‍ പാടില്ല എന്ന ബോര്‍ഡ് ചൂണ്ടിക്കാട്ടി വേഗം വണ്ടി വിട് മക്കളേ എന്നൊരു ഓര്‍ഡര്‍. അനുസരിക്കുകയല്ലാതെ വഴിയുണ്ടായിരുന്നില്ല. അവര്‍ വാഴച്ചാലിലേക്കും ഞങ്ങള്‍ തിരികെ അതിരപ്പിള്ളിയിലേക്കും തിരിച്ചു.

അതിരപ്പിള്ളിയിലെ തിരക്കിനു യാതൊരു കുറവുമില്ല. പ്രവേശന കവാടത്തില്‍ വിവരണങ്ങള്‍ പല പല ബോര്‍ഡുകളിലായി എഴുതി വച്ചിരിക്കുന്നു. ഒരു ടിക്കറ്റ് കൌണ്ടര്‍ അവിടെയും ഉണ്ട്. അരികെ വായ്നോട്ടത്തിലേര്‍പ്പെട്ടിരിക്കുന്ന പാണ്ടികള്‍. പാണ്ടി സ്ലാംഗ് ഡയലോഗ് എവിടെയും അലയടിക്കുന്നു. വണ്ടി ഒരിടത്ത് വച്ചതിനു ശേഷം പ്രവേശന കവാടത്തിലെ പരിശോധനയും കടന്ന് ഞങ്ങള്‍ അതിരപ്പിള്ളിക്കുള്ള കയറ്റം കയറാന്‍ തുടങ്ങി. കരിങ്കല്ലു പാകിയ വഴി. ഹൈഹീല്‍ ചെരുപ്പിട്ട ചില തരുണികള്‍ (ചിത്രത്തിലില്ല) വീഴാതെ നടക്കാന്‍ പാടുപെടുന്നു. കുറച്ചു ദൂരം കുത്തനെ കയറിയതിനു ശേഷം കുത്തനെ ഇറക്കം. ഇവിടെയും മനുഷ്യന്‍ കഴിഞ്ഞാല്‍ കൂടുതല്‍ കുരങ്ങന്മാരെയാണ്‌ കാണുന്നത്. ഒരു മരത്തിനു മുകളില്‍ നിന്നും വന്ന വാനര സൈനികന്‍ പാത്തും പതുങ്ങിയും ഞങ്ങളുടെ തൊട്ടു മുന്പില്‍ പോകുന്ന സംഘത്തിനു പിന്നാലെ വച്ചു പിടിക്കുന്നത് കണ്ടപ്പോള്‍ കൌതുകം തോന്നി. പെട്ടെന്ന് അതിലൊരു കുട്ടിയുടെ കൈയിലുണ്ടായിരുന്ന "ഫ്രൂട്ടി" തട്ടിപ്പറിച്ചുകൊണ്ട് അടുത്ത മരത്തിലേക്ക് അവന്‍ ഒരൊറ്റ കയറ്റം. അവര്‍മൊത്തം പകച്ച് നില്‍ക്കുന്നു. അറിയാതെ ഞാന്‍ കാമറ മുറുകെ പിടിച്ചു.

ചെറുതും വലുതുമായ സംഘങ്ങളായി ആളുകള്‍ അങ്ങിങ്ങ് നീങ്ങിക്കൊണ്ടിരിക്കുന്നു. വെള്ളച്ചാട്ടത്തിന്റെ പതന സ്ഥലത്തേക്ക് കരിങ്കലല്‍ പാകിയ ഒരു ചെറിയ പാത കണ്ടു. നല്ല താഴ്ചയിലേക്ക് കുത്തനെ ഇറങ്ങുന്ന പാത്. ഞാന്‍ തെല്ലൊന്നു സംശയിച്ച് നിന്നപ്പോള്‍ അന്തപ്പന്‍ പ്രോല്‍സാഹിപ്പിച്ചുകൊണ്ട് പറഞ്ഞു. "വാ ഇക്കാ..". സംശയത്തെ മുകളില്‍ ഉപേക്ഷിച്ച് താഴേക്ക് ഇറക്കം തുടങ്ങി. മലമ്പ്രദേശങ്ങളിലെ റോഡുകളെ ഓര്‍മ്മിപ്പിക്കുന്ന തരത്തിലുള്ളതുപോലെ താഴേക്ക് വളഞ്ഞു പുളഞ്ഞ് ഇറങ്ങുന്ന വഴി. സൂക്ഷിച്ച് ഇറക്കം തുടങ്ങി. ചിലര്‍ വൃക്ഷങ്ങളുടെ വേരുകളിലും മറ്റും പിടിച്ച് കുത്തനെ കയറുന്നു. പൊണ്ണത്തടിയനായ ഒരു സായ്പ് ഈസിയായി കയറ്റം കയറിവരുന്നു. ന്റമ്മോ എന്തൊരു സ്റ്റാമിന?! മക്കളുടെയും കൊച്ചുമക്കളുടെയും കൂടെ വന്ന് അവരുടെ നിര്‍ബന്ധത്തിനു വഴങ്ങി കുറച്ചു ദൂരം ഇറക്കമിറങ്ങി "വിവരമറിഞ്ഞ" ചില അമ്മച്ചിമാര്‍ പറയുന്നത് കേട്ടു " ഹൊ.. ഇതാണെങ്കില്‍ വരേണ്ടായിരുന്നു".

ഇതൊന്നും കേട്ടതായി ഭാവിക്കാതെ ആന്റോ ഇറക്കം ഇറങ്ങുകയാണ്. വീഴാതിരിക്കാന്‍ വളരെയധികം ശ്രദ്ധിക്കണം. അവസാനം വെള്ളച്ചാട്ടം പതിക്കുന്ന സ്ഥലത്തെത്തി. അതിന്റെ ഒരു ഭംഗി പറഞ്ഞറിയിക്കുക അസാധ്യം! പാറകളിലേക്ക് അടിച്ചുവീണു ചിതറുന്ന വെള്ളത്തുള്ളികള്‍ ധൂളികളായി എല്ലായിടത്തും പരക്കുന്ന കാഴ്ച അതിമനോഹരം. (കാമറക്കണ്ണുകള്‍ ഫോട്ടോയെടുക്കുമ്പോള്‍ മാത്രം തുറന്നു വക്കുവാന്‍ ശ്രദ്ധിക്കുക). അവിടെയും ഒരുപാട് ആളുകള്‍ ഒറ്റക്കും കൂട്ടായും ഉണ്ട്. വെള്ളച്ചാട്ടത്തിനടിയിലേക്ക് ആളുകള്‍ പോകുന്നത് ഒഴിവാക്കുവാന്‍ കയര്‍ കെട്ടി തിരിച്ചിരിക്കുന്നു, നിരീക്ഷിക്കാന്‍ ആളുകളുമുണ്ട്. ചുറ്റും പ്രകൃതിയുടെ വന്യമായ സൌന്ദര്യം നിറഞ്ഞു നില്‍ക്കുന്നു. അവിടെ കുറെ സ്നാപ്സ് എടുത്തു. വെള്ളത്തില്‍ ഒലിച്ചു വന്ന ഒരു വലിയ മരത്തടി മുകളില്‍ നിന്ന് "ഇപ്പോ വീഴും" എന്ന നിലയില്‍ നില്‍ക്കുന്നു. വെള്ളച്ചാട്ടത്തിനരികില്‍ പ്രണയ ചിത്രങ്ങള്‍ എടുക്കുന്ന ചില ഉത്തരേന്ത്യന്‍ കമിതാക്കളും ദമ്പതികളും. തമിഴ് മക്കള്‍ എല്ലായിടത്തുമുണ്ട്.

കുറെ നേരം വെള്ളച്ചാട്ടത്തിന്റെ അടിഭാഗത്ത് നിന്നു. ഇത്രക്ക് മനോഹരമായ ഒരു വെള്ളച്ചാട്ടത്തിന്റെ അവസ്ഥ ഒരു ജലവൈദ്യുത പദ്ധതി വന്നാലെന്തായിരിക്കും എന്ന് ചിന്തിക്കാതിരുന്നില്ല. കേന്ദ്ര മന്ത്രി ജയറാം രമേഷിനെ മനസ്സില്‍ സ്മരിച്ചു. ഒരാളെങ്കിലും (അതും ഒരു രാഷ്ട്രീയക്കാരന്‍) അതിരപ്പിള്ളിക്ക് വേണ്ടി വാദിക്കുന്നുണ്ടല്ലോ! വര്‍ത്തമാനകാലത്തിലെ വികസന വാദികളായ രാഷ്ട്രീയക്കാരുമായി താരതമ്യം ചെയ്യുമ്പോള്‍ ഇദ്ദേഹം ഒരു അപൂര്‍വ മനുഷ്യന്‍ തന്നെ സംശയമില്ല. (ഞാന്‍ ഒരു കോങ്ക്രസ്സ്കാരനല്ല കേട്ടോ). കുറച്ച് നേരത്തിനു ശേഷം തിരിച്ച് കയറാന്‍ തീരുമാനിച്ചു. ശരിക്കും വിവരമറിഞ്ഞു എന്നുപറഞ്ഞാല്‍ അധികമാവില്ല. നല്ല കഠിനം തന്നെ തിരിച്ചുള്ള കയറ്റം. ഇടക്ക് ഞാന്‍ ഫോട്ടൊ എടുക്കാനെന്ന ഭാവത്തില്‍ അല്പം ഇരുന്നു.

ഒരു വിധം മുകളില്‍ എത്തി. അവിടെ ആളുകള്‍ക്ക് ഇരിക്കുവാന്‍ മുളയും ഓലയും മറ്റും ഉപയോഗിച്ച് നിര്‍മ്മിച്ച ചില ഷെഡുകള്‍ ഉണ്ട്. അവിടെ നീണ്ടു നിവര്‍ന്ന് മലര്‍ന്നു കിടന്നു. കൈയില്‍ ഭക്ഷണ പാക്കറ്റുകളിലില്ലാത്തതിനാലാവണം വാനരന്‍മാര്‍ ഞങ്ങളെ തീരെ മൈന്റ് ചെയ്തില്ല. നേരത്തെയുണ്ടായ സംഭവം ഓര്‍മ്മയുണ്ടായതിനാല്‍ കാമറ ഭദ്രമാക്കി വച്ചു. ആന്റോ കൊണ്ടു വന്ന ഇളം തണുപ്പുള്ള വെള്ളം കുടിച്ചപ്പോള്‍ ഒന്ന് ഉഷാറായി. നല്ല വെയിലുണ്ട്. തെളിഞ്ഞ അന്തരീക്ഷം. രാവിലത്തെ മഴക്കോള്‌ കണ്ടപ്പോള്‍ ഇത്ര തെളിഞ്ഞ അന്തരീക്ഷം ഒരിക്കലും പ്രതീക്ഷിച്ചില്ല. വെള്ളച്ചാട്ടത്തിന്റെ മുകള്‍ഭാഗത്തേക്ക് നടന്നു. മുകളില്‍ നിന്നുള്ള ദൃശ്യവും എത്ര വര്‍ണ്ണിച്ചാലും മതിയാവില്ല. അത്രക്ക് ഭംഗി.

ഒരുപാട് നേരം ആസ്വദിച്ച് നിന്നു. മുളകൊണ്ട് കെട്ടിയിരിക്കുന്ന കൈവരിയുടെ ബലത്തില്‍ അത്രക്ക് വിശ്വാസമില്ലാത്തതുകൊണ്ട് അതില്‍ നിന്നും കുറച്ച് അകലം പാലിച്ചു. "എന്തിനാ വെറുതെ റിസ്കെടുക്കുന്നേ" എന്ന പരസ്യ വാചകം മനസ്സില്‍ മുഴങ്ങുന്നുണ്ടായിരുന്നു. ഇടതുഭാഗത്ത് വെള്ളം ഒഴുകി വരുന്ന ചാലില്‍ ഒരുപാട് ആളുകള്‍ മുങ്ങി നിവര്‍ന്നുകൊണ്ട് തിമര്‍ക്കുകയാണ്. ഇടക്കിടെ ഫുട്ബോള്‍ മാച്ചിനിടക്കുള്ള പോലെ വിസിലിന്റെ ശബ്ദം - ഗാര്‍ഡുമാരുടെ വക. എന്നാലും ചില കേമന്‍മാര്‍ ഒരുപാട് മുന്നിലേക്ക് അതിക്രമിച്ച് കടന്നിരിക്കുന്നു. ഇടക്കിടെ പത്രത്തിലും മറ്റ് മീഡിയാകളിലും കാണുന്ന "അതിരപ്പിള്ളിയില്‍ ***** കാണാതായി, അതിരപ്പിള്ളിയില്‍ **** മുങ്ങിമരിച്ചു" തുടങ്ങിയ വാര്‍ത്തകള്‍ മനസ്സിലേക്ക് കടന്നുവന്നു. നല്ല വഴുക്കലുള്ള പറകളാണ്‌ അവിടെ. ചിലയിടത്ത് നല്ല കുഴികളും ഉണ്ട്. അതുകൊണ്ട് സാഹസം ഒഴിവക്കുന്നതാണ്‌ ബുദ്ധി.വെള്ളത്തില്‍ മുങ്ങിനിവരുന്ന വനിതകളുള്ളിടത്ത് കുറച്ച് തിരക്കനുഭവപ്പെടുന്നത് കാണുന്നുണ്ടായിരുന്നു. ആയുധമേന്തിയ ദൈവങ്ങളെപ്പോലെ മൊബൈല്‍ കാമറ പിടിച്ച് നിന്നുകൊണ്ട് ദൃശ്യങ്ങള്‍ പകര്‍ത്തുന്നവര്‍ ഒരുപാടുണ്ട്. ജീവനില്ലാത്ത ശരീരത്തെപ്പോലും മൊബൈലില്‍ പകര്‍ത്തുന്ന കാമറമാന്മാരുടെ സ്വന്തം നാടാണല്ലോ നമ്മുടെത്.

വെയില്‍ കുറച്ച് തലക്കടിച്ചു തുടങ്ങിയപ്പോള്‍ ഒരു തരം അസ്വസ്ഥത അനുഭവപ്പെടാന്‍ തുടങ്ങി. കൂടാതെ നല്ല വിശപ്പും. തിരിച്ച് കയറാന്‍ തീരുമാനിച്ചു. കുറച്ച് ക്ഷീണമൊക്കെയുണ്ടായിരുന്നു എങ്കിലും ഭക്ഷണ കാര്യമായതിനാല്‍ കാലുകളുടെ വേഗതയെ അത് തെല്ലും കുറവു വരുത്തിയില്ല. മുന്പ് പറഞ്ഞ ഷെഡുകളില്‍ ചിലര്‍ ഭക്ഷണം കഴിക്കുന്നു. അവിടെനിന്നും വല്ലതും അടിച്ചുമാറ്റാന്‍ തക്കം പാര്‍ത്ത് കുരങ്ങന്‍മാര്‍.

സമയം 3:15. ഞങ്ങള്‍ പ്രവേശന കവാടത്തിലെത്തി. അങ്ങിങ്ങ് കാണുന്ന ഭക്ഷണശാലകളില്‍ ഭേദമെന്ന് തോന്നിയ ഒന്നില്‍ കയറി. ഊണിന്റെ സമയമെല്ലാം കഴിഞ്ഞിരിക്കുന്നു. അവസാനം ചോറും നന്നായി വെള്ളം ചേര്‍ത്ത സാമ്പാറും മുളകുപൊടിയാല്‍ സമൃദ്ധമായ അച്ചാറും മുന്നിലെത്തി. ഇതാണെത്രെ ഊണ്. എന്തായാലും വയറിന്റെ വിളി അവഗണിക്കാനാവില്ലല്ലോ. ആന്റോക്ക് ഇതൊന്നും പുത്തരിയല്ല. തിരുവനന്തപുരം മുതല്‍ കാസര്‍ഗോഡ് വരെ സെയില്‍സിനു വേണ്ടി യാത്രചെയ്യുമ്പോള്‍ ഇതുപോലുള്ള ഊണ്‌ കഴിക്കാറുണ്ടെന്ന് അവന്‍ പറഞ്ഞപ്പോള്‍ സമാധാനമായി. കൊണ്ടു വച്ച ഭക്ഷണം മുഴുവന്‍ കഴിക്കാന്‍ തോന്നിയില്ല. വിശപ്പിനു തെല്ലൊരു ആശ്വാസം തോന്നിയപ്പോള്‍ എഴുന്നേറ്റു. 30 രൂപ. എന്റെ അഭിപ്രായത്തില്‍ ഒരു 10 രൂപക്കേ ഉള്ളൂ!. എന്തായാലും വിശപ്പിന്‌ അശ്വാസമായതിലോടെ ശരീരത്തിനും ഒരു ഉണര്‍വ് അനുഭവപ്പെട്ടു.

ശരീരത്തിനു കുറച്ച് ക്ഷീണം അനുഭവപ്പെട്ടു തുടങ്ങിയത് വീണ്ടും വണ്ടിയെടുത്തപ്പോഴാണ്. എന്നാലും യാത്ര അതിയായി ആസ്വദിക്കാന്‍ കഴിഞ്ഞു. വീട്ടിലേക്കെത്തുവാന്‍ ആന്റോക്ക് വലിയ തിടുക്കമൊന്നുമുണ്ടായില്ല. വരുന്ന വഴിക്ക് ഒരു വാട്ടര്‍തീം പാര്‍ക്ക് ഉണ്ട്. വലിയ കവാടവും മറ്റും ദൂരെനിന്നും കാണാം. ഒരു നിഗൂഡമായ കോട്ടപോലെ തോന്നിച്ചു അതിന്റെ നില്‍പ്പ്. അവിടെ നിന്നും മൂന്നാര്‍, കൊച്ചി എയര്‍പോര്‍ട്ട് എന്നിവിടങ്ങളിലേക്ക് എളുപ്പവഴിയുണ്ട്. മൂന്നാറിലേക്ക് ഒരു എണ്ണപ്പന തോട്ടത്തിനു നടുവിലൂടെയുള്ള വഴി. തോട്ടത്തിലേക്ക് കടക്കുന്ന സ്ഥലത്ത് ഒരു സെക്യൂരിറ്റി പോസ്റ്റും. നല്ല ഒരു ചേട്ടനായിരുന്നു ആ സമയത്ത് അവിടെ ഡ്യൂട്ടിക്കുണ്ടായിരുന്നത്. അദ്ദേഹം ആ തോട്ടത്തിനെപറ്റിയും വഴിയെ പറ്റിയും എല്ലാം വിശദമായി പറഞ്ഞു തന്നു. പക്ഷെ ഞങ്ങള്‍ക്ക് അങ്ങോട്ട് പോകാന്‍ തോന്നിയില്ല. നേരം 5 മണിയാവാറായിരിക്കുന്നു. അവിടെ ഒരു പാലമുണ്ട്. ചാലക്കുടി പുഴ ആ പാലത്തിനടിയിലൂടെ ഒഴുകിവരുന്നു. വളരെ മനോഹരമാണ്‌ ഇവിടവും. വണ്ടി വഴിയിലൊതുക്കി കുരച്ചു നേരം അവിടെ നിന്നു.

വീട്ടിലേക്ക് വച്ചുപിടിക്കാന്‍ നേരമായി. ഇനിയെത്ര നാള്‍ അതിരപ്പിള്ളി എന്ന സുന്ദരിയെ ഇതുപോലെ കാണാന്‍ കഴിയും എന്നാണ്‌ മടങ്ങുമ്പോള്‍ ചിന്തിച്ചത്. ജലവൈദ്യുത പദ്ധതി വന്നാല്‍ ഇവിടെ എന്താവുമോ എന്തോ? എടുത്ത് പറയാവുന്ന കാര്യം നല്ല രീതിയിലുള്ള ചില പ്രതിഷേധ പ്രസ്ഥാനങ്ങള്‍ അങ്ങിങ്ങ് പ്രവര്‍ത്തിക്കുന്നുണ്ട്. പണ്ട് ആളുകള്‍ക്ക് ഇത്രക്കും വിവരം വെക്കുന്നതിനു മുന്പ് ഡാമൊക്കെ ഉണ്ടാക്കിയപോലെ ഇന്നത്തെ കാലത്ത് അത്ര എളുപ്പമല്ല. അതിരപ്പിള്ളിയില്‍ അണക്കെട്ട് പണിയാന്‍ കാണിക്കുന്നത്ര താല്‍പര്യം അങ്ങ് മുല്ലപ്പെരിയാറിന്റെ കാര്യത്തില്‍ പ്രകടിപ്പിച്ചിരുന്നുവെങ്കില്‍ എത്ര നന്നാവും. 999 വര്‍ഷത്തെ പാട്ടകരാറിന്റെ കാര്യത്തില്‍ കേരളം പാണ്ടികള്‍ക്ക് അടിപ്പെടുന്ന സമീപനമാണ്‌ തുടര്‍ന്നു പോരുന്നത്. പാണ്ടികളാണെങ്കില്‍ കിട്ടാവുന്നതൊക്കെ കേരളത്തില്‍ നിന്നും അടിച്ചെടുക്കുകയും ചെയ്യുന്നു. മുല്ലപ്പെരിയാറിലെയും മറ്റു ചില അണക്കെട്ടുകളിലെയും വെള്ളവും പിന്നെ പാലക്കാട് റെയില്‍വേ ഡിവിഷന്‍ വരെ എത്തി നില്‍ക്കുന്നു കാര്യങ്ങള്‍. കേരളീയരുടെ അരിയും പച്ചക്കറികളും കാണിച്ച് ഭീഷണിപ്പെടുത്തി അവര്‍ കാര്യം നേടുന്നു. എന്താ ചെയ്യാ???!!!

ഞങ്ങള്‍ കാടിറങ്ങുമ്പോള്‍ ചിന്തകള്‍ കാട് കയറുകയായിരുന്നു. വൈകുന്നേരമായതോടെ റോഡില്‍ തിരക്ക് തുടങ്ങി. എല്ലാവരും മടങ്ങുകയാണ്. ചാലക്കുടിയിലെ ഇന്ത്യന്‍ കോഫി ഹൌസിലെ ചായയും മസാലദോശയും കൂടി കഴിച്ചപ്പോള്‍ ഉണ്ടായിരുന്ന ക്ഷീണമെല്ലാം എവിടെയോ പോയ്മറഞ്ഞു. സാധാരണ ഒരു യാത്ര കഴിഞ്ഞാലുണ്ടാവാറുള്ള തലവേദന ഇത്തവണ ഇല്ലായിരുന്നു. ആദ്യാവസാനം ആസ്വദിച്ച് തന്നെ പോയി വന്നു. ആന്റോയെപോലെ ഒരു കൂട്ടുകാരനെ ഇത്തരം യാത്രകളില്‍ കിട്ടിയാല്‍ അതൊരു ഭാഗ്യം തന്നെ. അടുത്ത വെക്കേഷനില്‍ അതിരപ്പിള്ളി വഴി വാല്‍പ്പാറ-പൊള്ളാച്ചി ഒന്നു പോയി നോക്കാന്നാണ്‌ ഞങ്ങളുടെ ഇപ്പോഴത്തെ പ്ലാന്.

ഇനി അടുത്ത വെക്കേഷന്‍ വരെ (മിക്കവാറും അടുത്ത ചെറുപെരുന്നാളിനോ അതിനു ശേഷമോ) കാത്തിരിക്കുക. അതുവരെ വരണ്ടുണങ്ങിയ മരുക്കാഴ്ചകള്‍ കണ്ടുകൊണ്ട് കഴിച്ചുകൂട്ടുക തന്നെ. ദൈവത്തിന്റെയും നമ്മുടെയും സ്വന്തം നാടിനെ ഒരുപാടൊരുപാട് ഓര്‍ത്തുകൊണ്ട്....

സ്വകാര്യം: (നെറ്റിനു സ്പീഡ് കുറവായതിനാല്‍ ഫോട്ടോസ് ചിലത് അപ്‌ലോഡ് ചെയ്യാന്‍ പറ്റിയിട്ടില്ല. അടുത്തു തന്നെ ആ ഫോട്ടോസ് മാത്രം ഒരു പോസ്റ്റായി പ്രതീക്ഷിക്കാം. എല്ലാവര്‍ക്കും ഈദ് മുബാറക്ക്).

അപ്രതീക്ഷിതം ഈ അതിരപ്പിള്ളി-വാഴച്ചാല്‍ യാത്ര.. ഭാഗം - 1

2010-11-03T11:41:00.001+04:00

ആസ്വാദ്യകരമായ ഒരുപാട് യാത്രാവിവരണ ബ്ലോഗുകള്‍ക്കിടയില്‍ എന്റെ ഈ എളിയ പോസ്റ്റ് എങ്ങിനെ സ്വീകരിക്കപ്പെടും എന്നറിയില്ല എന്നാലും എന്റെ ചെറിയ അതിരപ്പിള്ളി യാത്രയെ ഇവിടെ സമര്‍പ്പിക്കുന്നു.

നാട്ടില്‍ ഇത്തവണ ലീവിനു പോകുന്നതിനു മുന്പ് തന്നെ ഒരു യാത്ര പോകണം എന്ന്‌ ഒരുപാട് പ്ലാനിംഗ് ഒക്കെ നടത്തി. പക്ഷെ നാട്ടിലെത്തിയപ്പോള്‍ ആകെ സാഹചര്യങ്ങള്‍ മാറി മറഞ്ഞു. ഒരു പാട് പ്ലാന്‍ ചെയ്ത് ചെയ്ത് അവസാനം യാതൊരു പ്ലാനിങ്ങുമില്ലാതെ നടത്തിയ ഒരു അതിരപ്പിള്ളി യാത്ര.

ശ്രീമതിയെയും കൂട്ടി ഒരു യാത്രയാണ്‌ ഉദ്ദേശിച്ചിരുന്നതെങ്കിലും പല പല കാരണങ്ങള്‍ കൊണ്ട് ഒഴിവാക്കേണ്ടി വന്നു. പകരം കിട്ടിയത് അന്തപ്പന്‍ എന്ന് ഞാന്‍ സ്നേഹത്തോടെ വിളിക്കുന്ന ആന്റോയെ. ആന്റോയുമായി ഒന്ന് എറണാകുളത്തിനു പോകണം എന്ന് പറഞ്ഞിരുന്നു. പണ്ട് ഒന്നിച്ച് ജോലി ആവശ്യാര്‍ത്ഥം നടത്തിയിരുന്ന ട്രെയിന്‍ യാത്രയുടെ ഒരു ആവര്‍ത്തനം മനസ്സിലുണ്ടായിരുന്നു. വീട്ടില്‍ നിന്നും എറണാകുളത്തേക്ക് എന്നും പറഞ്ഞാണ്‌ ഇറങ്ങിയത്. കൊടുങ്ങല്ലൂര്‍ - ആനാപ്പുഴ - കൃഷ്ണന്‍കോട്ട വഴി മാളയിലേക്ക് (അവിടെയാണ്‌ ആന്റോയുടെ വീട്) കത്തിച്ചു വിട്ടു. 9 മണിക്ക് അവന്റെ വീട്ടില്‍. അവിടെ എത്തിയപ്പോഴേക്കും ആകാശമെല്ലാം ഒരു വിധം തെളിഞ്ഞിരുന്നു. എന്നാലും ഒരു മഴ എപ്പോ വേണമെങ്കിലും പ്രതീക്ഷിക്കാം എന്ന നില. നമുക്കൊന്ന് അതിരപ്പിള്ളിക്ക് വിട്ടാലോ? ആ നിര്‍ദ്ദേശത്തിനു മുന്പില്‍ എനിക്ക് എതിരഭിപ്രായമുണ്ടായിരുന്നില്ല. അവന്റെ സ്വരത്തില്‍ എല്ലാം "ഈസി"യായി തോന്നി.

മഴവന്നാലൊരു രക്ഷക്ക് വേണ്ടി ജാക്കറ്റ് ഉണ്ടായിരുന്നു. തലേന്ന് അടിച്ച 150 രൂപയുടെ പെട്രോളില്‍ അധികം ഒന്നും കത്തിയിട്ടില്ല.ഫുഡ് ഒക്കെ നമുക്ക് വഴിയില്‍ കിട്ടും എന്നും പറഞ്ഞുകൊണ്ട് ആന്റൊ മഴക്കോട്ടുമായെത്തി. വണ്ടിയില്‍ കയറാന്‍ നേരത്ത് ചാവി അവന്റെ കൈയില്‍ കൊടുത്തപ്പോള്‍ ഒരു വല്ലാത്ത ചിരി ചിരിച്ചുകൊണ്ട് അവന്‍ പറഞ്ഞു "ഇക്കാ എനിക്ക് ഗിയറില്ലാത്ത വണ്ടി ഓടിക്കാനേ അറിയൂ". ഞാന്‍ ചെറുതായി ഒന്ന് ഞെട്ടാതിരുന്നില്ല. കാരണം ഇത്ര ദൂരം വണ്ടിയോടിക്കുക എന്നത് എന്നെ സംബന്ധിച്ചിടത്തോളം അതുവരെ സംഭവിച്ചിട്ടില്ല എന്നത് തന്നെ. എന്തായാലും ഇറങ്ങി തിരിച്ചു, ഇനി പിന്‍മാറിയാല്‍ ശരിയാവില്ല. 9:20നു ഞങ്ങള്‍ മാളയില്‍ നിന്നു ചാലക്കുടിയിലേക്ക് യാത്ര തിരിച്ചു. എന്റെ ബൈക്ക് ഹീറോ ഹോണ്ട പാഷന്‍ പ്രോ.

ചാലക്കുടി പിന്നിടുമ്പോഴും കണ്ണാടിയിലൂടെ മഴക്കോള്‌ നല്ല കറുത്ത നിറത്തില്‍ കാണാമായിരുന്നു. പക്ഷെ മുന്നിട്ടിറങ്ങിയതല്ലേ, ഇനി പിന്മാറ്റമില്ല എന്ന് മനസ്സില്‍ ഇടക്കിടെ പറഞ്ഞുകൊണ്ടിരുന്നു. കൂടാതെ എന്തിനും തയ്യാറായി അന്തപ്പനും! ചാലക്കുടി ദേശീയപാതയെ മുറിച്ച് കടന്ന് അടുത്ത ജംഗ്ഷനില്‍ നിന്ന് ഇടത്തോട്ട് തിരിഞ്ഞ് കുറച്ച് ദൂരം വടക്കോട്ട് പോയി വീണ്ടും അടുത്ത് ജംഗ്ഷനില്‍ നിന്ന് വലത്തോട്ടുള്ള വഴിയാണെന്ന് ഒരു തഴക്കം വന്ന ഗൈഡിനെപോലെ പിന്‍സീറ്റിലിരുന്നുകൊണ്ട് ആന്റോ വഴി പറഞ്ഞുകൊണ്ടിരുന്നു. ഇടക്ക് ഞങ്ങളുടെ ടാങ്കും നിറച്ചപ്പോള്‍ ഒന്നുകൂടി ഉഷാറായി.

ചാലക്കുടിയില്‍ നിന്നും അതിരപ്പിള്ളിക്കുള്ള വഴി നല്ല നിലവാരത്തിലുള്ളതാണ്‍ (ചുരുങ്ങിയ പക്ഷം കനത്ത മഴക്കാലം വരുന്നത് വരെയെങ്കിലും). വഴിയിലുള്ള സ്ഥലങ്ങളെ കൂടുതല്‍ പരിഗണിച്ചില്ല, കാരണം എത്രയും വേഗം മഴ വരുന്നതിനു മുന്പ് അതിരപ്പിള്ളിയിലെത്തണം എന്ന ലക്ഷ്യം തന്നെ.കുറെ പോയികഴിഞ്ഞപ്പോള്‍ വഴിയുടെ സ്വഭാവം മാറിത്തുടങ്ങി. വഴികാട്ടിയായിട്ടുള്ള സര്‍ക്കാര്‍ ബോര്‍ഡുകളില്‍ ദൂര സംഖ്യകള്‍ കുറഞ്ഞുകൊണ്ടിരുന്നു. ഇടക്ക് ഒരു വെയിറ്റിംഗ് ഷെഡ് കണ്ടപ്പോള്‍ ഞാന്‍ പെട്ടെന്ന് വണ്ടി നിര്‍ത്തി. കാരണം നടുവൊന്ന് നിവര്‍ത്തല്‍ അത്യാവശ്യമായിരുന്നു. ഇതിനകം ബിസിനസ്സില്‍ ഒരു ചെറിയ മുതലാളിയായിക്കഴിഞ്ഞിരുന്ന അന്തപ്പന്‍ ഈ അവസരം അവന്റെ ഓഫീസിലേക്കും മറ്റും വിളിക്കാനായി ഉപയോഗിച്ചു.ആ പരിസരത്ത് ആകെ ഒരു വീട് കുറച്ചു മാറി. പക്ഷെ ആരെയും സമീപത്തൊന്നും കണ്ടില്ല. കുറച്ച് കഴിഞ്ഞപ്പോള്‍ എവിടെനിന്നോ ഒരു നായ വന്നിട്ട് ഞങ്ങളുടെ ബൈക്കിനെ ഒന്ന് നോക്കി. പിന്നെ എന്റെ അടുത്തു വന്നു ശേഷം ആന്റോയുടെ അടുത്തും. അവനെ അതിനെ വേണ്ടവിധം തൊട്ടു തലോടി കൈയിലുണ്ടായിരുന്ന ലൈസിന്റെ ഏതാനും കഷണങ്ങള്‍ കൊടുത്തപ്പോള്‍ മൂപ്പര്‍ക്ക് പെരുത്ത് ഹാപ്പി! പക്ഷെ അവന്റെ ഒരു ഫോട്ടോ എടുക്കാന്‍ വേണ്ടി കാമറ എടുത്തതും ഒറ്റ ഓട്ടം വച്ചുകൊടുത്തത് വളരെ വിചിത്രമായി തോന്നി ഞങ്ങള്‍ക്കും!.

യാത്രയുടെ ഒറ്റ ഇരുപ്പില്‍ അനുഭവപ്പെട്ടിരുന്ന മരവിപ്പിനു തെല്ലൊരു അശ്വാസം കിട്ടിയപ്പോള്‍ ഞങ്ങള്‍ യാത്ര തുടര്‍ന്നു. കൂടുതല്‍ പോകുന്തോറും ജനവാസം കുറഞ്ഞു വരുന്നു. വഴിയില്‍ വന്യമൃഗങ്ങള്‍ കുറുകെ കടക്കുന്ന സ്ഥലം എന്ന് എഴുതി പലയിടത്തും വച്ചിരിക്കുന്നു. പക്ഷെ അത്രക്ക് "വന്യന്മാരെ" ആരെയും വഴിക്ക് കണ്ടതുമില്ല.വലതു വശത്തുകൂടി അതിരപ്പിള്ളി വെള്ളച്ചാട്ടതില്‍ നിന്നും ഒഴുകി വരുന്ന ചാലക്കുടിപുഴ ഒഴുകുന്നു. കുറച്ച് ചെന്നപ്പോള്‍ വെള്ളാച്ചാട്ടത്തിന്റെ മൂളല്‍ കേട്ടു തുടങ്ങി. വഴിയില്‍ ഇടക്കും തലക്കും കാണുന്നത് തമിഴ്നാട്ടുകാരായ ടൂറിസ്റ്റുകളെയും വഹിച്ചുകൊണ്ടുള്ള വാഹനങ്ങള്‍ മാത്രമെന്ന് പറയാം. ചാലക്കുടി കഴിഞ്ഞപ്പോള്‍ ഞങ്ങളെ ഒരുപാട് ഹോണടിച്ച് വിരട്ടി കടന്നുപോയ പാണ്ടി ബസ്സ് വഴിയില്‍ ടയറിലെ കാറ്റുപോയി കിടക്കുന്നു. കിട്ടിയ അവസരം മുതലാക്കി ഞാനും കണക്കിനു കൊടുത്തു നമ്മുടെ ഹോണ്‍. നമ്മളാരാ.... അതിരപ്പിള്ളിക്ക് തൊട്ടു മുന്പായി പ്രവേശന കവാടമൊക്കെ വനംവകുപ്പുകാര്‍ ഒരുക്കിയിട്ടുണ്ട്. പ്രവേശന ഫീസ് 15 രൂപ/ഒരാള്‍ക്ക്. ബൈക്കിന്‍ 5 രൂപ. കാമറക്കും കൊടുക്കേണ്ടി വന്നു ഫീസ്. (വിദേശികള്‍ക്ക് 50 രൂപയാണ്‌ പ്രവേശനത്തിന്). അവിടെനിന്നും എത്തിയത് അതിരപ്പിള്ളിയുടെ പ്രവേശന കവാടത്തില്‍. ഒരു ചെറിയ ഉല്‍സവം നടക്കുന്നത്പോലെയുള്ള സ്ഥലം. ആകെപ്പാടെ ഒരു കലമ്പലുള്ള അന്തരീക്ഷം. കളിപ്പാട്ടങ്ങളും നീന്തല്‍ സാമഗ്രികളും കൂടാതെ ഭക്ഷണവും മറ്റും വില്‍ക്കുന്ന കടകള്‍. ഏതാനും ഹോട്ടലുകള്‍. പാണ്ടി നാട്ടിലെ വാഹനങ്ങളാണ്‍ പാര്‍ക്ക് ചെയ്തിരിക്കുന്നതിലധികം. പ്രവേശന കവാടത്തില്‍ യൂണിഫോമിട്ട പോലീസുകാര്‍ (അതോ വനം വകുപ്പോ?) പാസ് പരിശോധിച്ച് ആളുകളെ കടത്തി വിടുന്നു. വണ്ടിയില്‍ നിന്നും ഇറങ്ങാതെ കുറച്ചുനേരം അതൊക്കെ നോക്കിയിരുന്നു. വാഴച്ചാല്‍ വെള്ളച്ചാട്ടം കാണേണ്ടതുള്ളതുകൊണ്ട് നേരെ വിട്ടു.

വീണ്ടും മുന്നോട്ട് പോകുമ്പോള്‍ റോഡിന്റെ സ്വഭാവത്തിനു അല്പം മാറ്റം സംഭവിച്ചതായി കാണാം. അവിടവിടെ പൊട്ടിപൊളിഞ്ഞ് ചില സ്ഥലങ്ങളില്‍ നമ്മുടെ നാട്ടിലെ പഞ്ചായത്ത് റോഡിനെക്കാളും മോശം. തമിഴ്നാട്ടിലെ വാല്പാറ പൊള്ളാച്ചി എന്നിവിടങ്ങളില്‍ നിന്നും ചാലക്കുടിക്കും തിരിച്ചും ബസ്സ് സര്‍വ്വീസുണ്ട്. അവരുടെയും നമ്മുടെയും സര്‍ക്കാര്‍ വക ശകടങ്ങള്‍ കിതച്ച് നീങ്ങുന്നുണ്ട് വല്ലപ്പോഴും. ചില സ്ഥലങ്ങളില്‍ വൈല്‍ഡ്ലൈഫ് വാര്‍ഡന്മാര്‍ നിലയുറപ്പിച്ചിട്ടുണ്ട്. അവിടെയൊന്നും പാര്‍ക്ക് ചെയ്യാന്‍ പാടില്ലെന്നുള്ള ബോര്‍ഡുകള്‍ ഇടക്കിടെ കാണാം. എന്നാലും ചില "ദുരൂഹന്മാര്‍" അവരുടെ കണ്ണുവെട്ടിച്ച് ഇന്ഡിക്കയും, മാരുതിയും മറ്റും പാര്‍ക്ക് ചെയ്തിരിക്കുന്നു. കാടിന്റെ വന്യമായ സൈലന്റ് മോഡിനെ കീറി മുറിക്കുന്നത് ഏതാനും ചില വാഹനങ്ങളുടെ ശബ്ദങ്ങളും പിന്നെ ചിവീടുപോലുള്ള ചില ജീവികളുടെ കലപിലകളും മാത്രം. റോഡിന്റെ സൈഡിലൂടെ ചില നീരുറവകള്‍ ഒഴുകി വരുന്നുണ്ട്.

ഒരു ചെറിയ ഇറക്കം ഇറങ്ങുമ്പോള്‍ ഒരു വെള്ളച്ചാട്ടത്തിന്റെ ചെറിയ ബോര്‍ഡ്. (ചാര്‍പ്പയോ അതൊ ചാപ്രയോ). അവിടെ ചില ഉത്തരേന്ത്യന്‍ യാത്രികര്‍ നിന്ന് ഫോട്ടോയെടുക്കുന്നു. അവരുടെ വായ് നോക്കി നമ്മുടെ നാടന്‍ സഞ്ചാരികളും. കുറെയധികം കുരങ്ങന്മാരെയും അവിടെ കണ്ടു. ഏതാനും കുരങ്ങന്‍മാര്‍ കലുങ്കിന്റെ കൈവരികളിലും മറ്റും ഇരിപ്പുറപ്പിച്ചിട്ടുണ്ടായിരുന്നു. ഫോട്ടോ എടുക്കാന്‍ ശ്രമിച്ചപ്പോള്‍ അവരില്‍ ചിലര്‍ നന്നായി പോസ് ചെയ്തു തന്നു. എന്നാല്‍ ഒരെണ്ണം ചാടി മാറിക്കളഞ്ഞു. ഒരു വലിയ പാറയുടെ മുകളില്‍ നിന്നും ഹുംകാരത്തോടെ ചാടിതുള്ളി താഴേക്ക് കുതിക്കുന്ന വെള്ളച്ചാട്ടം. കലുങ്കിനടിയിലൂടെ റോഡിനപ്പുറത്തേക്ക് അതിവേഗം ഒഴുകിപ്പോകുന്നു അത്. നല്ല കുളിര്‍മ്മയുള്ള ഒരു അന്തരീക്ഷം. ഹെല്‍മറ്റും കോട്ടും എല്ലാം മാറ്റി അല്പനേരം അവിടെ നിന്നു. ശുദ്ധവായു നന്നായി വലിച്ചുകയറ്റിയപ്പോളുണ്ട് അതിലേക്ക് നമ്മുടെ സഞ്ചാരികളുടെ വക സിഗരറ്റിന്റെ മണം. അതോടെ അവിടത്തെ നില്പ് അവസാനിപ്പിക്കാന്‍ തീരുമാനിച്ചു. വീണ്ടും വണ്ടിയെടുത്ത് മുന്നോട്ട് നീങ്ങി. അല്പ ദൂരം പോയപ്പോഴേക്കും വാഴച്ചാല്‍ വെള്ളച്ചാട്ടത്തിന്റെ പ്രവേശന കവാടത്തിലെത്തി. മറ്റിടങ്ങളില്‍ നിന്നും വ്യത്യസ്ഥമായി പരന്നൊഴുകുന്നതാണ്‌ വാഴച്ചാല്‍ വെള്ളച്ചാട്ടം.

വാഴച്ചാല്‍ വെള്ളച്ചാട്ടത്തിലേക്കുള്ള പ്രവേശന കവാടത്തിലും കാവലുണ്ട്. അതിരപ്പിള്ളിയില്‍ നിന്നെടുത്ത ടിക്കറ്റ് തന്നെ മതി ഇതിനകത്തേക്കും കടക്കാന്‍. തമിഴ്നാട്ടിലേക്ക് പോകുന്ന വാല്‍പ്പാറ റോഡിനു കുറുകെ ഒരു ചെക്ക്പോസ്റ്റ്. അവിടെ വാഹനത്തെയും ആളുകളെയും കര്‍ശന പരിശോധനക്ക് വിധേയമാക്കുന്നുണ്ട്. വാഴച്ചാല്‍ വെള്ളച്ചാട്ടത്തിനടുത്ത് ഒരുപാട് ആളുകള്‍ പ്രത്യേകിച്ച് ഫാമിലീസ് എത്തിയിട്ടുണ്ട്. അതിരപ്പിള്ളിയില്‍ കണ്ടത്ത് അണ്ണന്മാരെയായിരുന്നെങ്കില്‍ ഇവിടെ നമ്മുടെ ചേച്ചിമാരെയും ചേട്ടന്മാരെയുമാണ്‌ കാണാന്‍ കഴിഞ്ഞത്. വെള്ളച്ചാട്ടത്തിനടുത്ത് കൈവരി കെട്ടിനിര്‍ത്തിയിരിക്കുന്നയിടത്തു നിന്നും നോക്ക്. ദൂരെ എവിടെയോ നിന്ന് പാറകളുടെ മുകളിലൂടെ ആര്‍ത്തലച്ച് വരുന്ന വാഴ്ച്ചാല്‍ പരന്നൊഴുകുന്നു. ആ സംഗീതത്തിനു ഒരു പ്രത്യേക രസമുണ്ട്. അവിടെ നിന്നും ചില ഫോട്ടോസ് എടുത്തു. പിന്നെ വലത്തോട്ട് കൈവരികള്‍ക്കരികിലുള്ള വഴിയിലൂടെ നടത്തം തുടര്‍ന്നു. എല്ലായിടത്തും ഗാര്‍ഡുമാരുണ്ട്. തെളിഞ്ഞ വെള്ളം കണ്ടപ്പോള്‍ പ്രശ്നമില്ലാത്ത ഒരു സ്ഥലത്ത് (ഗാര്‍ഡിന്റെ അനുമതിയോടെ) ഇറങ്ങി കൈയും മുഖവും ഒന്നു കഴുകി. "ഹാവൂ..ആകപ്പാടെ ഒരുന്മേഷം". അതുവരെയുണ്ടായിരുന്ന ക്ഷീണമെല്ലാം എവിടേക്കോ പോയി. വീണ്ടും കുറച്ചു നടന്നു. ഇടതുഭാഗത്ത് ചില വീടുകളും അതിനോടനുബന്ധിച്ച് ചെറിയ ചില പെട്ടിക്കടകളും. കാട്ടു തേന്‍ മുതല്‍ ബഹുരാഷ്ട്ര കോളകമ്പനികളുടെ ഉല്‍പന്നങ്ങള്‍ വരെ അവിടെ വില്ക്കാന്‍ വച്ചിരിക്കുന്നു. കടയിലിരിക്കുന്നവര്‍ ഒട്ടും തന്നെ "ഫ്രന്റ്ലി"യായി തോന്നിയില്ല. വേണമെങ്കില്‍ വാങ്ങിയാല്‍ മതി എന്ന ഒരു മട്ട്. ഇനി പ്രത്യേകിച്ചൊന്നും വാഴച്ചാലില്‍ ഉണ്ടെന്നു തോന്നുന്നില്ല. (വല്ലതും വിട്ടുപോയോ ആവോ?!). തിരികെ നടന്നു. ഏതാനും ഫോട്ടോസ് കൂടി എടുത്തു. വയര്‍ വിശന്നു തുടങ്ങിയിരുന്നു. എന്നാലും അത്യാവശ്യം പിടിച്ചു നില്‍ക്കാവുന്ന നിലയിലായിരുന്നതുകൊണ്ട് ഒരു ചായയിലൊതുക്കി. പ്രവേശന കവാടത്തിലെ ഒരു കെട്ടിടത്തില്‍ ഒരു ചായക്കട കം കൂള്‍ഡ്രിംഗ്സ് കട പ്രവര്‍ത്തിക്കുന്നുണ്ട്. ചായകുടിച്ചു കുറച്ചു നേരം ഒന്നു റിലാക്സ് ആയി. വാഴച്ചാലില്‍ വോഡഫോണിന്‌ റെയിഞ്ച് ഇല്ല. അതുകൊണ്ട് ഫോണ്‍ മിണ്ടാതെ പോക്കറ്റില്‍ കിടക്കുന്നുണ്ടായിരുന്നു. വാഴച്ചാല്‍ കഴിഞ്ഞതും ഒരു 10-15 മെസ്സേജ്. വീട്ടില്‍ നിന്നും നമ്മളെ ട്രാക്ക് ചെയ്യാന്‍ ശ്രമിച്ചപ്പോള്‍ കിട്ടിയിരുന്നില്ലല്ലോ, അതിന്റെ സൂചകങ്ങളായ മെസേജുകള്‍ ഒന്നിനുപുറകെ ഒന്നായി വന്നെത്തിയതാണ്. അതിരപ്പിള്ളി ലക്ഷ്യമാക്കി യാത്ര തുടങ്ങി.

(തീര്‍ന്നിട്ടില്ല...തുടരും .....കാത്തിരിക്കുക).

അലിക്കാ.. താങ്കള്‍ ജനങ്ങളുടെ പ്രതിനിധിയാണ്.

2010-10-11T17:54:00.003+04:00

ഒരുപാട് അനിശ്ചിതത്വത്തിനും വാദപ്രതിവാദ വിവാദങ്ങള്‍ക്കും വിരാമമിട്ട് മങ്കട എം.എല്‍.എ. ശ്രീ. മഞ്ഞളാംകുഴി അലി തന്റെ സ്ഥാനമാനങ്ങള്‍ രാജിവച്ചിരിക്കുന്നു. അടുത്ത നിയമസഭാ തെരഞ്ഞെടുപ്പിനു ഒരു വര്‍ഷത്തില്‍ താഴെ മാത്രം ബാക്കിയുള്ള സമയത്ത് സ്ഥാന ത്യാഗം നടത്തുക വഴി താന്‍ ഉള്‍പെട്ട മുന്നണിക്ക് തന്നോട് ചെയ്ത(?!) ക്രൂരതകള്‍ക്ക് പകരം വീട്ടുവാന്‍ ത്രിതല ജനവിധിയുടെ സമയം തന്നെ തെരഞ്ഞെടുത്തത് അദ്ദേഹത്തിന്റെ മനസ്സിനേറ്റ മുറിവിന്റെ ആഴം വ്യക്തമാക്കുന്നു. പച്ചപുതച്ചു കിടന്ന മലപ്പുറത്തിന്റെ രാഷ്ട്രീയ ബോധത്തെ ഒരു പരിധിവരെ ചെമ്പട്ട് പുതപ്പിക്കാന്‍ ശ്രീ. അലി വഹിച്ച പങ്ക് ചെറുതല്ല്.

എന്നിട്ടും തനിക്ക് അര്‍ഹമായ പരിഗണന മാര്‍ക്സിസ്റ്റ് പാര്‍ട്ടിയില്‍ നിന്നും ഇടതു മുന്നണിയില്‍ നിന്നും കിട്ടിയില്ല എന്ന കരച്ചില്‍ ശ്രീ. അലി ഒരുപാട് തവണ നടത്തിയിട്ടുണ്ട്. ഈ അവസരത്തില്‍ അദ്ദേഹത്തിന്റെ രാജി വേണമായിരുന്നോ എന്ന ഒരു ചോദ്യം സ്വഭാവികമായും ഏതെങ്കിലും വോട്ടര്‍ ചിന്തിച്ചാല്‍ നമുക്ക് കുറ്റപ്പെടുതാനാവില്ല. കാരണം, നിയമസഭാ തെരഞ്ഞെടുപ്പിനു ഇനി മാസങ്ങളുടെ അകലം മാത്രം. അദ്ദേഹം ആ സാമാജിക സ്ഥാനം 5 വര്‍ഷം മുഴുവനാക്കിയിട്ട്, അന്തസ്സായി ഞാന്‍ ഇടതുമുന്നണി വിടുകയാണ്‌ എന്ന് പ്രഖ്യാപിച്ചിരുന്നു എങ്കില്‍ ഒരു പക്ഷെ അതൊരു രാഷ്ട്രീയ മര്യാദയാകുമായിരുന്നു. അദ്ദേഹം ഒരു പാര്‍ട്ടിയിലും മെമ്പര്‍ അല്ല. ഇടതു മുന്നണിക്ക് പിന്തുണ കൊടുക്കുന്ന ഒരു സാമാജികന്‍ മാത്രം. കാര്യങ്ങള്‍ ഇങ്ങിനെയിരിക്കെ ഒരു പാര്‍ട്ടിയെയും പേടിക്കേണ്ട ആവശ്യമില്ല. നേരെ മറിച്ച് അലിക്ക ഒരു പാര്‍ട്ടി മെമ്പറായിരിക്കുകയും ആ പാര്‍ട്ടി അദ്ദേഹത്തോടെ അരുതാത്തത് പ്രവര്‍ത്തിക്കുകയും ചെയ്താല്‍ അതില്‍ പ്രതിഷേധിക്കുകയും തുടര്‍ന്ന് അവരോട് ഒത്തുപോവാന്‍ പറ്റില്ല എന്ന് പരസ്യമായി പറഞ്ഞുകൊണ്ട് രാജിവെക്കുകയും ചെയ്യാം-ആരും എതിരു പറയുകയില്ല. കാരണം അദ്ദേഹത്തിന്റെ എം.എല്‍.എ. സ്ഥാനം പാര്‍ട്ടിയുടെ ഒരു ഔദാര്യമായിട്ടേ കാണാന്‍ പറ്റുമായിരുന്നുള്ളൂ. സ്വാഭാവികമായും പാര്‍ട്ടിയെ ധിക്കരിക്കേണ്ടി വന്നാല്‍ പാര്‍ട്ടി മുഖേനെ കിട്ടിയ സ്ഥാനമാനങ്ങള്‍ തിരികെ കൊടുക്കേണ്ടത് ഒരു ധാര്‍മ്മികമായ കടമയാകും.

എന്നാല്‍ ഇവിടെ അദ്ദേഹം ഒരു സ്വതന്ത്ര ജനപ്രതിനിധിയാണ്. അദ്ദേഹത്തെ പാര്‍ട്ടി പിന്തുണക്കുകയാണ്‌ ചെയ്തത്. ആ നിലക്ക് പാര്‍ട്ടിയുമായി എന്തെങ്കിലും അസ്വാരസ്യങ്ങളുണ്ടെങ്കില്‍ തല്‍ക്കാലം രംഗം വഷളാക്കാതെ അടുത്ത നിയമസഭാ ജനവിധിവരെ കാത്ത് ഇപ്പോള്‍ എടുത്ത തീരുമാനം അന്നത്തെ സാഹചര്യത്തിനനുസരിച്ച് പ്രഖ്യാപിക്കുകയായിരുന്നു വേണ്ടിയിരുന്നത്.

എം.എല്‍.എ. സ്ഥാനത്തിനൊപ്പം താന്‍ കൈകാര്യം ചെയ്തിരുന്ന് മറ്റു സ്ഥനമാനങ്ങള്‍ അദ്ദേഹത്തിനു രാജിവക്കേണ്ടത് അനിവാര്യമായിരുന്നു. കാരണം അവയെല്ലാം മുന്നണിയിലംഗമായതുകൊണ്ട് കിട്ടിയതാണ്. പക്ഷെ, ഒരു മണ്ഡലത്തിലെ ജനങ്ങള്‍ അദ്ദേഹത്തെ തെരഞ്ഞെടുത്തത് 5 വര്‍ഷത്തേക്കാണ്. അതിനാല്‍ ആ 5 വര്‍ഷ കാലയളവില്‍ അദ്ദേഹം തനിക്ക് വോട്ടിട്ട് ജയിപ്പിച്ച ജനങ്ങളോട് കടപ്പെട്ടിരിക്കുന്നു. മങ്കട എന്ന മണ്ഡലത്തിലെ ജനങ്ങള്‍ക്ക് എന്തെങ്കിലും ഒരു അത്യാവശ്യകാര്യത്തിനായി ഈ കാലയളവില്‍ തങ്ങളുടെ ജനപ്രതിനിധിയെ ആശ്രയിക്കേണ്ടി വന്നാല്‍ അവര്‍ ആരുടെ അടുത്തേക്ക് പോകും??!! പാര്‍ട്ടി മെമ്പറായ ജനപ്രതിനിധി പാര്‍ട്ടിയോട് പിണങ്ങി രാജിവക്കേണ്ടി വന്നിട്ടാണ്‌ അത്തരം ഒരു സാഹചര്യം സംജാതമാകുന്നതെങ്കില്‍ വലിയൊരളവില്‍ അതിനുത്തരവാദി പാര്‍ട്ടിയാണെന്ന് നമുക്ക് നിസ്സംശയം പറയാം. എന്നാല്‍ കേവലം "സര്‍വ്വതന്ത്ര സ്വതന്ത്ര"നായ അലിക്കാക്ക് രാജിവക്കേണ്ട വല്ല കാര്യവുമുണ്ടായിരുന്നോ? ഒരുവേള അദ്ദേഹത്തിന്റെ മനസ്സില്‍ പാര്‍ട്ടിയെ ഒരു പാഠം പഠിപ്പിക്കണം ഈ തദ്ദേശ തിരഞ്ഞെടുപ്പ് കഴിയുമ്പോഴേക്ക് എന്ന് തോന്നിയിരിക്കാം.

ശ്രീ. അലിയുടെ രാജി രാഷ്ട്രീയ മര്യാദകളുടെ അളവുകോല്‍ വച്ച് വിലയിരുത്തേണ്ടത് കാലഘട്ടത്തിന്റെ അത്യാവശ്യമാണ്. അല്ലാത്തപക്ഷം പോസ്റ്ററൊട്ടികുകയും ജയ് വിളിക്കുകയും തെരഞ്ഞെടുപ്പിന്റെ അന്ന് അനുസരണയോടെ പോയി വോട്ടിടുകയും ചെയ്യുന്ന പൊതുജനത്തിനു കഴുത എന്ന വിശേഷണം തലയില്‍ നിന്നും ചുമലില്‍ നിന്നും തട്ടിയിടുവാന്‍ കഴിയില്ല.

ഫോട്ടങ്ങള്‍

2010-10-06T19:39:00.001+04:00

മഴയത്തെ ഒരു ചിത്രം. എടുക്കാന്‍ ശ്രമിച്ചപ്പോള്‍ ഇങ്ങിനെയായിപ്പോയി.

വണ്ട് ആ പൂവിനുള്ളില്‍ കയറുന്നതും നോക്കി കുറെ കാത്തിരുന്നു. പിന്നെ ക്ഷമകെട്ട് ഒറ്റ ക്ലിക്ക്! അതാണ്‌ ഇത്.

കാലത്തിന്റെ തഴുകലേറ്റ്...

ഒഴുക്കും കുഞ്ഞോളവും

ഒരു തല്ലിപ്പൊളി കാമറയിലൂടെ ഞാന്‍ കണ്ടവയാണ്‌ മുകളിലെ ചിത്രങ്ങള്‍.

വിലക്കയറ്റത്തിനിടയിലെ ഉറക്കം

2010-09-01T12:36:00.000+04:00

വിലക്കയറ്റത്തിന്റെ ചര്‍ച്ചക്കിടയില്‍ പ്രണാബ് മന്ത്രി മറുപടി പ്രസംഗം ആരംഭിച്ചപ്പോള്‍ ഒരു ബഹുമാന്യ അംഗം അരികത്തിരുന്നു ഉറങ്ങുന്ന രംഗം. ഇവര്‍ക്കാണ്‌ ഈയിടെ ശമ്പളം 300 ഇരട്ടി (അതോ അഞ്ഞൂറോ?) കൂട്ടി നല്കിയത്.

വീണ്ടും ചിത്രങ്ങള്‍...

2010-06-20T19:56:00.001+04:00

പാരതന്ത്ര്യം മാനികള്‍ക്ക് മൃതിയേക്കാള്‍ ഭയാനകം..

വഴികാട്ടി.. - (ചെറായി ബീച്ച്).

വഴി വാണിഭം. - (ഫോര്‍ട്ട് കൊച്ചി).

ഫ്രെഷ് ഫിഷ് - ഫ്രം (ഫോര്‍ട്ട് കൊച്ചി).

അതിവേഗം ബഹുദൂരം - (ചെറായി ബീച്ചില്‍ നിന്നും).

തിരികെ മടങ്ങുവാന്‍ തീരത്തണയുവാന്‍ ഞാനും കൊതിക്കാറുണ്ടെന്നും... (ചെറായി ബീച്ചിനടുത്ത്).

ഈ മനോഹര തീരം.. (കൊച്ചി കുമ്പളങ്ങി പാലത്തില്‍ നിന്നും).

അസ്തമയം - (കൊച്ചി സുഭാഷ് പാര്‍ക്കില്‍ നിന്ന് കണ്ടത്).

അബുദാബി മറീന

കണ്ണാടി ചിത്രം - 1 - (കൊമ്പത്തുകടവു തച്ചപ്പിള്ളി പാലത്തിനടുത്ത് - പുത്തന്‍ചിറ)

കണ്ണാടി ചിത്രം - 2 സ്ഥലം അഴീക്കോട് (കൊടുങ്ങല്ലൂര്‍) ബീച്ച്

ഇരമ്പിയാര്‍ത്തു പെയ്ത ഒരു മഴയത്ത് ഒരു തുക്കടാ കാമറ വച്ചെടുത്ത ചിത്രം.കഴിഞ്ഞ തവണ മഴ തുടങ്ങിയപ്പോഴേക്കും ലീവ് തീര്‍ന്നു. ഇത്തവണ ജുലൈ 1നു ലീവ് തുടങ്ങും. നല്ല മഴ സീസനെ പറ്റി ഓര്‍ത്തപ്പോള്‍ എടുത്തു പോസ്റ്റിയത്.

നാട്ടില്‍ പോകുന്നതിനെ പറ്റി ഓര്‍ത്തപ്പോള്‍ സിസ്റ്റം മെമ്മറിയില്‍ തപ്പി കിട്ടിയ ചില ചിത്രങ്ങള്‍. ചുമ്മാ ഒരു രസത്തിന്‌ ക്ലിക്കിയതാണ്. സീരിയസ് പരിപാടിയൊന്നുമല്ല. അതുകൊണ്ട് തെറ്റുകുറ്റങ്ങള്‍ ധാരാളം കാണാം.

കേരളാ കഫെ

2010-06-17T10:24:00.000+04:00

സിനിമ കാണല്‍ ഇഷ്ടമുള്ള ഒരു പരിപാടിയാണെങ്കിലും പ്രവാസത്തില്‍ കിട്ടുന്ന അവസരങ്ങള്‍ വളരെ കുറവാണ്. എങ്കിലും തിയറ്ററുകളെ ഒഴിവാക്കി പരമാവധി കിട്ടുന്ന സി.ഡി. കള്‍ കണ്ടു തീര്‍ക്കുകയാണ്‌ പതിവ്.

കേരളാ കഫെ എന്ന രഞ്ജിത്തിന്റെ "പരീക്ഷണ ചിത്ര"മാണ്‌ ഒടുവില്‍ കണ്ടത്. 10 ചെറു സിനിമകള്‍ അടങ്ങിയ കേരളാകഫെ എന്തുകൊണ്ടും മലയാള സിനിമയിലെ ഒരു നല്ല കാല്‍വയ്പാണ്. ഇതുപോലൊയുള്ള ഒരു സംരംഭം ലോകത്ത് എവിടെയോ നടന്നിട്ടുണ്ട് എന്ന് പറഞ്ഞു കേള്‍ക്കുന്നു. സത്യന്‍ അന്തിക്കാടിന്റെ ആമുഖത്തോട് കൂടിയാണ്‌ കേരളാ കഫെ തുടങ്ങുന്നത്. സമഗ്രമായ ഒരു ആസ്വാദനമോ അവലോകനമോ ഈയുള്ളവന്‍ ഉദ്ദേശിക്കുന്നില്ല. അതിനുള്ള ത്രാണിയൊട്ടില്ല. എന്റെ മനസ്സില്‍ ഈ സിനിമയെ പറ്റി തോന്നിയ കാര്യങ്ങള്‍ ഒരിടത്ത് കുറിച്ചിടുന്നു. അത്ര മാത്രം..എല്ലാ നടീ നടന്മാരുടെയും കഥാപാത്രങ്ങളുടെയും പേര്‍ ഓര്‍ത്തെടുക്കാന്‍ ബുദ്ധിമുട്ട്ള്ളത്കൊണ്ടു ചിലതൊക്കെ വിട്ടുപോയേക്കാം..

-------------------------------------------------------------------------------------------------------------

സിനിമ # 1 - നൊസ്റ്റാള്‍ജിയ.

ദിലീപ്, നവ്യ, സുധീഷ്, ബാബു നമ്പൂതിരി തുടങ്ങിയവരാണ്‌ പ്രധാന കഥാപാത്രങ്ങള്‍. പ്രവാസിയായ ദിലീപ് നാട്ടിലേക്ക് അവധിക്ക് വരുന്നതിന്‌ മുന്പുള്ള കള്ളുകുടി പാര്‍ട്ടിയിലാണ്‌ ചിത്രം ആരംഭിക്കുന്നത്. വയലാറിന്റെ ഈ മനോഹര തീരത്ത് തരുമോ... എന്ന ഗാന ശകലം ഉദ്ദരിച്ച് നായകന്‍ തന്റെ നാടിനെ പുകഴ്ത്തി പറയുന്നതിനിടയില്‍ പഴയ കൂട്ടുകാരന്റെ (സുധീഷ്) ഫോണ്‍കോള്‍. സഹപാഠികളായിരുന്ന അവര്‍ കാലത്തിന്റെ അനിവാര്യതയില്‍ വേര്‍പെട്ടുപോയതും മറ്റും ഇവിടെ പരാമര്‍ശിക്കുന്നു. തനിക്കും കൂടി ഗള്ഫില്‍ (ദുബായ്) ഒരു ജോലി ദിലീപിന്റെ കാരുണ്യത്തില്‍ - അതാണ്‌ സുധീഷിന്റെ ലക്ഷ്യം പോരാത്തതിന്‌ എടുത്താല്‍ പൊന്താത്ത ബാധ്യതകളും. അടുത്ത സീനില്‍ എറണാകുളം നഗരത്തിലെ ഗട്ടറില്‍ വീഴുന്ന വണ്ടിയുടെ കുലുക്കത്തില്‍ ഞെട്ടിയുണരുന്ന നായകന്‍ കേരളത്തെയും അവിടത്തെ റോഡുകളെയും ഭരണകൂടത്തിന്റെ ആസൂത്രണമില്ലായ്മയെയും എല്ലാം വളരെ വൈകാരികമായി വിമര്‍ശിക്കുന്നു.

പഴയ തറവാട് കൊടുത്തു കാശുവാങ്ങി അവിടെയുള്ള മാതാപിതാക്കളെ സഹോദരിയുടെ വീട്ടിലാക്കുകയാണ്‌ ദിലീപ് ഇദ്ദേശിക്കുന്നത്. ഇതു മുന്‍കൂട്ടി കണ്ട പിതാവ് ബാബു നമ്പൂതിരി വൃദ്ധസദനം എന്ന മാര്‍ഗ്ഗം തെരഞ്ഞെടുക്കുന്ന്. ഇതേപോലെ തന്നെ തന്റെ 2 പെണ്‍കുട്ടികളെയും അയാള്‍ കോണ്‍വെന്റില്‍ വന്‍തുക നല്‍കി ചേര്‍ക്കുന്നു. മറ്റുള്ളവരുടെ വേദനകളൊന്നും തന്നെ അയാള്‍ക്ക് പ്രശ്നമാവുന്നില്ല. എല്ലാറ്റിനും സ്വന്തമായ ന്യായാന്യായങ്ങള്‍. കള്ളുകുടി പാര്‍ട്ടിക്കിടയില്‍ പുകഴ്ത്തിപറഞ്ഞ പഴയ കണക്കു മാഷ് ഒരു വിവാഹ ധനസഹായാഭ്യര്‍ത്ഥനയുമായി വന്നപ്പോള്‍ ഒന്നു കാണുവാന്‍ പോലും കൂട്ടാക്കാതെ സുധീഷിനെകൊണ്ടു അയാളെ ഒഴിവാക്കുന്നു. കൂട്ടുകാരന്‍ തന്നെ സാമ്പത്തികമായി സഹായിക്കുമെന്നും ഗള്‍ഫിലേക്ക് കൊണ്ടു പോകുമെന്നും ഉറച്ച് വിശ്വസിക്കുന്ന സുധീഷിനെ വിദഗ്ദമായി നായകന്‍ കബളിപ്പിച്ച് ഗള്‍ഫിലേക്ക് മടങ്ങുന്നു. ഗള്‍ഫിലെത്തിയ നായകനെ തന്റെ കാര്യം ഓര്‍മ്മിപ്പിക്കാന്‍ സുധീഷ് ഫോണില്‍ വിളിക്കുന്നെങ്കിലും ഫോണ്‍ എടുക്കാതെ കട്ടു ചെയ്യുന്നു ദിലീപ്.

പ്രവാസി മലയാളിയെ ശരിക്കും അറിഞ്ഞു തന്നെ ആവിഷ്കരിക്കുകയും അത് നന്നായി ദിലീപ് അവതരിപ്പിക്കുകയും ചെയ്തിരിക്കുന്നു. സൂക്ഷിച്ചു നോക്കിയാല്‍ നമുക്കിടയിലും ഇതിലെ കഥാപാത്രങ്ങളെ കണ്ടുമുട്ടാന്‍ കഴിയും. ഒരു പഷെ നമ്മളിലും ഈ സിനിമയിലെ "ദിലീപ്" ഒളിഞ്ഞു കിടക്കുന്നുണ്ടാവാം..

-------------------------------------------------------------------------------------------------------------

സിനിമ # 2 - ഐലന്റ് എക്സ്പ്രസ്.

ശരിക്കും പറഞ്ഞാല്‍ ഒന്നും മനസ്സിലായില്ല ഇതു കണ്ടിട്ട്. അതുകൊണ്ട് അഭിപ്രായ പ്രകടനം ഉപേക്ഷിക്കുന്നു. പെരുമണ്‍ തീവണ്ടി അപകടത്തിലെ തീവണ്ടി ഓടിച്ചിരുന്ന ഡ്രൈവറായിരുന്നു രാജു അവതരിപ്പിച്ച കഥാപാത്രം എന്ന് മാത്രം മനസ്സിലായി.

-------------------------------------------------------------------------------------------------------------

സിനിമ # 3 ലളിതം ഹിരണ്‍മയം.

വിവാഹിതരുടെ കുടുംബ ജീവിതവും ഭര്‍ത്താവിന്റെ "മറ്റൊരു" സെറ്റപ്പുമാണ്‌ ഇവിടെ വിഷയം. ലളിത (ജ്യോതിര്‍മയി) സുരേഷ് ഗോപി ദമ്പതികള്‍ അവരെ മകള്‍, പിന്നെ സുരേഷിന്റെ കാമുകി ഹിരണ്‍മയി എന്നിവരാണ്‌ കഥാപാത്രങ്ങള്‍. വെള്ളമടിച്ച് വണ്ടിയോടിച്ച് ആശുപത്രിയിലായ സുരേഷ്ഗോപി ഭാര്യയോട് കുറ്റസമ്മതം നടത്തുന്നു - തനിക്ക് ഒരു കാമുകി ഉണ്ടെന്നും അവള്‍ തന്നില്‍ നിന്നും ഗര്‍ഭിണിയാണെന്നും. അവളെ ഉപേക്ഷിക്കരുതെന്ന് പറയുന്ന് ഭര്‍ത്താവ് ഉടനെ മരണപ്പെടുന്നു. പിന്നെ ഫ്ലാഷ് ബാക്ക് കഴിഞ്ഞു നമ്മള്‍ കാണുന്നത് രണ്ട് സ്ത്രീകളും പരസ്പര സഹകരണത്തോടെ ജീവിതയാത്രയില്‍ ഒന്നു ചേരാന്‍ വേണ്ടി തീരുമാനിക്കുന്നതും ലളിതയുമായി ചേരാന്‍ ഹിരണ്‌മയി വരുന്നതുമാണ്. ചിത്രം ഇവിടെ "ലളിതം ഹിരണ്മയം" ആകുന്നു.

ഈ സിനിമ സമകാലിക മലയാളി സമൂഹത്തിലെ ചില പ്രവണതകളെ കുറെയൊക്കെ വരച്ചുകാണിക്കുന്നുണ്ടോ എന്ന് അന്വേഷിക്കേണ്ടിയിരിക്കുന്നു. വിവാഹേതര ബന്ധത്തിനെ വെള്ളപൂശാനുള്ള ഒരു ശ്രമം ഈ സിനിമയിലുടനീളം കാണാം.
-------------------------------------------------------------------------------------------------------------

സിനിമ # 4 മൃത്യുഞ്ജയം

ഈ സിനിമയും മനസ്സിലാവാത്തതിനാല്‍ അതേപറ്റി എഴുതുന്നില്ല..
-------------------------------------------------------------------------------------------------------------

സിനിമ # 5 ഹാപ്പി ജേണി..(ശുഭയാത്ര)..

പേരുപോലെ ഹാപ്പിയായി തുടങ്ങുന്ന യാത്ര ജീവഭയത്താല്‍ മുഖരിതമാവുന്നു. ജഗതിയുടെ കഥാപാത്രം വിവാഹിതനും അന്യദേശത്ത് ജോലിചെയ്യുന്ന ഒരാളുമാണ്. ആഴ്ചയിലെ അവസാനം വീട്ടിലേക്കുള്ള അയാളുടെ യാത്രയാണ്‌ ഇവിടെ വിഷയം. ബസ് സ്റ്റാന്റില്‍ സ്ഥിരം കാണുന്ന സ്ത്രീകളെപറ്റി അയാളുടെ വര്‍ണ്ണനകളില്‍ നിന്നും അയാള്‍ ഏതു തരക്കാരനാണെന്ന് നമുക്ക് ഊഹിക്കാം. അങ്ങിനെ യാത്ര തുടങ്ങുന്നതിനു മുന്പ് ബര്‍ത്തില്‍ കണ്ട ബാഗിന്റെ ഉടമയായ സുന്ദരിപെണ്‍കുട്ടിയെ അയാള്‍ക്ക് സഹയാത്രികയായി കിട്ടുന്നു. ശൃംഗാരം നിറഞ്ഞ സംസാരം അവള്‍ക്ക് അത്രക്ക് പിടിക്കുന്നില്ലെങ്കിലും അയാളോട് അവള്‍ മുഷിഞ്ഞൊന്നും പറയുന്നില്ല. തെന്റെ ഏറ്റവും ലേറ്റസ്റ്റ് മൊബൈല്‍ അവളെ കാണിച്ച് അതുപോലൊന്നു വാങ്ങിക്കൂടെ എന്ന് ചോദിക്കുന്ന അവള്‍ പറയുന്ന മറുപടിയില്‍ (തന്റെ മൊബൈലിലെ കാള്‍ ബട്ടന്‍ അമര്‍ത്തിയാല്‍ എല്ലാം അതോടെ അവസാനിക്കും എന്ന്) അയാള്‍ ഞെട്ടുന്നു ശരിക്കും. ആ പെണ്‍കുട്ടിയുടെ സംസാരം ഒരു നക്സല്‍ ശൈലിയിലുമായിരുന്നു. അനങ്ങാനനുവദിക്കാതെ അയാളെ നിശ്ശബ്ദനാക്കുകയാണ്‍ ആ പെണ്കുട്ടി.

തനിക്ക് വീടും കുടുംബവുമുണ്ട് ഇതിലെ യാത്രക്കാരെല്ലം പാവങ്ങളാണ്, എന്ന് കരഞ്ഞ് പറയുന്ന സമയത്ത് പെണ്‍കുട്ടിക്ക് ഇറങ്ങാനുള്ള സ്റ്റോപ്പ് എത്തുന്നു. അയാളെ ശരിക്കും വിഡ്ഡിയാക്കിയ സന്തോഷത്തില്‍ ഇറങ്ങുന്ന അവള്‍ പുറത്തെത്തി റ്റാറ്റാ പറയുമ്പോഴാന്‍ താന്‍ മണ്ടനാക്കപ്പെട്ടത് അയാള്ക്ക് മനസ്സിലാവുന്നത്. അവളെ കാത്ത് അവളുറ്റെ പിതാവ് കാത്തുനില്ക്കുന്നു. അവരുടെ സംസാരത്തില്‍ നിന്നും അവള്‍ മുന്‍പും ഇതുപോലത്തെ സാഹചര്യങ്ങള്‍ കൂളായി നേരിട്ടിട്ടുണ്ട് എന്ന് നമുക്ക് മനസ്സിലാക്കാം.

ബസ്സില്‍ മാത്രമല്ല ഒട്ടുമിക്ക യാത്രകളിലും പെണ്‍കുട്ടികള്‍ക്ക് നേരിടേണ്ടി വരുന്ന ബുദ്ധിമുട്ടുകളെ നല്ല രീതിയില്‍ പ്രതീകവല്‍ക്കരിച്ചിരിക്കുന്നു ഇതില്‍. സാഹചര്യങ്ങളെ സധൈര്യം നേരിടാന്‍ സ്ത്രീകള്‍ക്ക് വ്യക്തമായ ഒരു സന്ദേശവും ഈ ചിത്രം നല്‍കുന്നു.
-------------------------------------------------------------------------------------------------------------

സിനിമ # 6 അവിരാമം

സിദ്ദീഖ്-ശ്വേതാ മേനോന്‍ പിന്നെ അവരുടെ കുട്ടികള്‍. ഇവരാണ്‌ ഇതിലെ കഥാപാത്രങ്ങള്‍. ബിസിനസുകാരനായ ഭര്‍ത്താവിന്റെ എടുത്താല്‍ പൊന്താത്ത അത്രയും കടങ്ങള്‍ അതിന്റെ പ്രതിസന്ധികള്‍ കുടുംബത്തോടുള്ള പ്രതിബദ്ധത ഇവയെല്ലാം വിഷയമായിരികുന്നു. കടം കയറി മൂക്കിനു മുകളിലെത്തിയ നായകന്‍ നായികയെയും കുട്ടികളെയും വീട്ടിലേക്ക് പറഞ്ഞയച്ച് ജീവിതം അവസാനിപ്പിക്കാനൊരുങ്ങുന്നു. പക്ഷെ ഏതോ ഒരുള്‍വിളി കേട്ടിട്ടെന്നവണ്ണം നായികയും കുട്ടികളും യാത്ര ഉപേക്ഷിച്ച് ഓടിയെത്തുമ്പോള്‍ നായകന്‍ കഴുത്തില്‍ കുരുക്കിട്ട് പാരച്യുട്ട് ചാടാനുള്ള തയ്യാറെടുപ്പിലായിരുന്നു. തുടര്‍ന്ന് ഭാര്യയെയും മക്കളെയും കെട്ടിപ്പിടിച്ച് നില്‍ക്കുന്ന സമയത്ത് കഥ അവസാനിക്കുന്നു.

ഒരു വേള കൈവിട്ടു പോകുമായിരുന്ന് ഒരു ജീവിതമാണ്‌ ഇവിടെ അവര്‍ക്ക് തിരിച്ച് കിട്ടുന്നത്. ഇന്നത്തെ ലോകത്ത് ഒരുവിധപ്പെട്ട മധ്യവര്‍ഗ്ഗത്തിന്റെ ജീവിത തത്രപ്പാടുകള്‍ നന്നായി വരച്ചിട്ടിരിക്കുന്നു ഈ സിനിമ. ജീവിതത്തിന്റെ അവസാന പടിയില്‍ ചവിട്ടി നിന്നിട്ടുപോലും നായക കഥാപാത്രം ഭാര്യയോടും മക്കളോടും യാതൊരു അപാകതകളും പ്രകടമാക്കുന്നില്ല, പക്ഷെ ശ്വേത അവതരിപ്പിച്ച ഭാര്യക്ക് ചിലതൊക്കെ മനസ്സിലാവുന്നുണ്ട്. ഈ ദമ്പതികള്‍ തമ്മില്‍ എത്രത്തോളം പരസ്പരമുള്ള ഒരു "അണ്ടര്‍സ്റ്റാന്റിംഗ്" ഉണ്ടായിരുന്നു എന്ന് അവരുടെ കോമ്പിനേഷന്‍ സീനുകള്‍ കാണിച്ചു തരുന്നു. ആധുനിക കാലഘട്ടത്തിലെ "കടം കയറി ആത്മഹത്യ" എന്ന വിഷയം എളുപ്പത്തില്‍ കൈകാര്യം ചെയ്തിരിക്കുന്നു ഈ ചെറു സിനിമ.
-------------------------------------------------------------------------------------------------------------

സിനിമ # 7 സീസണ്‍

ശ്യാമപ്രസാദാണെന്നു (?!) തോന്നുന്നു സുരാജ് വെഞ്ഞാറമ്മൂട് നായകനായ സീസണ്‍ എടുത്തിരിക്കുന്നത്. അദ്ദേഹത്തിന്റെ ആദ്യ സിനിമകളിലെ ആ ടച്ച് പാടെ നഷ്ടപ്പെട്ടിരിക്കുന്നു എന്ന് പില്ക്കാല സിനിമകള്‍ തെളിയിച്ചിരിക്കുന്നു, ഈ സിനിമ അവയില്‍ അവസാനത്തേത് എന്നു മാത്രം പറയാം. സാമ്പത്തിക പ്രതിസന്ധിയുടെ പശ്ച്ചാത്തലത്തില്‍ തൊഴിലന്വേഷിച്ച് സായിപ്പും മദാമ്മയും നമ്മുടെ നാട്ടില്‍ (അതും കോവളത്ത്) എത്തുന്നു എന്ന ചിന്ത അല്പം ബാലിശമായിപ്പോയി.
-------------------------------------------------------------------------------------------------------------

സിനിമ # 8 ബ്രിഡ്ജ്

കേരള കഫെയില്‍ എന്നെ ഏറ്റവുമധികം ആകര്‍ഷിച്ച ചിത്രം. അവഗണിക്കപ്പെടുന്ന വൃദ്ധജനങ്ങളെയാണ്‌ സംവിധായകന്‍ വിഷയമാക്കിയിരിക്കുന്നത്. സലിം കുമാറിന്റെ അമ്മയായ ശാന്താദേവി വാര്‍ദ്ധക്യത്തിന്റെ എല്ലാ അരിഷ്ടതകളും അനുഭവിക്കുന്ന ഒരു കഥാപാത്രമാണ്. സ്വതവേ കഷ്ടപ്പാടുകള്ക്കിടയില്‍ ജീവിക്കുന്ന സലീം കുമാര്‍ അമ്മയെ വളരെയധികം സ്നേഹിക്കുന്നു. എന്നാല്‍ ഭാര്യയായ കല്‍പനക്ക് അമ്മയെ എങ്ങിനെയെങ്കിലും ഒഴിവാക്കണം. അവരെ തീര്‍ത്തും അവഗണിക്കുകയാണ്‌ മരുമകള്‍. അവസാനം ഗതികെട്ട് അമ്മയെ ഒരു സിനിമാ ടാക്കീസില്‍ കൊണ്ടു ചെന്ന് ഉപേക്ഷിക്കുകയാണ്‌ മകന്‍.

ഇതേ സിനിമയില്‍ തന്നെ തന്റെ അരുമയായ പൂച്ചകുട്ടിയെ മകന്റെ അടുത്ത് നിന്നും നിഷ്കരുണം അടര്‍ത്തി മാറ്റുകയാണ്‌ ഒരു അച്ഛന്‍. അവസാനം ജ്വരം ബാധിച്ച് കിടക്കുന്ന മകനു പൂച്ച്കുട്ടിയെ കിട്ടിയാലേ ഭേദമാവൂ എന്ന തിരിച്ചറിവില്‍ അയാള്‍ പൂച്ചയെ ഉപേക്ഷിച്ച സ്ഥലത്ത് അതിനെ തിരക്കിയെത്തുന്നുവെങ്കിലും കണ്ടെത്താനാവുന്നില്ല. ചിത്രത്തിന്റെ അന്ത്യത്തില്‍ ആ പൂച്ച്കുട്ടിയും വൃദ്ധയായ അമ്മയും ഒരുമിക്കുന്നു. വളരെ ഹൃദയസ്പര്‍ശിയായ ഒരു രംഗമാണ്‌ ഇത്.

വര്‍ത്തമാനകലികാലത്തില്‍ ഇത്തരം വൃദ്ധരായ മാതാപിതാക്കളെ ഉപേക്ഷിക്കുന്ന ഒരു ട്രെന്റ് കൂടിവരുന്നു എന്ന് പത്ര വാര്‍ത്തകളിലൂടെയും മറ്റും നമ്മള്‍ അറിയുന്നു. എന്നാല്‍ അതിന്‌ വേണ്ടത്ര "സെന്‍സേഷണല്‍" പ്രാധ്യാന്യമോ ഒരു "സ്കൂപ്പ്" ഉണ്ടാക്കാനുള്ള കോപ്പോ ഇല്ലാത്തതിനാല്‍ ഇത്തരം വാര്‍ത്തകള്‍ പാര്‍ശ്വവല്‍ക്കരിക്കപ്പെടുകയാണ്‌ സംഭവിക്കുന്നത്. ഇന്നു ഞാന്‍ നാളെ നീ എന്ന ഒരു സന്ദേശവും ചിത്രം നല്‍കുന്നു.
-------------------------------------------------------------------------------------------------------------

സിനിമ # 9 മകള്‍

മനുഷ്യകടത്ത് വിഷയമായ ഈ ചിത്രത്തില്‍ സമൂഹത്തില്‍ മാന്യതയുടെ മുഖംമൂടിയണിഞ്ഞു നടക്കുന്ന മാഫിയയെ ചിത്രീകരിച്ചിരിക്കുന്നു. എടുത്തുപറയാനുള്ള മേന്മകളൊന്നുമില്ലെങ്കിലും ഒറ്റ വാക്കില്‍ പറഞ്ഞാല്‍ "കൊള്ളാം".
-------------------------------------------------------------------------------------------------------------

സിനിമ # 10 പുറംകാഴ്ചകള്‍

സുന്ദരമായി ഒഴുകിക്കൊണ്ടിരുന്ന കഥക്ക് അവസാനം ഒരു "ട്വിസ്റ്റ്" സംഭവിക്കുകയാണ്. ഇടുക്കിയിലെ കുന്നിന്‍ ചെരിവുകളിലൂടെയുള്ള ഒരു ബസ് യാത്ര. യാത്രികര്‍ നമ്മുടെ ശ്രീനിവാസന്‍, മമ്മൂട്ടി പിന്നെ കാഴ്ചകാണുവാനിറങ്ങിയ കുറെ ചെറുപ്പക്കാര്‍. എല്ലാവര്‍ക്കും തങ്ങളുടെ ലക്ഷ്യങ്ങള്‍. മമ്മൂട്ടിയുടെ യാത്രികന്‍ ബസിന്റെ വേഗതയിലും ഇടക്കുള്ള നിര്‍ത്തലിലും മറ്റും അസ്വസ്ഥനാണ്. അതില്‍ പ്രതിഷേധവുമുണ്ട് പുള്ളിക്കാരന്. ബസ് ജീവനക്കാര്‍ "ഇതേതാ ഈ സാധനം", "ഇത് നമ്മളെത്ര കാണുന്നതാ" എന്നെല്ലാമുള്ള ഭാവത്തില്‍ വണ്ടിയോടിക്കുന്നു. ഇടക്ക് കയറുന്ന ചെറുപ്പക്കാര്‍ അടുത്ത ഫോട്ടോ പോയിന്റില്‍ വണ്ടി കുറച്ച് സ്നാപ്പെടുക്കാന്‍ വേണ്ടി നിര്‍ത്തിതരണം എന്നു ജീവനക്കാരോട് അഭ്യര്‍ത്ഥിക്കുകയും അവര്‍ അത് അംഗീകരിക്കുകയും ചെയ്യുന്നു. (യഥാര്‍ത്തതില്‍ അവിടെയുള്ള ബസ്സുകാര്‍ ഇതുപോലെ ചെയ്യുമോ???!!!) എന്നാല്‍ മമ്മൂട്ടിയുടെ കഥാപാത്രം അതിലും പ്രതിഷേധിക്കുന്നു. എന്നാല്‍ "താന്‍ ടാക്സി വിളിച്ചു പോ" എന്ന ലൈനില്‍ യുവ സംഘവും ബസ്സുകാരും.

എന്നാല്‍ സ്റ്റോപ്പില്ലാത്ത ഒരു സ്ഥലത്ത് (ഒരു വളവില്‍) വണ്ടി നിര്‍ത്താന്‍ മമ്മൂട്ടിയുടെ യാത്രികന്‍ ആവശ്യപ്പെടുമ്പോള്‍ മറ്റുള്ളവര്‍ക്ക് അതിഷ്ടപ്പെടുന്നില്ല. എന്തായാലും ബസ്സ് വളവില്‍ നിര്‍ത്തുന്നു. വളവില്‍ കണ്ട വീട്ടിലേക്ക് അയാള്‍ ഓടിക്കയറുന്നു. വീടിനു പുറത്ത് ഒരു മരണമറിഞ്ഞെത്തിയ ജനക്കൂട്ടം. സ്വന്തം വീട്ടില്‍ നടന്ന ഒരു മരണത്തിനെ തുടര്‍ന്നുണ്ടായ മനസ്സിന്റെ സംഘര്‍ഷമായിരുന്നു അയാളുടെ അസ്വസ്ഥതക്ക് കാരണമെന്ന് അവസാനമാണ്‌ പ്രേക്ഷകര്‍ മനസ്സിലാക്കുന്നത്.
-------------------------------------------------------------------------------------------------------------

ബാക്കിപത്രം: ഇപ്പോള്‍ പുറത്തിറങ്ങുന്ന താര ബാഹുല്യവും മറ്റുമുള്ള ചിത്രങ്ങളെ വച്ച് നോക്കുമ്പോള്‍ പ്രശംസനീയമായ ഒരു നീക്കമാണ്‌ ഇതിന്റെ അണിയറ പ്രവര്‍ത്തകര്‍ നടത്തിയിരിക്കുന്നത്. ബ്രിഡ്ജ് എന്ന സിനിമ വേണമെങ്കില്‍ ഒരു 2 മണിക്കൂറിലേക്ക് നീട്ടി പരത്തിയെടുകാവുന്നതാണ്. താരങ്ങളും അണിയറപ്രവര്‍ത്തകരും സാംസ്കാരിക നായകരും രാഷ്ട്രീയക്കാരും തമ്മില്‍ സിനിമയുടെ പേരില്‍ നടത്തുന്ന തമ്മില്‍ തല്ലില്‍ മനം മടുത്തിരിക്കുന്നവര്‍ക്ക് ഒരു നീരുറവ പോലെയാണ്‌ ഇത്തരം പരീക്ഷണങ്ങള്‍. തീര്‍ച്ചയായും ഇതിനെ പ്രോല്‍സാഹിപ്പിക്കണം. കേവലം ബോക്സ് ഓഫീസ് വിജയം മാത്രം ലക്ഷ്യം വക്കുന്ന പ്രവണതയില്‍ നിന്നും മാറി നടക്കേണ്ട സമയം അതിക്രമിച്ചിരിക്കുന്നു. ഭാവുകങ്ങള്‍ കേരളാ കഫേയുടെ എല്ലാ പ്രവര്‍ത്തകര്‍ക്കും.